Morgunblaðið - 08.05.2015, Blaðsíða 20

20 FRÉTTIRErlent
MORGUNBLAÐIÐ FÖSTUDAGUR 8. MAÍ 2015
Moskvu. AFP. | Skilaboðin á mót-
mælaspjöldunum voru missterk,
sum meinlaus og önnur óskýr, en
viðbrögð rússnesku yfirvaldanna
voru skjót og harkaleg.
Eftir að þúsundir manna gengu
um borgina Novosibirsk í Síberíu í
vikunni sem leið var skipuleggjandi
mótmælanna, Artjom Loskútov,
handtekinn og dæmdur í tíu daga
fangelsi. Mannréttindasamtökin
Amnesty International skilgreindu
hann sem samviskufanga.
Loskútov er 29 ára gjörninga-
listamaður, hefur oft gert grín að
harkalegum viðbrögðum rússneskra
yfirvalda við andófi og árlega efnt til
mótmæla þar sem skopast er að
þeim. Honum var stungið í steininn
vegna þess að hann fékk ekki leyfi
fyrir mótmælunum.
Fangelsisdómurinn er álitinn enn
eitt dæmið um herferð sem rúss-
neskir embættismenn virðast hafa
sammælst um til að þagga niður í
hvers konar röddum sem þeir flokka
sem andóf gegn einræðistilburðum
ráðamannanna í Kreml. Þetta hefur
orðið til þess að margir stjórnarand-
stæðingar hafa ákveðið að fara í út-
legð frá Rússlandi í stað þess að
hætta á að verða fangelsaðir, eða
hljóta jafnvel enn verri örlög.
Landflóttinn skaðar Rússland
Stjórnarandstæðingarnir eru enn
beygðir yfir morðinu á Boris Nemt-
sov, einum af helstu andstæðingum
Kremlverja, sem var skotinn til bana
í grennd við Kreml í febrúar. Nokkr-
ir af atkvæðamestu stjórnarand-
stæðingunum hafa nú flúið landið
vegna þess að þeir óttast um öryggi
sitt og fjölskyldna sinna.
Jevgenía Tsjíríkova, sem stóð fyr-
ir mótmælum gegn þjóðvegi sem
lagður var í gegnum skóg nálægt
Moskvu árið 2011, segist hafa flust
búferlum til Eistlands í síðasta mán-
uði af ótta við að yfirvöldin næðu sér
niður á henni með því að svipta hana
forræði yfir börnum sínum.
Hún fetaði í fótspor margra ann-
arra, þeirra á meðal frjálslynda
blaðamannsins Galinu Timtsjenkó,
tónlistargagnrýnandans Artemís
Troítskís og Ívans Ninenkos, fyrr-
verandi aðstoðarframkvæmdastjóra
Rússlandsdeildar alþjóðasamtak-
anna Transparency International.
„Þessir og margir aðrir afbragðs-
menn hafa flúið frá Rússlandi á síð-
ustu árum þar sem andrúmsloftið
hefur orðið æ meira kæfandi og
fjandsamlegra,“ skrifaði Tanja
Lokshina, verkefnisstjóri mannrétt-
indasamtakanna Human Rights
Watch í Rússlandi. „Þessi landflótti
skaðar Rússland. Þetta fólk er í raun
framtíð Rússlands, framtíðin sem
núverandi ráðamenn stela frá rúss-
neska samfélaginu.“
Þótt Pútín hafi lofað því að morðið
á Nemtsov verði upplýst og boðað
lýðræði hafa yfirvöldin haldið áfram
að þjarma að stjórnarandstæð-
ingum. Forsetinn sagði í sjónvarpi í
apríl að stjórnarandstaðan hefði
„rétt og tækifæri til að taka þátt í
stjórnmálalífi landsins“, en sama
dag gerði lögreglan húsleit á skrif-
stofu hreyfingarinnar Opið Rúss-
land sem útlaginn Míkhaíl Khodor-
kovskí stofnaði á síðasta ári eftir að
honum var sleppt úr fangelsi. Dag-
inn eftir bönkuðu lögreglumenn á
dyr Natalíu Pelevina, félaga í stjórn-
málaflokki Nemtsovs, og hún á nú
yfir höfði sér allt að 16 ára fangelsis-
dóm fyrir að skipuleggja mótmæli
gegn Pútín í maí 2012. „Að undan-
förnu hafa þeir ekki aðeins þjarmað
að þekktum stjórnarandstæðingum
heldur einnig venjulegum aðgerða-
sinnum,“ segir Pelevina. „Yfirvöldin
vilja hræða okkur til að gefast upp.“
Í útlegð eða fangelsi
 Margir stjórnarandstæðingar hafa flúið Rússland af ótta við að þeim verði
refsað fyrir andstöðu við Pútín  „Yfirvöldin vilja hræða okkur til að gefast upp“
Of feit börn eru miklu líklegri til að
flosna upp frá námi en börn sem
eru í kjörþyngd, samkvæmt
sænskri rannsókn. Önnur evrópsk
rannsókn bendir
til þess að offita
hafi slæm áhrif á
sjálfsmat barna
allt niður í sex
ára aldur.
Líklegt er að
slík vandamál
verði algengari
því rannsókn
sem kynnt var á
ráðstefnu í Prag
bendir til þess of
feitum börnum hafi fjölgað í mörg-
um Evrópuríkjum. Hlutfall þeirra
er hæst á Írlandi, þar sem 27,5%
barna undir fimm ára aldri eru skil-
greind sem of þung. Hlutfallið er
næsthæst í Bretlandi, 23,1%.
Hlutfallið er lægst í Kasakstan
(0,6%), Litháen (5,1%) og Tékklandi
(5,5%) af 32 löndum í Evrópu og
Mið-Asíu samkvæmt gögnum frá
Alþjóðaheilbrigðismálastofnuninni.
Fólk telst of þungt ef líkams-
massastuðull þess (BMI-stuðullinn)
er 25 til 29,9, en er álitið þjást af of-
fitu ef stuðullinn er yfir 30.
Sænska rannsóknin bendir til
þess að aðeins 56% barna, sem hafa
farið í meðferð vegna offitu, ljúki
tólf ára skólanámi. Hjá börnum í
kjörþyngd er hlutfallið 76%.
Rannsóknin náði til 9.000 barna í
Svíþjóð. Höfundur skýrslu um
rannsóknina, Emilia Hagman, segir
að kyn, þjóðerni og stéttarstaða
hafi ekki haft áhrif á niðurstöðuna.
Hún telur líklegt að ástæðuna megi
m.a. rekja til eineltis í skóla eða
tíðra fjarvista vegna smánar-
kenndar barnanna.
Ensk rannsókn bendir til þess að
börn allt niður í sex ára aldur séu
óánægð með það að vera of þung og
stúlkur séu líklegri en strákar til
finna til andlegrar vanlíðanar
vegna ofþyngdar. bogi@mbl.is
Líklegri til
að hætta
skólanámi
Magi barns
mældur.
 Of feit börn finna
oft til smánarkenndar
Rússneskir hermenn taka þátt í æfingu fyrir hersýn-
ingu sem haldin verður á Rauða torginu í Moskvu á
morgun, laugardag, í tilefni af því að 70 ár verða þá lið-
in frá sigri sovéska hersins á hersveitum þýskra nasista
í síðari heimsstyrjöldinni. Um 16.000 hermenn taka
þátt í sýningunni, auk flugvéla, þyrlna og skriðdreka.
AFP
Hersýning á sigurhátíðinni æfð
Jens Madsen, yfirmaður dönsku ör-
yggislögreglunnar, PET, sagði af sér
í fyrradag eftir að birt var skýrsla
þar sem viðbrögð lögreglunnar við
tveimur skotárás-
um í Kaupmanna-
höfn í febrúar
voru gagnrýnd.
„Eftir vand-
lega umhugsun
hef ég í samráði
við ráðuneytis-
stjóra dómsmála-
ráðuneytisins og
ríkislögreglu-
stjórann sam-
þykkt að taka að mér ný verkefni til
að byggja upp dönsku lögregluna,“
sagði Jens Madsen í fréttatilkynn-
ingu.
„Augljóslega ekki viðunandi“
Nokkrum klukkustundum áður
hafði lögreglan birt skýrslu um
niðurstöður rannsóknar á viðbrögð-
um lögreglunnar við árásum Omars
Abdels Hamids el-Husseins, 22 ára
Dana af palestínskum ættum, sem
varð tveimur mönnum að bana og
særði fimm lögreglumenn í tveimur
skotárásum í Kaupmannahöfn í febr-
úar. Í skýrslunni kemur m.a. fram að
eftir að árásarmaðurinn skaut mann
til bana fyrir utan menningarmið-
stöð í Kaupmannahöfn liðu tæpar
fjórar klukkustundir þar til lög-
reglumenn voru sendir að aðalsam-
kunduhúsi gyðinga, þar sem seinni
árásin var gerð. Gyðingur lét lífið í
þeirri árás. „Þetta er of langur tími
og augljóslega ekki viðunandi. Það
er ekki hægt að útskýra þetta,“ sagði
Mette Frederiksen, dómsmálaráð-
herra Danmerkur.
Í skýrslunni kemur fram að þegar
árásarmaðurinn fór að samkundu-
húsinu voru sex lögreglumenn
komnir þangað en þeim tókst ekki að
koma í veg fyrir að hann yrði gyð-
ingnum að bana. Hann lét seinna lífið
í skotbardaga við lögreglumenn.
Fyrir árásirnar afplánaði El-
Hussein fangelsisdóm fyrir að stinga
ungan mann með hnífi í lest og fang-
elsismálayfirvöld skýrðu öryggislög-
reglunni frá því í september sl. að
hann kynni að styðja íslömsk öfga-
samtök. Hann var þó leystur úr haldi
tveimur vikum fyrir árásirnar og ör-
yggislögreglan kvaðst ekki hafa haft
neina ástæðu til að telja að hann
væri að undirbúa árásir áður en
hann lét til skarar skríða.
bogi@mbl.is
Yfirmaður PET
sagði af sér
 Danska öryggislögreglan gagnrýnd
Jens Madsen
Hlíðasmára 11 · 201 Kópavogur · Sími 534 9600 · heyrn.is
Aldrei hefur
verið
auðveldara
að heyra
Enn er bætt um betur með nýju
ReSound heyrnartækjunum
sem gefa eðlilega og
áreynslulausa heyrn.
Taktu þátt í framþróuninni og
prófaðu þessa hágæða tækni.
GOLDEN
LOBE
AWARDS
2014
ASSOCIATION OF
INDEPENDENT
HEARING HEALTHCARE
PROFESSIONALS
Most Innovative
Concept 2014
presented to:
Resound - LiNX
made for iPhone