Morgunblaðið - 24.03.2015, Síða 6

Hjónin Kristinn Kjartansson og
Kristbjörg Magnúsdóttir á Akur-
eyri fagna í dag 70 ára brúðkaups-
afmæli. Ekki nóg með það því
Kristinn heldur líka upp á 93 ára
afmælið.
Kristinn og Kristbjörg hafa búið
á dvalarheimilinu Lögmannshlíð
síðustu misseri og kunna því vel, að
sögn Kristins. Þau voru bændur í 33
ár á Miklagarði í Eyjafjarðarsveit,
sem þá var í gamla Saurbæjar-
hreppi, en hættu búskap 1978 og
fluttu til Akureyrar. „Það var mikið
fyrir það að sonur okkar tók við
búinu,“ sagði Kristinn við Morgun-
blaðið í gær, spurður hvers vegna
þau hefðu hætt sem bændur. „Mað-
ur vildi síður að þetta færi í eyði.“
Kristinn er býsna hress en Krist-
björg síðri og heyrir orðið mjög
illa. Sjö áratugir er langur tími.
„Já, sjötíu ár! Það er alveg óskilj-
anlegt hvað við höfum verið gift
lengi,“ segir hann kankvís. „En við
erum bæði orðin heldur léleg; ég
get ekki gengið nema við grind og
hún ekki heldur. Það er aðallega
vegna þess hve mig svimar mikið,
svo hef ég dottið og brotið mig og
það er búið að skipta um liði í
mjöðmunum. Þetta er orðið hálflé-
legt, eins og maður segir.“
Hjónin eignuðust sex börn, fimm
drengi og eina stúlku. „Fyrst
byggðum við íbúðarhús, 1951, svo
fjós og hlöðu og svo fjárhús. Það
var töluvert bras. Við höfum lifað
breytta tíma skal ég segja þér, vin-
„Sjötíu ár! Það er alveg óskiljanlegt“
Morgunblaðið/Skapti Hallgrímsson
Hjón á Akureyri fagna 70 ára brúðkaupsafmæli í dag
ur. Þegar við byrjuðum að búa átt-
um við 33 kindur og eina kú. Svo
keypti ég aðra um vorið. Í hey-
skapnum voru verkfærin orf og
hrífa, svo keypti ég hestasláttuvél
og svo auðvitað dráttarvél enn
seinna. Þegar við hættum áttum við
26 mjólkandi kýr og 100 kindur.“
Í dag verður eðlilega fagnað í
Lögmannshlíð. skapti@mbl.is
6 FRÉTTIRInnlent
MORGUNBLAÐIÐ ÞRIÐJUDAGUR 24. MARS 2015
Nýtni, hagsýni og
minni sóun eru ær og kýr
Rakelar Garðarsdóttur
í hennar nútímalega
neytendaþætti.
NEYTENDAVAKTIN
www.hringbraut.is
við miðlum af reynslu
„Það var alveg fullur salur og stemn-
ingin mjög fín,“ sagði Sigurður Þórð-
arson, varaáheyrnarfulltrúi Fram-
sóknar og flugvallavina, að loknum
fundi hverfisráðs Laugardals og íbúa-
samtaka Laugardals í gærkvöldi.
Á fundinum var farið yfir fortíð, nú-
tíð og framtíð hverfisins.
Til máls tóku Björn Jón Bragason
sagnfræðingur, Ólöf Örvarsdóttir,
sviðsstjóri umhverfis- og skipulags-
sviðs Reykjavíkurborgar, og Lilja
Sigrún Jónsdóttir sem situr í stjórn
íbúasamtaka Laugardals. „Það var
alveg ljóst á fundinum að öllum þykir
vænt um dalinn og flestir fundar-
menn sammála um það að fyrst og
fremst ætti dalurinn að nýtast til úti-
vistar og íþrótta,“ sagði Sigurður. „Þó
að menn finni lausan blett einhvers
staðar þarf ekki endilega að byggja
hann heldur hugsa frekar til framtíð-
ar,“ bætti Sigurður við. Hann sagði
tóninn í fundarmönnum hafa verið
þann að stíga varlega til jarðar við
skipulagningu dalsins. „Fundurinn
var því mjög gagnlegur því þarna
komum við þessum sjónarmiðum á
framfæri við kjörna fulltrúa og emb-
ættismenn,“ segir hann.
Ný byggð við Suðurlandsbraut
„Á fundinum kom glögglega fram
það mál sem mikill ágreiningur hefur
staðið um frá því fyrir kosningar; um
byggðina fyrir norðan Suðurlands-
braut,“ sagði Björn Jón Bragason,
sagnfræðingur og einn framsögu-
manna fundarins. Hann sagði þessar
tillögur liggja fyrir á skipulagi og
vera til þess fallnar að skerða fram-
tíðarnot til útivistar og íþrótta. „Þó að
því sé haldið fram að þetta sé mjó
ræma er landhallinn slíkur að þarna
yrði sex hæða hár múrveggur sem
breyta myndi ásýnd dalsins og raska
notkun svæðisins sem útivistarsvæð-
is.“ laufey@mbl.is
Áhersla á útivist og íþróttir
 Íbúar Laugardals funduðu um framtíð dalsins  „Þótt það finnist laus blettur
þarf ekki að byggja hann“  Ágreiningur um byggð við Suðurlandsbraut
Morgunblaðið/Kristinn
Íbúafundur Þétt var setið í Þróttarasalnum í Laugardalnum í gærkvöldi.
Baldur Arnarson
baldura@mbl.is
Engin breyting hefur orðið á þeirri
afstöðu framkvæmdastjórnar ESB
að taka ekki við nýjum aðildarríkj-
um fyrr en í fyrsta lagi árið 2019.
Þetta kemur fram í svari upplýs-
ingafulltrúa Jean-Claude Junckers,
forseta framkvæmdastjórnar ESB,
við fyrirspurn Morgunblaðsins.
Tilefnið er umræða um Evrópu-
mál eftir áréttingarbréf Gunnars
Braga Sveinssonar utanríkisráð-
herra til forystu ESB 12. mars sl.
Í svari upplýsingafulltrúans var
vísað til þeirra orða Junckers um
miðjan júlí í fyrrasumar, er hann
ávarpaði Evrópuþingið, að yfir-
standandi aðildarviðræður muni
halda áfram en að nýjum aðildar-
ríkjum verði ekki bætt í hópinn á
næstu fimm árum. Um sé að ræða
hluta af stefnumörkun fram-
kvæmdastjórnar ESB í forsetatíð
Junckers sem Evrópuþingið hafi
kosið um. „Þetta er og verður stefna
framkvæmdastjórnar ESB,“ sagði í
svarinu.
Tímamót urðu í stækkunarsögu
ESB í fyrrasumar þegar Juncker
greindi frá því að hlé yrði gert á
stækkun sambandsins til 2019.
Hröð stækkun sambandsins
Sambandið stækkaði hratt eftir
að evran var innleidd sem gjaldmið-
ill í ársbyrjun 1999. Árið 2004 gengu
10 ríki í ESB; 8 Austur- og Mið-
Evrópuríki og Miðjarðarhafsríkin
Kýpur og Malta. Árið 2007 gengu
Rúmenía og Búlgaría í ESB og voru
aðildarríkin þá orðin 27. Króatía
gekk í sambandið 1. júlí 2013.
Aðildarviðræður Íslands og ESB
hófust formlega í júní 2010 og var
hlé gert á viðræðunum í janúar
2013.
Efnislegar samningaviðræður
hófust í júní 2011 og höfðu þær því
staðið yfir í rúma 18 mánuði þegar
hlé var gert á viðræðunum.
Viðræðuskjölin verða því orðin
sjö eða átta ára gömul árið 2019.
ESB tekur ekki við nýjum
aðildarríkjum fyrr en 2019
AFP
Forystumaður Jean-Claude Junc-
ker á blaðamannafundi 20. mars.
 Skrifstofa fram-
kvæmdastjórnar
áréttar afstöðuna
Rafræn kosning
um verkfall fé-
lagsmanna í
Starfsgreina-
sambandi Íslands
(SGS) hófst í
gærmorgun en
komi til verkfalls
mun það ná til
um tíu þúsund fé-
lagsmanna.
Kosningin stend-
ur til miðnættis mánudaginn 30.
mars og eiga niðurstöður að liggja
fyrir daginn eftir samkvæmt upplýs-
ingum SGS. Samninganefndir SGS
og Samtaka atvinnulífsins hafa verið
boðaðar til sáttafundar hjá Ríkis-
sáttasemjara klukkan ellefu í dag.
Í frétt SGS um atkvæðagreiðsluna
er haft eftir Drífu Snædal, fram-
kvæmdastjóra sambandsins, að fé-
lagsmennirnir séu sammála um að
nú sé komið að ögurstundu í kjara-
baráttu. Áætlað er að verkfalls-
aðgerðirnar hefjist 10. apríl með
allsherjarvinnustöðvun frá hádegi til
miðnættis. Í framhaldi af því verði
staðbundin verkföll en ef ekki takist
að semja skellur á ótímabundin
vinnustöðvun frá 26. maí.
Sameiginleg samninganefnd 17
aðildarfélaga BHM sem hafa sam-
þykkt að boða til verkfallsaðgerða
eftir páska hittir samninganefnd rík-
isins á viðræðufundi hjá sáttasemj-
ara fyrir hádegi í dag.
Kosning
hafin um
verkföll
Störf Óvissa er á
vinnumarkaði.
 Boðaðir til fundar
hjá sáttasemjara í dag
Samninganefnd Félags framhalds-
skólakennara fundaði með rík-
issáttasemjara í gær. Guðríður Arn-
ardóttir, formaður félagsins, sagði í
samtali við mbl.is að fundi loknum að
hann hefði verið bæði jákvæður og
lausnamiðaður og að unnið yrði
áfram í málinu.
„Það er verið að skoða ýmsa
hluti,“ sagði Guðríður. „Við erum að
þokast áfram.“
Kennarar í ríkisreknum fram-
haldsskólum og Tækniskólanum
felldu nýtt vinnumat í lok febrúar og
hafa samningar þeirra verið lausir
síðan þá. Næsti fundur í deilunni er
fyrirhugaður á morgun.
Samningar
þokast áfram