Morgunblaðið - 07.03.2015, Blaðsíða 19

FRÉTTIR 19Innlent
MORGUNBLAÐIÐ LAUGARDAGUR 7. MARS 2015
Ágúst Ingi Jónsson
aij@mbl.is
Ögurvík hf í Reykjavík stefnir að
endurnýjun á skipakosti fyrirtæk-
isins á næstu árum. Hjörtur Gíslason
framkvæmda-
stjóri segir að
þegar þar að
komi verði að lík-
indum fjárfest í
frystitogarara.
Fram kom í
greiningu Sjáv-
arklasans í fyrra-
sumar að þegar
flakafrystitog-
arar voru flestir laust fyrir síðustu
aldamót voru þeir 35, en í fyrra voru
þeir aðeins 15.
Aukin áhersla á ísfisktogara
Í Morgunblaðinu í gær var greint
frá samningum Ramma í Fjalla-
byggð um smíði á 80 metra frystitog-
ara í Tyrklandi, en hönnuður skips-
ins eru Skipsteknisk AS. í Noregi.
Nýi togarinn er væntanlegur til
landsins í lok næsta árs og leysir þá
Mánaberg og Sigurbjörgu af hólmi
en þau skip eru bæði komin til ára
sinna.
Í fyrra lagði Ögurvík frystitog-
aranum Frera, HB Grandi seldi Ven-
us til Grænlands, en þau kaup gengu
til baka. Þá lét FISK Seafood breyta
Málmey í ísfisktogara með nýjum
kælibúnaði frá Skaganum. Fleira
mætti nefna í þessu sambandi, en út-
gerðarfyrirtæki hafa síðustu misseri
fjárfest verulega í uppsjávarskipum
og ísfisktogurum. Margar útgerðir
hafa ákveðið að leggja aukna áherslu
á ísfisktogara og vinnslu í landi í stað
frystiskipanna, m.a. vegna minni
rekstrarkostnaðar.
Hjörtur framkvæmdastjóri Ög-
urvíkur segir að fyrirtækið hafi sam-
einað veiðiheimildir á eitt frystiskip í
fyrra í stað tveggja áður. Frera hafi
verið lagt og sé til sölu, en hægt hafi
gengið að finna kaupanda. Markaður
fyrir gömul skip sé þungur og Freri
liggi því enn við bryggju í Örfirisey.
Áætlanir um rekstur Vigra hafi
gengið eftir.
Gárur eftir hrunið
„Vissulega dreymir okkur um end-
urnýjun, en við þurfum að koma okk-
ur í betri stöðu áður en af því verð-
ur,“ segir Hjörtur. „Við erum að
vinna úr þeim gárum, sem komu með
hruninu, en þá stigbreyttust skuldir.
Við erum að ná tökum á fjárhags-
stöðunni og þá er ekki um afskriftir á
skuldum að ræða. Afskriftirnar fóru
eitthvað annað eða kannski voru þær
aðallega í kjafti hinna talandi stétta.
Við vonum að amstur okkar og
streð muni leiða til þess að við getum
keypt skip eða byggt, kannski eftir
tvö ár. Þegar þar að kemur hugsa ég
að við förum í frystiskip.“ Freri, sem
hefur verið lagt, var byggður 1973,
en Vigri árið 1992 og segir Hjörtur
að lengi vel hafi verið talað um hann
sem nýja skipið í togaraflotanum.
Þáttaskil í sjávarútvegi
Í upphafi skýrslu Sjávarklasans
um fækkun frystitogara í júní í fyrra
segir meðal annrs: „Koma fyrsta
frystitogarans, Örvars HU-2, árið
1982 markaði þáttaskil í íslenskum
sjávarútvegi. Næstu árin og áratug-
ina fjölgaði mjög skipum með leyfi til
vinnslu um borð og rétt fyrir alda-
mót voru þau orðin 90 talsins, þar af
35 flakafrystitogarar, en þeir eru að-
eins um 15 nú. Með tilkomu frysti-
togaranna tæmdust óðum frysti-
húsin sem reist voru áratugina á
undan í sjávarplássum landsins.
Frystitogaraflotinn hefur löngum
þótt rós í hnappagati íslensks sjávar-
útvegs …“
Enn fækkar frystitogurunum
 Flakafrystitogarar voru 15 í fyrra, en 35 í lok síðustu aldar  Ögurvík stefnir að endurnýjun á skipa-
kosti á næstu árum  Líklega fjárfest í frystitogara  Þóttu „rós í hnappagati“ íslensks sjávarútvegs
Morgunblaðið/Árni Sæberg
Fryst og pakkað Vigri hefur síðustu sumur farið á makrílveiðar og aflinn þá verið frystur um borð. Myndin er frá vertíðinni í fyrrasumar.
Hjörtur Gíslason
Benedikt Bóas
benedikt@mbl.is
„Verkefni á borð við þetta var ekki
vel til þess fallið að setja í útboð á
þann hátt sem gert var,“ segir í loka-
skýrslu sem neyðarstjórn ferðaþjón-
ustu fatlaðs fólks skilaði af sér í gær.
Skýrslan er harðorð og afdráttar-
laus og vona skýrsluhöfundar að til-
lögur sem stjórnin komi með verði
til þess að raunveruleg breyting
verði á þjónustunni.
Á meðal þeirra tillagna er að ferð-
ir verði skipulagðar með fastari
hætti og að ferðirnar verði svæðis-
bundnari en áður. Sveigjanleiki
verður aukinn til að koma til móts
við einstaka notendur þjónustunnar,
sérstakir þjónustufulltrúar verða
fyrir ferðaþjónustu fatlaðs fólks í
þjónustuveri Strætó og sérhæfing
þar á bæ aukin.
Þá munu bílstjórar fá einkennis-
klæðnað, þjálfun þeirra verður stór-
aukin og samband þeirra við þjón-
ustuverið bætt.
Lagt er til að tölvu- og símakerfið
verði skoðað á hlutlausan hátt og
það borið saman við aðra möguleika.
Neyðarstjórnin leggur til að ráð-
inn verði sérstakur stjórnandi yfir
þjónustuna sem ber ábyrgð á inn-
leiðingu þeirra breytinga sem lagðar
eru til í skýrslunni.
Niðurstaða stjórnarinnar er að
mjög margt hafi farið úrskeiðis við
undirbúning verkefnisins, bæði hjá
sveitarfélögunum og Strætó. Alvar-
lega hafi skort á samráð við hags-
munasamtök fatlaðs fólks og not-
endur þjónustunnar og þá þurfi að
skipuleggja rekstur verkefnisins
upp á nýtt.
Helst kvartað um seinagang
Neyðarstjórnin hittist formlega
11 sinnum á starfstíma sínum og
hitti fjölmarga sem tengjast ferða-
þjónustunni. Algengustu kvartanir
sem stjórnin fékk frá notendum, bíl-
stjórum og starfsmönnum voru að
bílar kæmu of seint eða alls ekki.
Bílarnir stoppuðu stutt þegar far-
þegi væri sóttur, ferðatíminn væri of
langur og vantaði að tillit væri tekið
til mismunandi þarfa notenda þjón-
ustunnar. Þekking hjá bílstjórum
væri ófullnægjandi, stöðugleika
vantaði og þörfin fyrir fasta bílstjóra
væri mun meiri en í fyrstu var talið.
Þá væri of stuttur tími áætlaður í
hvert verkefni, svo fátt eitt væri
nefnt.
Sérkafli um Ólöfu Þorbjörgu
Skýrslan skilaði einnig sérkafla
um mál Ólafar Þorbjargar Péturs-
dóttur sem skilin var eftir í sjö
klukkustundir í bíl ferðaþjónustunn-
ar. Þar kemur fram að bílstjórinn
hafi ekki haft mikla reynslu af akstri
með fatlað fólk. Hann gætti ekki að
því að tryggja að allir farþegar væru
farnir úr bílnum þegar hann skilaði
hópnum sem hann var að keyra í
Hitt húsið. Þá gætti hann ekki að því
að skoða bílinn með fullnægjandi
hætti að loknum akstri í samræmi
við gildandi verklag. Á þessu hafi
síðan verið hnykkt sérstaklega í
handbók fyrir bílstjóra.
Þá voru alvarleg mistök gerð í
Hinu húsinu þegar lá fyrir að Ólöf
skilaði sér ekki þangað. Þar sé í gildi
skýrt verklag en því hafi ekki verið
fylgt. Ástæðan var sú að nýir starfs-
menn voru við störf og reynslumiklir
stjórnendur fjarri vegna starfsdags.
Í skýrslunni kemur fram að atvik-
ið hafi leitt til margvíslegra úrbóta
hjá Strætó, akstursaðilum og Hinu
húsinu.
Þarf að skipuleggja
reksturinn upp á nýtt
 Skýrsla neyðarstjórnar Strætó um ferðaþjónustu fatlaðra
Morgunblaðið/Kristinn
Kvartað Oftast var kvartað yfir að
bílar kæmu of seint.
Örráðstefna um
karla og krabbamein
Ráðgjafarþjónusta Krabbameinsfélagsins boðar
til örráðstefnu fimmtudaginn 12. mars 2015
kl. 16:30-18:00 í húsi félagsins að Skógarhlíð 8
16:30 Jakob Jóhannsson formaður
Krabbameinsfélags Íslands setur ráðstefnuna
16:35 Eru karlar sterkara kynið?
Ásgerður Sverrisdóttir krabbameinslæknir
16:55 Karlar „með öllu” – og stoltir af því
Gunnar Rúnar Matthíasson sjúkrahúsprestur
17:15 „Róbót-skurðlækningar“
Rafn Hilmarsson þvagfæraskurðlæknir
17:35 Réttindabarátta karla – mín upplifun
Hannes Ívarsson
17:45 Fyrirspurnir og umræður
Fundarstjóri: Adolf Guðmundsson
Allir velkomnir – ókeypis aðgangur