Morgunblaðið - 07.03.2015, Blaðsíða 11

Umvafinn Gunnar í vinnunni úti í garði með hluta af þeim þrjátíu hundum sem hann sér daglega um.
ast út fyrir boxið og standa á eigin
fótum. Mig langaði líka til að ná
góðum tökum á enskunni.“
Þegar Gunnar fór að starfa
sem hundalabbari árið 2002 var
hann búinn að byggja upp ágætis
tengslanet í hundaheiminum.
„Bandaríska fjölskyldan sem
ég vann hjá átti hund sem ég fór
oft með í stóran garð, Prospect
Park, en þar er alveg sérstakt
hundalíf og þangað koma mjög
margir með hundana sína á morgn-
ana. Stundum eru mörg hundruð
hundar í garðinum í einu og maður
kynnist fólkinu.“
Gunnar segir hundalabbið hafa
gengið svo vel að fjótlega hafi hann
boðið kærustunni sinni, Normu,
sem í dag er eiginkona hans, að
hætta að vinna en koma frekar með
honum í hundunum.
„Hún gerði það og núna erum
við Norma með um 30 hunda sem
við förum saman með í garðinn alla
morgna.“
Hundarnir eru nánast eins
og börn eigenda sinna
Gunnar og Norma eru með tvo
bíla og sækja hundana að morgni
og það tekur um einn og hálfan
tíma að safna þeim öllum saman.
„Við förum svo með þá í garð-
inn í tvo tíma að leika og síðan sæki
ég annan hóp af hundum um miðj-
an daginn, en sumir hundanna eru
með mér allan daginn. Þetta eru
þrjú holl af hundum yfir daginn,“
segir Gunnar og bætir við að þau
Norma fari líka með hundana á
stórt svæði í Red Hood í Brooklyn,
sem þau leigja sérstaklega til að
láta hundana hlaupa og leika.
„Við skiptum hundunum í leik-
hópa og þetta er mjög skemmti-
legt. Við byggjum upp traust og
vináttusamband við hundana. Við
viljum ekki stækka fyrirtækið og
ráða til okkar fólk, af því þá miss-
um við snertinguna við hundana.
Við viljum sjá um þetta sjálf og
vera vinir hundanna. Þetta er mikil
ábyrgð, þetta eru lifandi skepnur
og hundarnir eru nánast eins og
börn eigenda sinna, þeir eru elsk-
aðir. Margir vinna mjög langan
vinnudag hér í New York og hafa
ekki tíma til að sinna hundunum
sínum yfir daginn, en fólk fer með
hundana í frí um helgar.“
Imba var þolinmóð við borg-
ardrenginn
Gunnar segir að vissulega
komi það fyrir að svona mörgum
hundum lendi stundum saman.
„Ég er fljótur að stoppa það
af. Ég þekki alla hundana mjög vel
og þeir eru vanir að blanda geði við
aðra hunda og taka yfirleitt vel á
móti nýjum í hópinn. Kosturinn er
líka sá að langflestir þeirra eru
geldir og þá eru þeir þægir, en ef
það kemur ný hundur sem er ógelt-
ur þá getur það vissulega skapað
titring í hópnum.“
Gunnar segist vera mikill
dýravinur enda ólst hann upp með
hundum.
„Þegar ég var strákur eign-
aðist fjölskylda mín hund sem var
með okkur allt sitt líf. Auk þess var
ég alltaf í sveit á sumrin, á Rauðs-
gili í Hálsahrepp, húsfreyjan á
bænum, hún Imba, var algjört æði.
Hún var yndisleg manneskja og af-
skaplega þolinmóð við mig borg-
ardrenginn sem hafði allt annað
hugarfar en fólkið í sveitinni. Mér
fannst algjör draumur að fá að vera
á Rauðsgili og hún Imba gaf mér
gott veganesti út í lífið.“
Hér er heimili mitt og líf
mitt
Þau Gunnar og Norma fengu
sér sinn fyrsta hund fyrir nokkrum
mánuðum og hann varð eins árs
núna í mars.
„Hann heitir fullu nafni Brynj-
ólfur Valur Zoëga Gunnarsson en
við köllum hann Binna. Hann er
yndislegur og við elskum hann. Við
keyptum okkur hús fyrir tveimur
árum svo við erum loksins með
góðar aðstæður til að vera með
okkar eigin hund,“ segir Gunnar
sem ætlar ekki að flytja til Íslands
í bráð.
„Hér er heimili mitt og líf mitt.
Við Norma erum búin að koma
okkur vel fyrir og byggja upp fyr-
irtækið okkar. Norma er algjör
engill en það reynir vissulega á að
vera alltaf saman, bæði í vinnunni
og fyrir utan vinnu. Hún er til
dæmis miklu slakari en ég með
hundana, ég vil hafa allt pottþétt
sem tengist hundunum.“
Fjölskyldan Norma eiginkona Gunnars, börn hennar og stjúpbörn Gunnars,
þau Pedro og Julia og hundur heimilisins, Benni, sem nýlega varð eins árs.
Vetur í New York Gunnar krækir hundunum í sig og svo ganga allir saman.
DAGLEGT LÍF 11
MORGUNBLAÐIÐ LAUGARDAGUR 7. MARS 2015
Viðburður undir heitinu Heim-
ilislegir sunnudagar, þar sem fólk
getur komið með börnin sín til að
eiga notalega stund, verður á
KEX hosteli við Skúlagötu á
morgun, sunnudag, kl. 13.
Þar ætlar Margrét Örnólfs-
dóttir, handritshöfundur með
meiru, að segja frá því hvernig
saga verður að kvikmynd, en hún
er handritshöfundur hinnar frá-
bæru barna- og fjölskyldumyndar
sem heitir Regína. Einnig samdi
hún tónlistina við myndina. Dans-
og söngvamyndin Regína verður
einnig sýnd á Kexinu á heim-
ilislega sunnudeginum, en þar
segir frá henni Regínu sem er
ósköp venjuleg 10 ára stelpa í
Reykjavík sem uppgötvar dag
einn að hún getur látið alls konar
hluti gerast ef hún syngur um þá.
Regína og Pétur vinur hennar
taka saman höndum og hrinda af
stað áætlun, sem varðar framtíð
þeirra og foreldra þeirra. Þegar
hinn óprúttni hárkollusölumaður
Ívar dúkkar óvænt upp og flækir
áætlanir barnanna magnast
spennan. Fyrr en varir eru börnin
orðin aðalhetjurnar í spennandi
en jafnframt spaugilegu glæpa-
máli.
Allir eru velkomnir og aðgang-
ur er ókeypis.
Heimilislegir sunnudagar á Kexinu
Sprell Regína og Pétur. Þau bralla margt
saman í kvikmyndinni um hana Regínu.
Magga Örnólfs segir frá mynd-
inni Regínu sem líka verður sýnd
Handritshöfundur Margrét Örnólfsdóttir.
Skeifunni 8 | Sími 588 0640 | casa.is
Cuero Mariposa
Hönnuðir: Bonet, Kurchan & Ferrari
Hannaður 1938
Leður verð 169.000,-