Morgunblaðið - 16.04.2015, Qupperneq 4

4 FRÉTTIRInnlent
MORGUNBLAÐIÐ FIMMTUDAGUR 16. APRÍL 2015
Þórunn Kristjánsdóttir
thorunn@mbl.is
„Mér sýnist þetta verkfall hafa
miklu meiri afleiðingar en lækna-
verkfallið því það bitnar miklu
meira á sjúklingum. Í læknaverk-
fallinu tók ég alla vega ekki eftir því
að í þeim hópi sem ég þjóna hafi það
haft mikil áhrif. Það má búast við að
áhrif núverandi verkfalla eigi eftir
að versna ef ekki semst fljótt og það
bitnar á sjúklingum,“ segir Frið-
björn Sigurðsson krabbameins-
læknir.
Hann spyr hvort heilbrigðisstétt-
ir ættu yfirleitt að mega fara í verk-
fall, þar sem það bitni á þeim sem
síst skyldi, veiku fólki.
Mál Hinriks ekki einsdæmi
Nú bíður fjöldi sjúklinga eftir
meðferð við krabbameini t.d. geisla-
meðferð og myndrannsóknum
vegna verkfalls geislafræðinga. Á
meðal þeirra er Hinrik A. Hansen
krabbameinssjúklingur en hann
hefur beðið í viku eftir myndatöku
vegna meðferðar á krabbameins-
æxli í litla heila en hann skrifaði
grein í Fréttablaðinu í gær um sín
mál. Staða Hinriks er ekki eins-
dæmi.
„Ég þekki ekki til mála Hinriks,
en ég er með nokkra sjúklinga sem
eru í svipaðri stöðu og bíða eftir að
komast í myndgreiningu. Þeim á
eftir að fjölga,“ segir Friðbjörn.
Hann nefnir nokkra samverkandi
þætti sem tefja greiningu og með-
ferð krabbameinssjúklinga. Grein-
ing á nýjum meinum tefst þegar
taka þarf sýni með aðstoð mynd-
greiningar.
„Til viðbótar eru tafir við að fá
svör við vefjarannsókn vegna verk-
falls lífeindafræðinga. Því þurfa ein-
staklingar að bíða lengur eftir að fá
niðurstöðu og ekki er hægt að hefja
viðeigandi meðferð fyrr en niður-
stöður vefjagreiningar liggja fyrir.
Hvað meðferðarúrræði varðar þá
eru nú tafir á að sjúklingar komist í
geislameðferð vegna verkfalls
geislafræðinga. Ég hef til dæmis
þurft að ráðleggja aðra meðferð hjá
sumum minna sjúklinga vegna
þeirra tafa þó ég búist við að þeir
valkostir séu síðri,“ segir Friðbjörn.
Óþroskuð samskipti
„Þarf í nútímasamfélagi að beita
þessum verkfallsaðgerðum. Af
hverju erum við ekki þroskaðri en
þetta, að láta þetta bitna á sjúkling-
um,“ spyr Friðbjörn en hann var
einn af fáum sem greiddu atkvæði
gegn læknaverkfallinu á sínum
tíma. „Verkföll eru hönnuð þannig
að þau bitni á þriðja aðila og það
finnst mér alla vega óásættanlegt
þegar um sjúklinga er að ræða,“
segir hann en bendir þó á að hann
hafi hins vegar fullan skilning á
málum þeirra sem eru í verkfalli nú,
enda hafi læknar riðið á vaðið og
gefið í skyn að þeir hafi fengið um-
talsverðar kjarabætur.
Friðbjörn dregur þó í efa að þær
kjarabætur hafi verið eins miklar og
af var látið. Nú verði að gera kröfu
um það að deiluaðilar semji sem
allra fyrst, segir hann.
Vandasamt að vinna í verkfalli
„Það er alltaf vandasamt að vinna
innan verkfalla og slæmt ef það
bitnar á meðferð sjúklinganna. Það
er innbyggt í eðli verkfalla að þau
valda óþægindum og töfum en
slæmt ef þau valda sjúklingum
skaða,“ segir Þorbjörn Jónsson, for-
maður Læknafélagsins, spurður um
stöðu lækna sem upp er komin og
hvort þeir eigi að vera í þessari
stöðu.
Þorbjörn bendir jafnframt á að
verkfallið sé löglega boðað.
Forgangsröðun sjúklinga
Hann tekur fram að sjúklingum
sé forgangsraðað og það sé í hönd-
um yfirmanna hverrar sérgreinar
að meta þau tilvik sem upp koma.
Þorbjörn segir sjálfur ekki geta tjáð
sig um einstök tilvik, spurður út í
mál Hinriks.
Í verkföllum eru iðulega veittar
undanþágur fyrir starfsfólk. Í
læknaverkfallinu störfuðu læknar á
undanþágu og var meðal annars
sótt um undanþágu til að hafa einn
auka krabbameinslækni í vinnu
strax frá fyrsta degi. Í læknaverk-
fallinu var sem sagt alltaf einum
krabbameinslækni fleira við störf
en fram kemur á undanþágulista
fjármálaráðuneytisins.
 Krabbameinslæknir spyr hvort heilbrigðisstéttir megi fara í verkfall því það bitnar á veiku fólki
 Í læknaverkfallinu var alltaf einum krabbameinslækni fleiri við störf en fram kom á undanþágulista
Verra en læknaverkfallið
Friðbjörn
Sigurðsson
Þorbjörn
Jónsson
Kristján Kristjánsson, upplýsinga-
fulltrúi Landsbankans, segir Hörpu-
reitinn þann eina sem henti undir
framtíðarhöfuðstöðvar bankans,
sem keypti lóð við Hörpu í fyrra.
„Hönnunin er ekki hafin. Banka-
ráðið hefur enda ekki tekið loka-
ákvörðun um hvort við byggjum á
þessum reit eða ekki … Við eigum
þessa lóð en gætum selt hana aftur
ef því væri að skipta.“
Verður ákvörðun tekin í sumar?
„Já, ég á frekar von á því en það
hefur engin dagsetning verið gefin
út um það. Við eigum líka eftir að
fara í gegnum ýmsa grunnvinnu hér,
eins og þarfagreiningu fyrir nýtt
húsnæði. Við erum að hugsa um að
fækka fermetrum úr um 28 þúsund í
15 þúsund á höfuðborgarsvæðinu og
spara okkur u.þ.b. 600 milljónir á ári
í rekstrarkostnað húsnæðis.“
Fjárhagslegu rökin mjög traust
„Við erum í mjög stóru húsnæði
sem er mjög óhentugt og leigjum
það að 70 prósentum. Þannig að við
erum að skoða fjárhagslegu rökin og
þau eru mjög traust og góð en eigum
eftir að taka endanlega ákvörðun um
hvort við byggjum og hvernig hús og
hvar það verður, þótt vissulega komi
ekki margir aðrir staðir til greina á
höfuðborgarsvæðinu. Bankinn hefur
lýst því yfir við borgina að hann vilji
vera í miðborginni … Síðan fórum
við að leita að lóð og það eru ekki
margar lóðir í miðborginni sem
koma til greina. Það er í rauninni að-
eins Hörpureiturinn sem hýsir þá
stærð af húsi sem Landsbankinn
þarf undir sína starfsemi. Svo eru
heldur ekki margar lóðir á höfuð-
borgarsvæðinu sem henta,“ segir
Kristján. baldura@mbl.is
Hörpureitur sá eini
sem hentar banka
 Ákvörðun Landsbanka um framtíðarhöfuð-
stöðvar bankans verður líklega tekin í sumar
Morgunblaðið/Þórður
Hörpureitur Landsbankinn kann að
reisa nýjar höfuðstöðvar á reitnum.
Baldur Arnarson
baldura@mbl.is
Stefnt er að því að síðar í mánuðinum hefjist fram-
kvæmdir við uppgröft á reitum 1 og 2 á Austurbakka,
austur af Tollhúsinu við Tryggvagötu í Reykjavík.
Að sögn Gísla Steinars Gíslasonar, stjórnarfor-
manns Landstólpa Þróunarfélags, sem stendur að upp-
byggingunni, verður framkvæmdin kynnt nágrönnum á
næstunni. Fyrsti áfangi verður að grafa fyrir bílakjallara
en byrjað verður á fornleifagreftri í tengslum við þá
framkvæmd. Kjallarinn verður á einni hæð og verður
hann grafinn þar sem nú er stórt bílastæði austur af Toll-
húsinu.
Munu benda á önnur úrræði í nágrenninu
„Við munum greina frá því í hvaða áföngum við lok-
um bílastæðinu og munum benda á önnur úrræði í ná-
grenninu, eins og Miðbakkann, bílastæðahúsin og bíla-
kjallarann við Hörpu. Á næstu dögum og vikum munum
við byrja að girða af svæðið og hefja uppgröftinn.“
Gísli Steinar segir að alls verði um þúsund bílastæði
í samtengdum kjallara á svæðinu. Alls 545 stæði eru við
Hörpuna og 120 stæði eru áformuð á þessum reit. Til við-
bótar koma bílastæði við fyrirhugað hótel og íbúðarhús
annars vegar og bílakjallari á Landsbankareitnum hins
vegar. Gísli Steinar segir áformað að í kjölfarið rísi fjöl-
breytt íbúðar-, verslunar- og skrifstofuhúsnæði á reitum
1 og 2 og verða þau áform kynnt frekar á næstu vikum.
Verslun og þjónusta á fyrstu tveimur hæðunum
Fyrirhugaðar byggingar á reitum 1 og 2 eru merkt-
ar með hvítum lit á teikningunni hér fyrir ofan. Gert er
ráð fyrir að hvítu byggingarnar lengst til hægri á mynd-
inni, eða þær sem munu snúa í austur, verði með verslun
og þjónustu á hæðum 1 og 2. Í byggingunum vinstra
megin, sem snúa munu til vesturs, er áformað að verði
verslun og þjónusta á jarðhæð en íbúðir á efri hæðum.
Fram kemur á vef byggingarfulltrúa Reykjavíkur-
borgar að Landstólpar þróunarfélag hafi sótt um leyfi til
að byggja tvö samtengd sex hæða steinsteypt fjölbýlis-
hús með 49 íbúðum á reitunum og eru þau hús næst Toll-
húsinu til norðurs. Hönnun mannvirkja er ekki lokið.
Tryggvi Jónsson, framkvæmdastjóri mannvirkja
hjá Mannviti og forsvarsmaður Kolufells, sem sér um
uppbyggingu fimm stjörnu hótels við Hörpu, segir ekki
ákveðið hversu mörg bílastæði verði undir þeim reit. Sú
uppbygging er áformuð í haust og gæti henni lokið 2018.
Tryggvi sagði gert ráð fyrir 1.000 stæðum í samtengdum
kjallara á svæðinu. Kristján Kristjánsson, upplýsinga-
fulltrúi Landsbankans, segir ekki ákveðið hversu mörg
stæði verði í kjallara á lóð bankans á svæðinu.
Gerð bílakjallara við
Tollhúsið er að hefjast
 Bílastæðinu við Tollhúsið líklega lokað í áföngum
Tölvuteikning/PK arkitektar/Birt með leyfi
Austurbakkinn Reitir 1 og 2 eru merktir með hvítum lit. Þar undir verður bílakjallari. Uppgröftur er að hefjast.
Innréttingar & gólf
Gólfþjónusta Íslands • SÉRHÆFING Í VIÐHALDI GÓLFA
Sími 897 2225 • info@golfthjonustan.is • golfthjonustan.is
Sérsmíðum innréttingar fyrir þig