Húnavaka - 01.05.1981, Blaðsíða 164

162
HÚNAVAKA
að gefa sig meira að söðlasmiði, er hann stundaði meira og minna í 60
ár. Smíðaði hann hnakka og beisli og gerði við hlutina. Hann var
eftirsóttur til þessarar iðju. Halldór var mjög bókhneigður og las
mikið, og hver sem leit hans bókasafn skynjaði að hann var smekk-
maður í bókavali og bar gott skyn á og hafði gaman að ræða um þessa
hluti. Það má segja að hann hafi verið við góða heilsu allt fram til
síðustu ára. Hann var jarðsettur að Höskuldsstöðum 4. október 1980.
Albert Haraldsson andaðist hinn 28. september 1980 á heimili sínu
Litla-Bergi, nú Fellsbraut 2, í Höfðakaupstað. Hann var fæddur 30.
desember 1915 á Litla-Bergi. Voru foreldrar hans Haraldur Nikulás-
son og kona hans Hólmfríður Bjarnína Árnadóttir, en þau bjuggu
allan sinn búskap á Litla-Bergi. Albert ólst upp í foreldrahúsum með
systkinum sínum. Ungur fór hann í sumardvöl í sveit á bæi hér inn á
Strönd og einnig að Auðkúlu til sr. Björns Stefánssonar prófasts.
Honum leið vel á þessum vistum og tók út sinn fyrsta þroska. Er hann
hafði aldur til fór hann að stunda sjó hér heima og réri síðan sex
vertíðir frá Merkinesi í Höfnum. Stundaði síðan frystihúsvinnu. Er á
leið æfi hans kenndi hann nokkurs fótarmeins sem hann losnaði ekki
við. Hann sneri sér þá meira að búskap og heyjaði ræktunarlönd og
stundaði fjárrækt. Á hinum svonefndu nýsköpunarárum var hvergi
gert meira en á Skagaströnd og Siglufirði til framfara landsbyggðar-
innar. En bráðlega fór að syrta í álinn með von um síldarveiði í
Húnaflóa, sem gert hafði Árneshrepp á Ströndum með byggilegustu
sveitum landsins. Flutti þá margt útvegsbænda með sitt fólk af
Ströndum til Höfðakaupstaðar. Reyndist þetta ágætt fólk að dugnaði
og dagfari. í hópi þessa fólks var Jakobína Jóhanna Thorarensen
dóttir Jakobs Jóhanns Thorarensen, kaupmanns á Kúvíkum í
Reykjarfirði og Jónu Halldórsdóttur frá Melum í Árneshreppi. Þau
Albert og Jóhanna stofnuðu heimili að Litla-Bergi 1951 og giftu sig 29.
maí 1955. Þau hjón unnu mikið og höfðu búskap. Var samfylgd þeirra
í lífinu þeim báðum til góðs og þroska og áttu þá lífsánægju að gera
heimili sitt sem best úr garði.
Albert var alla tíð í miklum kærleikum við fjölskyldu sína, sem mat
hann vel. Svo var einnig um konu hans Jóhönnu. Þau hjón voru
bókelsk, sönghneigð og heimilisrækin og vel virt af sínum samborgur-
um. Hann var jarðsettur að Höskuldsstöðum 3. október 1980.