Morgunblaðið - 07.03.2015, Blaðsíða 49

MENNING 49
MORGUNBLAÐIÐ LAUGARDAGUR 7. MARS 2015
Einntilníu nefnist einkasýn-
ing Söru Riel sem opnuð
verður í dag kl. 17 í Lista-
mönnum galleríi, Skúlagötu
32-34. Á sýningunni má sjá
nýjar teikningar og málverk
eftir Söru sem fjalla um
stærðfræði og formfræði og
vísa stílbrigðin sterkt í ab-
straktlist og módernisma,
skv. sýningartexta.
„Útgangspunkturinn er
rúmfræðilegur en hefur
sterka og í raun beina teng-
ingu í algebru og talna-
fræði. Byggt er á ströngum
leikreglum (frumsemdu-
kerfi) og verkfærum þar
sem unnið er með einhver
hreinustu rúmfræðileg form
sem við þekkjum: hring,
línu, þrí-, fer-, fimm-, sex-,
sjö-, átt- og níhyrning.
Grunnverkfærin eru blýant-
ur, sirkill og reglustika,“
segir um verkin. Í þessum
leiðangri afmái Sara mörkin
milli myndlistar, tónlistar, stærðfræði og vísinda og bjóði sýningargestum að
finna mátt myndrænnar skynjunar á þessum fyrirbærum. Með könnun sinni
minni hún jafnframt á að draumur Evklíðs, sem í raun sé draumur margra
stærðfræðinga fram að okkar tímum, um hið fullkomna stærðfræðilega kerfi
sé ómögulegur. Þannig verði annaðhvort alltaf til mótsagnir eða staðhæf-
ingar sem séu sannar en ósannanlegar.
Rúmfræðilegur útgangspunktur
Morgunblaðið/RAX
Einntilníu Sara með eitt verka sinna.
Finnska tónlistarkonan Mirel
Wagner hlaut í fyrradag Norrænu
tónlistarverðlaunin fyrir árið 2014
fyrir plötu sína When The Cellar
Children See The Light Of Day. Er
það í fyrsta sinn sem Finnar hreppa
verðlaunin. Í umsögn dómnefndar
um plötuna segir m.a. að hún hafi
að geyma lokkandi og agaðar smá-
sögur og að söngur og hljóðfæra-
leikur sé undurfagur. Fólk megi
ekki láta titil plötunnar fæla sig frá
en hann mætti þýða svo: Þegar
kjallarabörnin sjá dagsljósið.
Wagner fær í verðlaunafé 30 þús-
und norskar krónur.
Fyrir hönd Íslands voru tilnefnd-
ar plöturnar Sorrí með Prins Póló
og Trash from the Boys með Pink
Street Boys.
Norrænu tónlistarverðlaunin til Wagner
Undurfögur Plata Mirel Wagner er
undurfögur, að mati dómefndar.
TÓNLIST
Arnar Eggert Thoroddsen
arnareggert@arnareggert.is
Það var eitthvað undarlegtvið það að sjá hina mátt-ugu Madonnu – sem ekkert
virðist nokkurn tíma bíta á –
detta harkalega á rassinn á nýaf-
staðinni Brit-hátíð. Hún er mann-
leg eftir allt saman! Hún lét það
hins vegar ekkert á sig fá, klár-
aði lagið með pompi og prakt en í
textanum við það er talað um að
„let down my guard“, „stumble“,
„fall“ og „I picked up my crown,
put it back on my head“. Bíddu
nú við, var þetta kannski hluti af
atriðinu eftir allt saman? Þessi
„mistök“ fengu enda ærna um-
fjöllun í kjölfarið og atriðið mun
meiri athygli en ella. Madonna
neitar eðlilega öllu en svei mér
þá, ég ætla að halda pínulítið í þá
trú að þetta hafi verið snilldar-
bragð frá meistara Madonnu. Það
er eitthvað rétt við það.
Sviðsljós
Alla tíð hefur Madonna vafið
fjölmiðlum um fingur sér af fá-
dæma öryggi. Hún er ótrúlega
nösk á hvað það er sem þarf og
hvenær rétt er að ganga bara að-
eins of langt. Ekki yfir strikið –
en samt. Myndband hennar við
Staðið í lappirnar
Kamelljón Ögrandi og tvíræð skilaboð eru máttur og megin Madonnu.
„Like a Prayer“ var mögnuð
tákna-orgía þar sem henni tókst
að fá alla sem máli skiptu upp á
afturlappirnar. Þessi ótrúlega
listakona – sem er einn vinsælasti
og áhrifamesti dægurtónlistar-
maður allra tíma – hefur þannig
náð að halda sér í sviðsljósinu
meira og minna frá því að hún
kom fyrst fram í upphafi níunda
áratugarins.
Hvað plöturnar varðar hafa
áhrifin þó verið minni undan-
farið, síðasta verk sem eitthvað
verulega er spunnið í er Ray of
Light (1998) en samt koma þær
enn út á ca. þriggja ára fresti. Sú
síðasta var MDNA (2012) sem
fékk þessa hefðbundnu la la
dóma. Þessu hyggst Madonna, sá
ódrepandi vinnuhestur og allra
handa kögull, að sjálfsögðu
breyta með Rebel Heart.
Í gegnum tíðina hefur Ma-
donna vandað sig hvað samstarfs-
menn varðar, á plötunum vinna
einatt móðins tónlistarmenn og
það er engin undantekning á því
hér. Þeir sem aðstoða við upp-
tökustjórnun eru m.a. Avicii,
Blood Diamonds, Diplo og sjálfur
Kanye West. Nicki Minaj, Chance
the Rapper, Nas, Alicia Keys og
Mike Tyson (!) koma þá við sögu í
sjálfum lögunum. Dágóðum slatta
af prufuupptökum var svo lekið
ólöglega á netið í desember síð-
astliðnum og Madonna brást
ókvæða við, talaði um listræna
nauðgun og hryðjuverkastarfsemi
og fjölmiðlar stukku óðar á yf-
irlýsingarnar. Hljómar kunnug-
lega?
Þversögn
Titillinn Rebel Heart lítur út
eins og óður til eigin ferils og
Madonna lét hafa það eftir sér að
hann væri tvíþættur, fjallaði um
tvær hliðar á sálarlífinu, þ.e. ann-
ars vegar byltingarmanninn sem
braut allar reglur og mótaði nýj-
ar í upphafi ferilsins og svo hins
vegar þessa rómantísku, hjart-
næmari hlið. Platan átti á tíma-
bili að vera tvískipt að þessu leyt-
inu til en eftir lekann var ákveðið
að hræra þessu öllu saman í eina
fjórtán laga plötu (fleiri lög
fylgja ýmiss konar veglegheita-
útgáfum).
Titillinn lýsir líka ágætlega
vissri þversögn hvað Madonnu
varðar. Hún virðist á stundum
gera allt til að vekja á sér athygli
og það er eins og hún sé alltaf í
essinu sínu þegar spjótin standa á
henni. En um leið er hún ofur-
viðkvæm, eins og alvöru lista-
mönnum er tamt, og viðbrögðin
við lekanum voru öll á þá lund.
En gleymum því ekki heldur að
Madonna er tónlistarmaður og í
nýlegu viðtali við Billboard sést
að hún veit alveg hvað hún syng-
ur í þeim efnum, hefur góða
þekkingu á samtímastraumum og
glúrið innsæi í það hvernig skuli
beita sér í samhnoðningu hljóm-
platna. Já, mikill er máttur hinn-
ar mannlegu Madonnu!
»Hún virðist ástundum gera allt til
að vekja á sér athygli og
það er eins og hún sé
alltaf í essinu sínu þegar
spjótin standa á henni.
 Poppdrottningin Madonna gefur út
Rebel Heart  Eitt magnaðasta kam-
elljón dægurtónlistarsögunnar
2 VIKUR Á TOPPNUM!
aðalhlutverki
Ertu Duff
eða ertu töff?
www.laugarasbio.is
Sími: 553-2075
SÝNINGARTÍMA MÁ NÁLGAST Á
LAUGARASBIO.IS, MIDI.IS OG
EINNIG Á SÍÐUNNI HÉR VIÐ HLIÐINA Á
- bara lúxus