Morgunblaðið - 18.04.2015, Page 14
VIÐTAL
Malín Brand
malin@mbl.is
Fyrir hálfri öld, árið 1965, voru
fyrstu Toyota-bílarnir fluttir til
landsins. Í þá daga voru bílarnir
fluttir inn frá Danmörku og voru í
raun bílar sem urðu afgangs, ef svo
má segja, hjá danska umboðsaðila
japanska framleiðandans. Bílarnir
voru tiltölulega hráir hvað búnað
snart enda gerðu danskir neyt-
endur ekki sömu kröfur og þeir ís-
lensku. Íslendingar vildu gjarnan
aka um á sjálfskiptum bílum en
smekkurinn var annar í Evrópu.
Bein samskipti við Japani
Árið 1980 urðu töluverðar breyt-
ingar á því hvernig innflutningi var
hagað á Toyota sem skipaði orðið
ákveðinn sess hér á landi.
„Þá fór P. Samúelsson að eiga
viðskipti beint við Japan og þá varð
mjög mikil breyting vegna þess að
þá var hægt að biðja um sjálfskipta
bíla og tausæti í stað gallon-sæta
og fleira í þeim dúr,“ segir Úlfar
Steindórsson forstjóri Toyota á Ís-
landi og eigandi fyrirtækisins
ásamt Kristjáni Þorbergssyni,
fjármálastjóra. Íslenskir kaup-
endur kunnu vel að meta að geta
fengið vel búna bíla og salan jókst.
Það eru vissulega merk tímamót
að innflutningur á Toyota hafi haf-
ist fyrir fimmtíu árum en ekki eru
síðri tímamót að liðin eru tuttugu
og fimm ár frá því Toyota varð
fyrst mest selda bíltegundin á Ís-
landi. Þannig hefur það haldist frá
árinu 1990. „Hvergi annars staðar
en í Evrópu hefur þetta verið mest
seldi bíllinn tuttugu og fimm ár í
röð og auðvitað byggist þessi ár-
angur á þessari hugsun sem kemur
frá Toyota en þeir feðgar, Páll og
Bogi, fóru að innleiða þessa hugsun
út frá því að viðskiptavinurinn væri
númer eitt og reyna að veita frá-
bæra þjónustu,“ segir Úlfar.
Hið japanska „Omotenashi“
Hugsunin að baki ristir djúpt og
byggist á japanskri kurteisi og
speki. Þar í landi er þjónustulundin
mikil og fær fólk sem gegnir þjón-
ustustörfum þar ytra alla jafna
góða þjálfun í því að líta á við-
skiptavininn sem býsna mikilvæga
manneskju. „Omotenashi“ er jap-
anskt nafnorð og þýðir í rauninni
að „hafa ofan af fyrir gestsum af
öllu hjarta“ og er af mörgum talið
kjarninn í japanskri gestrisni og
þjónustulund. Í skemmtilegri grein
sem birtist á vefnum Japan Today
(www.japantoday.com) er fjallað
um „Omotenashi“ sem áhrifaríkasta
leynivopnið í japönskum viðskiptum
og um leið það mest heillandi.
Það er vel við hæfi að spyrja Úlf-
ar út í hvernig gengið hafi að inn-
leiða hina japönsku þjónustulund
hjá Toyota á Íslandi. Hann segir að
hinn góða árangur síðustu 25 ára
megi einmitt þakka góðri þjónustu
ofan á vandaða vöru. „Við viljum
vera vel tengd við viðskiptavinina
og erum að tala um samband þar
sem betri helmingurinn er við-
skiptavinurinn og þannig hefur það
verið í þessi fimmtíu ár og höfum
reynt að setja hlutina fram á þann
hátt að viðskiptavinurinn finni að
hann skiptir okkur máli,“ segir Úlf-
ar.
Betur má ef duga skal
Þjónustuþáttinn kunna margir að
meta og vilja gjarnan geta gengið
að því sem vísu að vel sé tekið á
móti þeim í bílatengdum erindum,
hvort sem bíleigendur hafa áhuga á
bílum eður ei. Úlfar segir að grunn-
hugsunin í þjónustunni, sem fjallað
var um hér að ofan, komi frá
Toyota en stöðugt sé hugað að því
hvernig bæta megi þjónustuna.
„Fyrirtækjum hefur fjölgað sem
leitast við að veita góða þjónustu.
Það fer vissulega að draga saman
þegar allir fara að gera eins og fyr-
ir vikið fór Toyota um alla Evrópu
nýverið af stað með kannanir til að
geta bætt þjónustuna enn frekar.
Viðskiptavinir eru spurðir annað-
hvort í símtali eða með tölvupósti
hvort þeir hafi verið sáttir við
þjónustuna eða viðskiptin og allir
fá tækifæri til að nefna eitt atriði
sem betur mætti fara. Við þurfum
að halda áfram og það er í raun og
veru það sem gerir Toyota að því
sem það er, ekki bara á Íslandi
heldur alls staðar, að menn eru
alltaf að reyna að gera betur en
þeir gerðu í gær þó að þeir hafi
staðið sig vel í gær.“
Það hefur verið grunnhugsunin
hjá fyrirtækinu en vissulega hafa
viðskiptavinir verið óánægðir inni á
milli, rétt eins og gerist í öllum fyr-
irtækjum. „Fólk gerir mistök, það
getur eitthvað verið að vörunni og
þá reynum við að vinna úr því með
viðskiptavininum. En við erum svo-
lítið að leita eftir því hvað það er
sem við getum gert til að við-
skiptavinurinn verði enn ánægðari,“
segir Úlfar.
Það má sannarlega velta því fyrir
sér hvernig starfsfólkið er þjálfað
því það segir sig sennilega sjálft að
ekki eru allir gæddir ríkri þjón-
ustulund frá náttúrunnar hendi.
„Til dæmis má nefna „The Toyota
Way“ sem er aðferðafræðin og
grunnhugsunin í öllum því sem
Toyota gerir og það eru þessi gildi
sem menn vilja lifa eftir. Virðing,
samvinna og „Kaizen“ sem stendur
fyrir að gera betur. Svo er það að
leita að grunni vandans en ekki að
plástra einhverja leið. Þetta er
kennt hjá Toyota og fyrir vikið höf-
um við til dæmis unnið með Há-
skólanum í Reykjavík við að und-
irbúa að koma þessum gildum á
framfæri við alla sem vinna hjá
Toyota,“ segir Úlfar.
Samstarfið við Háskólann í
Reykjavík hófst árið 2004 og árið
2005 voru haldin námskeið um gild-
in og sóttu allir starfsmenn Toyota
það. Farið var í gegnum hvaða þýð-
ingu gildin hafa og hvernig má nota
þau í daglega lífinu. „Síðan eru hér
reglulega haldin Toyota-námskeið
fyrir starfsfólk þannig að allir séu
alltaf meðvitaðir um gildin. Þetta er
stanslaus vinna við að viðhalda
hugsuninni, þekkingunni og skiln-
ingi á hvað þetta þýðir. Starfsfólk
Toyota virðist vinsælt hjá öðrum
bifreiðafyrirtækjum og það er
ákveðið hrós að sótt sé í fólkið okk-
ar,“ segir Úlfar á þessum tímamót-
um.
Opið hús um helgina
Um helgina er opið hús hjá fyrir-
tækinu. Þó ekki þannig að fara
megi um húsakynnin öll heldur
verður stór sýning og nýir mögu-
leikar til bílakaupa kynntir fyrir
viðskiptavinum. Opið verður í
Kauptúninu í Garðabæ bæði í dag
laugardag og sunnudag á milli
klukkan 12 og 16 og hjá viður-
kenndum söluaðilum Toyota um allt
land í dag á sama tíma.
Í Kauptúni verður kappaksturs-
bíllinn TS030 HYBRID til sýnis en
hann var sérstaklega fenginn að
láni að utan vegna fimmtíu ára af-
mælisins. Bíllinn er 830 hestöfl og
hefur gert garðinn frægan víða um
heim, til dæmis í Þolkeppni alþjóða
akstursíþróttasambandsins 2014 á
þeim bíl (FIA World Endurance
Championship).Gestir geta fengið
að prófa sportbílinn Toyota GT86
en slíkur bíll, sérstaklega útbúinn
sem ökuhermir, var fenginn að láni
að utan. Hermirinn er búinn sömu
stjórntækjum og raunverulegur
GT86 og stendur á vökvadælum
sem líkja eftir hreyfingum bílsins í
brautinni. THX Surround-hljóðkerfi
sér til að upplifunin af hljóðinu í
bílnum verður mjög raunveruleg.
Það getur blaðamaður fullyrt eftir
að hafa annars vegar ekið sport-
bílnum sjálfum á götum úti og próf-
að ökuherminn.
Nýjung við bílakaup
Ný leið við bílakaup verður
kynnt um helgina og nefnist hún
Toyota FLEX.
„Í grunninn er þetta þannig að
viðskiptavinurinn greiðir tíu til
þrjátíu prósent af verðlistaverði nýs
bíls og fær hann til afnota miðað
við fasta mánaðargreiðslu í tvö eða
þrjú ár. Í upphafi er ákveðið hvert
verðmæti bílsins verði í lok árs tvö
eða árs þrjú, eftir því hvort valið
er, svokallað tryggt framtíðarvirði.
Við samningslok getur viðskiptavin-
urinn ákveðið hvort hann vilji
kaupa bílinn á því verði, skilað bíln-
um án frekari greiðslna að því til-
skildu að bíllinn sé í ásættanlegu
ásigkomulagi eða þá valið annan bíl
og notað muninn á uppítökuverði
og tryggðu framtíðarvirði sem inn-
borgun í nýjan samning,“ segir Úlf-
ar Steindórsson, forstjóri Toyota á
Íslandi.
Nánari upplýsingar um Toyota
FLEX verður innan skamms hægt
að nálgast á vefsíðunni
www.toyota.is eða með því að líta
inn hjá söluaðilum Toyota í dag eða
á morgun.
Með japanska gestrisni að leiðarljósi
Toyota á Íslandi í fimmtíu ár Mest selda tegundin tuttugu og fimm ár hér á landi Um helgina
verður opið hús hjá Toyota og umboðsmönnum um land allt Ný leið við bílakaup verður kynnt
Morgunblaðið/RAX
Árangur Úlfar Steindórsson, forstjóri Toyota á Íslandi, er afar ánægður með þann árangur sem náðst hefur síðan
fyrstu Toyota-bílarnir voru fluttir inn til landsins. Síðan eru liðin fimmtíu ár og er þeim tímamótum nú fagnað.
Hermir GT86 útbúinn sem öku-
hermir er til reynslu um helgina.
Alvöru 830 hestafla TS030 HYBRID
kappakstursbíll er til sýnis.
14 FRÉTTIRInnlent
MORGUNBLAÐIÐ LAUGARDAGUR 18. APRÍL 2015
Hátt kjötinnihald – Ekkert kornmeti
Smáralind | Kringlunni | Reykjanesbæ | Sími 511-2022 | www.dyrabaer.is – fyrir dýrin þín
Verð frá2.980 kr.
Hágæða hunda- og kattafóður