Morgunblaðið - Sunnudagur - 29.03.2015, Side 30

HUGMYNDALAUS FYRIR KOMANDI TEITI?
Sex sætir
smáréttir
SMÁRÉTTI ER HÆGT AÐ ÚTBÚA Á AFAR
EINFALDAN HÁTT EN GOTT ER ÞÓ AÐ VERA
BÚIN AÐ ÁKVEÐA NÓGU SNEMMA HVAÐ
SKAL FRAMREIÐA. ÞÆGILEGAST ER AÐ HAFA
RÉTTINA Á ÞANN HÁTT AÐ AUÐVELT SÉ
AÐ GRÍPA ÞÁ AF BORÐINU OG SKELLA Í SIG
Í EINUM MUNNBITA. HÉR KOMA NOKKRAR
SLÍKAR UPPSKRIFTIR.
Gunnþórunn Jónsdóttir gunnthorunn@mbl.is
Maríneraður goudaostur
Þessi réttur er afskaplega ljúffengur og auðvelt að útbúa. Ostur er
nefnilega veislukostur.
Uppskrift
250 g goudaostur
1 krukka sólþurrkaðir tómatar, safi sigtaður frá og skornir til
helminga
½ bolli ólífuolía
3 msk fínsöxuð steinselja
1 tsk hvítlauksduft
1 tsk laukduft
½ tsk þurrkað óreganó
½ tsk ítölsk kryddblanda
¼ tsk salt
¼ tsk nýmalaður pipar
tannstönglar úr tré
Steinselja og ferskir rósmarínstilkar notuð til skreytinga
Skerið ostinn í litla kubba eins og sést á myndinni eða í ca. 3 cm
stóra bita. Setjið helmingsbita af þurrkuðum tómati á ostinn.
Blandið saman kryddinu við olíuna og steinseljuna og hellið jafnt
yfir alla kubbana. Hyljið ostinn með t.d. plastfilmu og kælið í átta
upp í allt að 24 klukkustundir. Færið þá ostana á nýjan og fallegan
disk og skreytið með steinselju. Stingið rósmarínstilkunum í gegn-
um sólþurrkuðu tómatana og í ostbitana, ef vill. Ef eitthvað er eftir
af blöndunni má hella smávegis á hvern bita.
Sæt kartafla með bratwurst og sítrónumajónesi
Þessi réttur er afskaplega bragðgóður og gefur majónesið ljúffengt bragð með
kartöflunum og pylsunni. Ef þið viljið framreiða kartöflurnar volgar er ráð að
útbúa majónesið fyrst.
Uppskrift
2 stórar sætar kartöflur, afhýddar
og skornar í 3 cm kubba
2 msk ólífuolía
½ tsk pipar
¼ tsk salt
250 g bratwurst-pylsur, helst sterk-
ar, skornar í 2-3 cm bita
tannstönglar úr tré
Forhitið ofninn í 220°C. Gott er að
byrja á því að setja alla kart-
öflukubbana í poka, hella olíunni of-
an í og strá salti og pipar yfir. Hrist-
ið pokann vel og nuddið og raðið
kubbunum svo á ofnplötu með bök-
unarpappír sem búið er að smyrja
með olíu. Bakið í 15-20 mín og snú-
ið kubbunum tvisvar á meðan.
Steikið pylsubitana á steikarpönnu í
um 3-4 mínútur á hverri hlið eða
þar til brúnaðar. Geymið á eldhús-
pappír. Stingið tannstöngli í pylsu og
síðan í kartöfluna. Berið fram með
majónesinu.
’Sítrónumajónes
1 bolli majónes
2 msk söxuð fersk steinselja
2 tsk saxaður hvítlaukur
1 tsk ferskur sítrónusafi
½ tsk pipar
¼ tsk salt
Hrærið allt saman og geymið í loft-
þéttum umbúðum í ísskáp. Majónesið
getur geymst í allt að sjö daga.
Rósmarín-pekanhnetur
Það er alltaf gott að hafa eitt svona aðeins minna snarl á
borðinu, eins og partíhnetur. Salthnetur eru nokkuð
hefðbundnar en þessar rósmarín-pekanhnetur eru al-
gjörlega ómótstæðilegar.
Uppskrift
2 msk smjör
1 tsk sykur
1⁄8 tsk cayenne pipar
½ tsk salt
2 bollar pekanhnetur, til helminga
2 tsk þurrkað rósmarín
Þetta er ekki flókið. Hitið ofninn í 190°C. Bræðið smjörið
á miðlungshita á steikarpönnu. Hrærið sykrinum við, ca-
yennepipar og salti. Bætið hnetunum út á og veltið þeim
upp úr smjörblöndunni. Hellið hnetunum á ofnplötu með
bökunarpappír og passið að engar tvær snertist. Bakið í
ofninum í 10-12 mínútur, hrærið af og til á meðan eða þar
til ristaðar. Stráið rósmaríni yfir hneturnar og berið þær
fram volgar.
„Spicy“ djöflaegg
Uppskrift
6 stór egg
2 msk majónes
1½ msk gúrkusalat eða „relish“
1 tsk sinnep
1⁄8 tsk salt
pipar
paprikukrydd, til skreytingar
Fyrst þarf að sjóða eggin í 9½ mínútu. Látið þau standa í
um 15 mínútur í köldu vatni og klaka. Takið skurnina af og
skerið eggin til helminga. Takið eggjarauðuna varlega úr.
Hrærið hana saman við majónesið og bætið síðan hinum
hráefnunum við. Sprautið eggjarauðunum aftur í hólfin sín
og skreytið með paprikukryddi ef vill.
Beikonvafðar apríkósur
með salvíu
Í staðinn fyrir beikonvafðar döðlur, þann
hefðbundna rétt, getur verið gott tvist að
setja þurrkaðar apríkósur í staðinn ásamt sal-
víu, sem gefur réttinum eitthvað aukalega.
Apríkósurnar fara vel með söltu beikoninu.
Uppskrift
24 fersk salvíulauf
24 stórar þurrkaðar apríkósur
8 sneiðar beikon, hver skorin í þrennt
2 msk hlynsíróp
tannstönglar úr tré
Hitið ofninn í 190°C. Setjið salvíulauf á hverja
apríkósu og vefjið beikonsneiðinni utan um.
Látið samskeytin á beikoninu snúa niður á
bökunarplötunni. Bakið þar til beikonið er
stökkt eða í um 6-8 mínútur á hvorri hlið.
Takið úr ofninum og penslið sírópinu á bit-
ana. Stingið tannstöngli í þegar borið fram.
Smoothie-staup
Það er alltaf gott að hafa eitthvað ferskt á smárétta-
borði og ef ávextir henta ekki er upplagt að hafa smo-
othie, í litlu magni.
Uppskrift
2 bollar vanilluskyr/vanillujógúrt
2 bollar frosin jarðarber
2 frosnir bananar
½ bolli appelsínusafi
staupglös úr plasti
Öllu hent í mixara í smástund. Bætið við vatni eða safa
ef smoothie-inn er of þykkur. Hann þarf að vera nógu
þunnur til að hægt sé að drekka hann en þó ekki eins
og safi. Hellið drykknum í staupin og berið fram. Það
gerir mikið að skera niður jarðarber og setja á toppinn,
nú eða banana.
Matur
og drykkir
Rúsínur sem sæta í matinn
Morgunblaðið/Golli
*Rúsínur er afskaplega góðar, dökkar eða ljósar.Þær eru járnríkar og trefjaríkar og góðar fyrirmeltinguna. Rúsínur þykja ómissandi í grjónagrautinn enþað er ekki eina máltíðin sem rúsínur henta í.Rúsínur eru góðar út á hafragrautinn, í ab-mjólkina og út á salatið en þær gefa sætt og
gott bragð og koma í staðinn fyrir sykur – fyrir
þá sem eiga erfitt með að slíta sig frá honum.