Morgunblaðið - 16.05.2015, Síða 49

MENNING 49
MORGUNBLAÐIÐ LAUGARDAGUR 16. MAÍ 2015
Sýning sem fjallar um 100 ára kosn-
ingarétt kvenna verður opnuð í
dag, laugardag, í Þjóðarbókhlöð-
unni. Um leið verður haldið þar
málþing frá klukkan 13 til 16 um
þróun borgara- og þegnréttinda
kvenna í 100 ár.
Erindi á málþinginu flytja Auður
Styrkársdóttir, forstöðukona
Kvennasögusafns Íslands, Björg
Hjartardóttir kynjafræðingur og
Guðný Gústafsdóttir kynjafræð-
ingur. Jafnframt verður opnaður
vefurinn konurogstjornmal.is.
Verkefnið er styrkt af Fram-
kvæmdanefnd um 100 ára afmæli
kosningaréttar kvenna og er í sam-
starfi Landsbókasafns Íslands – Há-
skólabókasafns við Þjóðskjalasafn
Íslands, Alþingi, RÚV og Rann-
sóknastofnun í jafnréttisfræðum
við Háskóla Íslands. Á sýningunni
er þessi saga öll rakin í máli og
myndum á forvitnilegan hátt.
Sýning um kosningarétt kvenna
Ljósmynd/Magnús Ólafsson
Kvenfrelsi Konur halda upp á fjögurra ára kosningarafmæli í Reykjavík 1919.
Helgi Snær Sigurðsson
helgisnaer@mbl.is
Kvikmynd Gríms Hákonarsonar,
Hrútar, var heimsfrumsýnd á kvik-
myndahátíðinni í Cannes í gær-
morgun og er hún meðal 20 kvik-
mynda í flokknum Un Certain
Regard. Ein mynd úr þeim flokki
hlýtur verðlaunin Prix Un Certain
Regard eftir viku og fyrir dóm-
nefndinni fer leikkonan Isabella
Rossellini. Hátíðin er ein sú virtasta
í heimi og mikill heiður fyrir að-
standendur myndarinnar að komast
í fyrrnefndan flokk. Af þekktum
leikstjórum sem sýnt hafa kvik-
myndir sínar í Un Certain Regard
má nefna Gus Van Sant, Sofiu Cop-
pola og Steve McQueen.
Hrútar er fjórða kvikmyndin í
fullri lengd eftir íslenskan leikstjóra
sem kemst í hið sk. opinbera val á
Cannes, Official Selection. Fyrst
var Sódóma Reykjavík eftir Óskar
Jónasson árið 1993, þá Stormviðri
eftir Sólveigu Anspach 2003 og
Voksne mennesker eftir Dag Kára
Pétursson árið 2005.
Hlegið og grátið
„Það voru góð viðbrögð og stand-
andi lófaklapp í tíu mínútur,“ segir
Grímur blaðamanni að lokinni frum-
sýningu. „Ég var í hálfgerðu móki
þarna, ekki alveg með sjálfum mér.
Það var hlegið talsvert mikið á
nokkrum stöðum og það var mikið
klappað í lokin. Það eru nokkrar
mjög kómískar senur í myndinni þó
að hún sé alvarleg í grunninn. Svo
var mikið grátið, sérstaklega í lok-
in,“ segir Grímur og skýtur því inn í
að hann sé að ganga framhjá
Woody Allen. „Það er bara allt að
gerast,“ segir hann kíminn og
blaðamaður biður Grím að skila
kveðju til Allen.
– Ég sé á myndum Halldórs að
leikararnir John C. Reilly og Colin
Farrell áttu leið hjá þegar þið voruð
í myndatöku?
„Já, einmitt. Þeir voru á þarna á
undan,“ segir Grímur en þeir Reilly
og Farrell leika í kvikmyndinni The
Lobster sem frumsýnd er á hátíð-
inni og fóru í myndatöku af því til-
efni. „Það var svolítil upplifun að
fara í þessa myndatöku, það voru
svona 50-60 ljósmyndarar og allir
öskrandi á mann,“ segir Grímur um
myndatökuna sem hann fór í með
aðalleikurum myndarinnar og töku-
manni. Öskrin hafi að mestu verið á
frönsku.
Hvað sölu og dreifingu á mynd-
inni varðar segir Grímur að margir
hafi verið að bíða þess að sjá mynd-
ina fullkláraða en þó sé búið að selja
myndina til nokkurra landa, m.a.
Frakklands og sýningar á myndinni
hefjist líklega þar í landi í haust.
Lofsöngur í Variety
„Þetta eru miklu betri viðtökur
en ég átti von á, í ljósi þess að þetta
er bara lítil, sæt mynd, svona
sveitamynd frá Íslandi. Hún hefur
snert einhverja strengi hjá fólki,“
segir Grímur. Hann hafi verið mjög
heppinn með samstarfsfólk við gerð
myndarinnar. „Það hefur verið
mjög góður andi í hópnum allan
tímann og þetta gekk rosalega vel,“
segir Grímur. Og dómar um mynd-
ina eru farnir að tínast inn, sá fyrsti
birtist í gær, frá gagnrýnanda Var-
iety sem eys myndina lofi og fer
m.a. fögrum orðum um frammistöðu
aðalleikaranna, Sigurðar og Theó-
dórs.
Almennar sýningar á Hrútum hér
á landi hefjast 29. maí.
Morgunblaðið/Halldór Kolbeins
Reffilegir Grímur, Sturla, Sigurður og Theódór í sínu fínasta pússi.
Ljósmyndaramergð Sigurður Sigurjónsson, Grímur Hákonarson, Sturla Brandth Grøvlen og Theódór Júlíusson
nutu sín í myndatöku fyrir heimsfrumsýningu kvikmyndarinnar Hrútar á hátíðinni í Cannes í gærmorgun.
Stórleikaramót John C. Reilly gengur fram hjá Grími, Sigga og Tedda.
„Ég var í hálf-
gerðu móki“
 Hrútar heimsfrumsýndir í Cannes
ÍSLENSKT TALÍSLENSKT TAL
POWERSÝNING
KL. 10:30
Sími: 553-2075
www.laugarasbio.is
SÝNINGARTÍMA MÁ NÁLGAST Á
LAUGARASBIO.IS, MIDI.IS
EINNIG Á SÍÐUNNI HÉR TIL VINSTRI
- bara lúxus