Morgunblaðið - 16.05.2015, Qupperneq 52

LAUGARDAGUR 16. MAÍ 136. DAGUR ÁRSINS 2015
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
5 6 9 0 9 0 0 0 0 0 9 0 0
Í LAUSASÖLU 790 ÁSKRIFT 4995 HELGARÁSKRIFT 3120 PDF Á MBL.IS 4420 I-PAD ÁSKRIFT 4420
VEÐUR » 8 www.mbl.is
»MEST LESIÐ Á mbl.is
1. Hélt að barnið sitt væri að deyja
2. Kom konu til hjálpar í London
3. Spýtan brotnaði undan Gísla
4. SGS frestar verkföllum
 Ártún, stuttmynd leikstjórans Guð-
mundar Arnars Guðmundssonar, var
valin besta stuttmyndin á SPOT-
kvikmynda- og tónlistarhátíðinni í Ár-
ósum sem lauk 3. maí og hlaut auk
þess sérstök dómnefndarverðlaun á
Minimalen-stuttmyndahátíðinni í
Þrándheimi í Noregi sem stóð yfir
22.-26. apríl. Myndin hefur nú hlotið
sex alþjóðleg verðlaun frá því hún var
frumsýnd á Alþjóðlegu kvikmynda-
hátíðinni í Reykjavík í október í fyrra.
Hlaut verðlaun í Ár-
ósum og Þrándheimi
 Sumarsýning
Leir 7 í Stykkis-
hólmi, Snúningur-
Núningur, verður
opnuð í dag kl. 15.
Átta listamenn
sem aðallega fást
við málverk í sinni
myndlist sýna
myndir af kera-
miki. Hver og einn hefur valið einn
keramikhlut sem fyrirmynd og túlkar
hann hann á sinn veg. Helgi Þorgils
Friðjónsson er sýningarstjóri og á
verk á sýningunni.
Átta sýna í Leir 7
 19 plötusnúðar munu þeyta skífum í
Gamla bíói í kvöld frá kl. 22.30 til 2.30.
Þeir skiptast niður í fjóra hópa sem
nefnast Tetriz, Blokk, Plútó og Ya-
maho. Til eru útvarps-
þættir sem bera þessi
heiti og eru þeir allir
á X-Tra að Tetriz
undanskildum sem er
á X-inu. Meðal plötu-
snúða er DJ Yamaho,
réttu nafni Natalie G.
Gunnarsdóttir,
sem hér sést.
19 plötusnúðar koma
saman í Gamla bíói
FÓLK Í FRÉTTUM
VEÐURÍÞRÓTTIR
SPÁ KL. 12.00 Í DAG Suðvestan 8-15 og víða rigning, hvassast syðst, en austan og
norðaustan 8-13 og skúrir fyrir norðan. Hiti 5 til 13 stig, hlýjast á Norðurlandi.
Á sunnudag Norðaustan 5-10 m/s, en norðan 10-15 vestast. Víða skúrir, en rigning eða
slydda á Vestfjörðum. Hiti 1 til 10 stig, svalast norðvestantil.
Á mánudag Norðan 8-13 m/s og skúrir eða slydduél, en bjartviðri sunnan- og vestan-
lands. Hiti 1 til 12 stig, hlýjast syðst.
Kvennalið Selfoss í knattspyrnu
kvenna fékk heldur betur góðan
liðsstyrk í gær þegar landsliðs-
konan Dagný Brynjarsdóttir gekk í
raðir félagsins. Dagný, sem á dög-
unum varð þýskur meistari með
Bayern München, var á leið til
Bandaríkjanna en ekkert varð úr
því og hún samdi við sitt gamla fé-
lag á nýjan leik. »1
Frá meisturum Bayern
München til Selfoss
„Maður verður að vita hve-
nær maður á að hætta og
ég held að þetta sé rétti
tíminn. Ég hefði hætt ef við
hefðum unnið ÍBV í úrslit-
unum í fyrra en mér fannst
ég ekki geta það með það
tap á bakinu og ég skuldaði
félaginu að ná titlinum til
okkar,“ sagði Matthías Árni
Ingimarsson, fyrirliði
Hauka, við Morgunblaðið.
»4
Fyrirliði meistar-
anna hættur
„Ég er að skoða hvort ég kemst í eitt-
hvað spennandi í Evrópu. Ég get svo
sem ekki stokkið á hvað sem er með
tilliti til fjölskyldunnar og fleiri þátta.
Það er sjálfsagt ekki auðvelt að fá
góðan samning á megin-
landinu en ég ætla alla
vega að kíkja á stöð-
una,“ sagði landsliðs-
fyrirliðinn Hlynur
Bæringsson meðal
annars við Morgun-
blaðið í dag en
samningur hans við
Sundsvall er að
renna út. »2
Landsliðsfyrirliðinn
skoðar hvað er í boði
Steinþór Guðbjartsson
steinthor@mbl.is
KR-útvarpið á 16 ára afmæli um
þessar mundir en það hefur verið
með beinar útsendingar frá öllum
deildar-, bikar- og Evrópuleikjum
meistaraflokks karla félagsins í
knattspyrnu frá miðjum maí 1999.
Höskuldur Þór Höskuldsson var
skipaður útvarpsstjóri í júní sama ár
og gegnir enn stöðunni. Enginn hef-
ur verið lengur í slíku starfi hér-
lendis en hann á líðandi öld og aðeins
Jónas Þorbergsson (23 ár) og Andr-
és Björnsson (18 ár), fyrrverandi út-
varpsstjórar Ríkisútvarpsins, hafa
gegnt starfi útvarpsstjóra lengur.
Liður í að efla KR-klúbbinn var að
koma KR-útvarpinu á laggirnar.
Höskuldur segir að Daníel Magnús
Guðlaugsson hafi verið fenginn til
þess að stjórna KR-klúbbnum og
hafi strax tekið til hendi. „Hann er
maður stórra hugmynda og fékk
þessa hugmynd að vera með sér-
stakt útvarp og lýsa leikjum,“ segir
hann. „Mönnum fannst þetta brjál-
æði í byrjun, en ég og Sigurjón M.
Egilsson fengum það hlutverk að
koma útvarpinu af stað. Sigurjón
stjórnaði þessu fyrstu vikurnar og
síðan tók ég við og hef verið hérna
síðan.“
Beðið eftir Bjarna Fel
Eftir að ákvörðun var tekin var
sótt um útvarpsleyfi og var fyrsta
tilraunaútsendingin frá veitinga-
staðnum Rauða ljóninu á Eiðistorgi
15. maí. Í kjölfarið var ákveðið að
lýsa öllum leikjum og segir Hösk-
uldur að umgjörðin, sem hafi skap-
ast í byrjun, hafi haldist alla tíð. „Við
hefjum útsendingar tveimur klukku-
tímum fyrir heimaleiki og einum
tíma fyrir útileiki,“ segir hann. Fast-
ir liðir séu viðtöl við þjálfara og leik-
menn fyrir og eftir leik og einnig sé
rætt við stuðningsmenn eftir atvik-
um. „Útsendingin frá leik KR og
Fjölnis á sunnudag verður númer
432,“ segir útvarpsstjórinn.
Knattspyrnudeild KR rak fyrst
útvarpið en Höskuldur og Páll Sæv-
ar Guðjónsson tóku fljótlega við
rekstrinum og segir Höskuldur að
Þröstur Emilsson hafi borið dag-
skrána á herðum sér.
Bjarni Felixson, einn þekktasti
íþróttafréttamaður landsins, tók til
starfa í KR-útvarpinu eftir að hann
fór á eftirlaun hjá Ríkisútvarpinu.
Bjarni segir gjarnan að hann hafi
hætt hjá RÚV til þess að geta byrjað
í KR-útvarpinu og Höskuldur segir
að lengi hafi verið beðið eftir honum.
„Það var mikil lyftistöng fyrir okkur
að fá Bjarna og það er alltaf unun að
geta hlustað á heila lýsingu á knatt-
spyrnuleik með Bjarna Fel.“
Reyndasti útvarpsstjórinn
 Höskuldur hef-
ur stjórnað KR-
útvarpinu í 16 ár
Morgunblaðið/Golli
KR-útvarpið Höskuldur Þór Höskuldsson útvarpsstjóri á sínum stað í KR-heimilinu við Frostaskjól.
Höskuldur Þór Höskuldsson segir að reynt hafi verið að halda öllum
kostnaði við rekstur KR-útvarpsins í lágmarki. Öll störf séu unnin í sjálf-
boðaliðavinnu og tæki leigð en ekki keypt.
Sent er út á tíðninni 98,3 auk þess sem Netheimur sér um útsend-
inguna á netinu og útbúið hefur verið sérstakt KR-app. „Útvarpið er hluti
af stemningunni og útsendingarnar nást um allan heim,“ segir Hösk-
uldur.
Auk reyndra útvarpsmanna hafa þekktir KR-ingar öðlast þar dýrmæta
reynslu og bendir Höskuldur sérstaklega á Pétur Pétursson, fyrrverandi
aðstoðarþjálfara KR, Guðmund Benediktsson, aðstoðarþjálfara KR og
íþróttafréttamann á Stöð 2, Willum Þór Þórsson, alþingismann og fyrr-
verandi þjálfara KR, og Heimi Guðjónsson, þjálfara FH. „Við erum með
landsliðsmenn í hverri stöðu,“ segir Höskuldur.
Landsliðsmenn í hverri stöðu
KR-ÚTVARPIÐ SENDIR ÚT Á TÍÐNINNI 98,3