Morgunblaðið - Sunnudagur - 29.03.2015, Page 18

Ferðalög
og flakk *Ferðalangar geta valið á milli EasyJet ogIcelandair þegar haldið er til Genfar. Ice-landair flýgur þangað tvisvar í viku frámaí til september. EasyJet flýgur einnigtvisvar í viku, og er flug á áætlun allt framí október. Flugvöllurinn er örstutt frábænum og áður en farið er í gegnum
tollinn má finna vél sem skammtar
ókeypis lestarmiða niður í miðbæ.
Frí lest niður í miðbæ
F
ólk virðist skiptast í tvær
fylkingar þegar kemur að
Genf. Þessi snotra og snyrti-
lega borg er kannski ekki ið-
andi af lífi, en hún er notaleg og
örugg og allt gengur fyrir sig af
svissneskri nákvæmni. Ferðalangar
verða að muna að þó Genf sé ein af
miðstöðum alþjóðastjórnmálanna þá
er borgin agnarsmá, með aðeins
tæplega 200.000 íbúa, og ferða-
mennskumöguleikarnir eftir því.
Þeir sem heimsækja Genf ættu að
reyna að upplifa hið ljúfa svissneska
hversdagslíf og kíkja á nokkur söfn
og alþjóðastofnanir sem taka vel á
móti gestum.
Harmur og hetjudáðir
Má byrja á safni Rauða krossins.
Safnið er vel hannað og segir frá
merkilegri sögu og starfi þessara
mikilvægu alþjóðasamtaka. Þar
gefst tækifæri til að hugleiða hvert
mannkynið stefnir og muna að oft
er það í verstu hörmungunum sem
mannsandinn rís hæst.
Örstutt frá safninu eru gömlu
höfuðstöðvar Sameinuðu þjóðanna,
Höll þjóðanna. Þó svo að SÞ hafi
eignast nýjar höfuðstöðvar í New
York árið 1952 eru enn margir
starfsmenn og undirstofnanir al-
þjóðastofnunarinnar í Genf. Skoða
má húsnæðið með leiðsögumanni en
muna þarf að taka með skilríki.
Eftir að hafa drukkið í sig al-
þjóðapólitíkina ætti ferðalangurinn
að rölta í suðurátt, í átt að mið-
bænum, og spássera á bökkum
Genfarvatns. Þar eru smábátar á
ferðinni og gosbrunnurinn frægi,
Jet d‘Eau, sést langt að.
Í austurhlutanum eru verslanirnar,
bæði ódýrar keðjur og rándýrar
lúxusbúðir. Gott er að hafa augun
hjá sér og svipast eftir góðri súkku-
laðibúð, enda kunna Svisslendingar
allra þjóða best að gera gott súkku-
laði. Bæjarröltið getur svo endað við
dómkirkju heilags Péturs í elsta
hluta borgarinnar. Saga kirkjunnar
nær allt aftur til 12. aldar og ekki úr
vegi að setjast niður á kaffihúsi eða
veitingastað í nágrenninu og fá sér
kaffibolla og makkarónu eða ískaldan
bjór. Heimamenn drekka helst Feld-
schlossen og Cardinal.
Ekki gleyma að Genf er í hjarta
Evrópu og stutt að fara, t.d. með
lest, til Lyon, Bern og Torínó eða
Mílanó.
Ljósmynd / Wikipedia -Lional Rajappa (CC)
Ef höfuðstöðvar Sameinuðu Þjóðanna eru heimsóttar má m.a.
sjá rándýrt loftskraut listamannsins Miquel Barceló.
ÁFANGASTAÐUR VIKUNNAR: GENF
Hugguleg
smáborg í
hjarta Evrópu
DIPLÓMATABORGIN ER ALÞJÓÐLEGUR
SUÐUPOTTUR MEÐ SVISSNESKAN SJARMA
Ásgeir Ingvarsson ai@mbl.is
Í mars ár hvert flykkjast bílaáhugamenn til
Genfar en þar er haldin ein virtasta og stærsta
bifreiðasýning heims.
Margir framleiðendur nota bílasýninguna í
Genf til að frumsýna mergjaða kagga og í ár
fengu gestir t.d. að berja augum Alfa Romeo
4C Spider, Aston Martin Vulcan, nýjasta Audi
R8 og Koenigsegg Regera.
Aðdáendur fagurra og hraðskreiðra bíla
ættu að fara pílagrímsför á þessa sýningu a.m.k
einu sinni á lífsleiðinni.
Verst að til að hafa efni á tryllitækjunum
þurfa gestir helst að
eiga digran sjóð
á leynilegum
svissneskum
bankareikn-
ingi.
Gosbrunnurinn í
Genfarvatni, Jet d’Eau
spýtir vatnsbununni hátt
í loft og sést langt að.
Gamla dómkirkjan stendur í hlýlegu og rótgrónu hverfi þar sem gott er að spássera eða tylla sér á kaffihús.
Ljósmynd / Flickr - Geoff Livingston (CC)
Ljósmynd / Wikipedia - BriYZZ (CC)
ALÞJÓÐLEGA BÍLASÝNINGIN
Mekka
bíladellufólks