Morgunblaðið - Sunnudagur - 29.03.2015, Qupperneq 22

B
oris Johnson, borgarstjóri í London, til-
kynnti nýverið að það yrði af byggingu
stórrar hjólabrautar þvert í gegnum
miðborgina frá austri til vesturs. Hún
verður 29 kílómetra löng og er hluti af metn-
aðarfullri hjólreiðaáætlun upp á 900 milljónir
punda til að efla hjólreiðar í borginni. Vinna er
hafin við hjólabraut sem liggur norður-suður en
í næsta mánuði verður byrjað á austur-vestur-
leiðinni.
„Þetta er stór dagur fyrir hjólreiðar og fyrir
London,“ sagði hann þegar vinna hófst við
hjólabreiðstrætið. „Ég veit að margir héldu að
þetta myndi aldrei gerast og nokkrir vildu alls
ekki að þetta gerðist. En þetta er að verða að
veruleika og London verður betri borg í kjölfar-
ið. Það að fleira fólk fari að notfæra sér hjól
minnkar þrýstinginn á vegina, strætó og lestir,
minnkar mengun og bætir lífið fyrir alla, óháð
því hvort þeir hjóla sjálfir eða ekki,“ sagði
hann.
Sem stendur hjóla um 170.000 manns um
London á hverjum degi og má búast við því að
þeim fjölgi með þessari viðbót. Á nýju breiðgöt-
unni verður aukið rými fyrir gangandi og sér-
stakar hjólaakreinar aðskildar umferð.
Hreyfing af öllu tagi, þar með taldar hjólreið-
ar, hefur góð áhrif á heilsuna og er því þetta
verkefni heilsueflandi. Framkvæmdin er enn-
fremur talin gera London að mannvænni borg
og auka aðdráttarafl hennar mjög. Aðrar borgir
í Bretlandi hafa gert eitthvað í áttina við þetta,
eins og til dæmis Bristol og Brighton, en þetta
er mun stærra verkefni og metnaðarfyllra. Þetta
verður lengsta hjólabraut af þessu tagi í Evr-
ópu. Líklegt er að þessi framkvæmd, ef vel
tekst til, eigi eftir að hafa mikil áhrif á skipu-
lag í borgum næstu ár og áratugi.
Þessi tilbúna mynd sýnir hvernig
umhverfið í kringum Parliament
Square verður eftir að búið er að
leggja sérstaka hjólabraut með
akreinum í báðar áttir og bæta
svæðið fyrir gangandi vegfarendur.
RISA-HJÓLABRAUT VERÐUR LÖGÐ Í LONDON
Heilsuefling með
hjólabreiðgötu
BORGARSTJÓRI LONDON SEGIR AÐ NÝJA HJÓLABREIÐGATAN MUNI BÆTA
LÍFIÐ FYRIR ALLA OG BÚIST ER VIÐ ÞVÍ AÐ FRAMKVÆMDIN GERI BORGINA
MEIRA AÐLAÐANDI OG MANNVÆNNI.
Inga Rún Sigurðardóttir ingarun@mbl.is
Heilsa og
hreyfing
Getty Images/iStockphoto
*Vísindamenn í Saarland-háskólanum í Þýskalandi hafa komist að þvíað 45-60 mínútna kraftlúr geti eflt minnið verulega. Rannsóknin varbirt í ritinu Neurobiology of Learning and Memory en 41 nemanditók þátt. Nemendurnir lærðu 90 orð og 120 ótengd orðapör ogvar síðan skipt í tvo hópa. Annar fékk sér lúr á meðan hinn horfði ásjónvarp en lúrurunum gekk betur að muna. „Stuttur lúr í skrifstof-unni eða í skólanum hjálpar mjög við nám,“ segir Axel Mecklinger
prófessor sem segir að mikilvægt sé að hafa þessar niðurstöður í
huga. Rúm í skrifstofur og skólastofur virðist því vera málið!
Kraftlúr eflir minnið
Ef þú hefur val um að keyra eða nota almenningssamgöngur gæti verið betra
að taka strætó, eða lest þar sem það á við. Rannsóknir hafa sýnt að það að
keyra sextán eða fleiri kílómetra á dag tekur líkamlegan og andlegan toll af
fólki. Tíminn bak við stýrið getur leitt til stress, aukins blóðsykurs og kólest-
eróls og minni lífsánægju.
„Eftir því sem fólk eyðir meiri tíma í bíl til og frá vinnu, því verra hefur það
það andlega,“ segir Adam Martin frá University of East Anglia í Bretlandi sem
tók höndum saman við CEDAR, miðstöð mataræðis og hreyfingar, til að
greina gögn frá átján árum um ferðalög 18.000 manns. „Og á sama hátt leið
fólki betur ef það þurfti að labba nokkra vegalengd til vinnu,“ segir hann í
samtali við Business Insider.
„Það sem kom mest á óvart var að fólki leið betur ef það notaði almenn-
ingssamgöngur. Við vitum ekki af hverju en það getur verið að fólki finnist
það meira afslappandi að taka lest eða strætó og þannig sé meiri tími til að
undirbúa daginn, skoða tölvupóst eða spjalla við vini,“ segir hann ennfremur.
Þeir sem hafa heilsuna í fyrirrúmi ættu því að hugleiða hvernig þeir byrja og
enda hvern vinnudag.
Strætóferð getur verið
góð byrjun á deginum.
Morgunblaðið/Þórður
ALMENNINGSSAMGÖNGUR GÓÐAR FYRIR HEILSUNA
Betra að taka strætó en keyra