Morgunblaðið - Sunnudagur - 03.05.2015, Blaðsíða 21

London
Birmingham
Liverpool
Glasgow
Edinborg
Belfast
Dublin
Cork
Manchester Leeds
Sheffield
Bristol
Windsor-kastali
Rétt vestur af London, kastalinn á rætur
að rekja allt aftur til 11. aldar og er oft
dvalarstaður Elísabetar
Englandsdrottningar yfir helgar.
Dómkirkjan í Salisbury
Byggingarfræðilegt meistaraverk og
risavaxin kirkja á alla vegu. Þar má
m.a. líta eitt af fjórum upprunalegum
eintökum Magna Carta.
Snowdonia
Sérlega fallegt hérað í Wales og þjóðgarður sem
dregur nafn sitt af stærsta fjalli Wales, Snowdon.
The Dark Hedges
Sérlega fallegur vegarspotti á Norður-Írlandi
sem meðal annars hefur verið notaður sem
sviðsmynd í Game of Thrones-þáttunum.
Ring of Kerry
179 km langur hringur um SV-Írland með
fjölda áhugaverðra og fallegra viðkomustaða
á leiðinni.
Fort William á Skotlandi
Ef ekið er frá Glasgow eftir A82 blasir við
fegurð skosku hálandanna í allri sinni dýrð.
Peak District
Á leiðinni frá Manchester til Sheffield er ekið í
gegnum Peak District-þjóðgarðinn sem þykir bjóða
upp á einstakt útsýni.
Stonehenge
Í suðurhluta landsins eru þessar einstöku
minjar sem fornleifafræðingar eru enn þann dag
í dag að reyna að skilja til fulls.
Bath
Skammt suður af Bristol er þessi gamli og fagri bær. Þar er að finna
ævaforn rómversk böð byggð í kringum 60 e.Kr. Borgin skartar
líka leikhúsum og söfnum og laðar til sín fjölda ferðamanna.
Keswick til Windermere-vatns í Cumbria
A591-vegurinn býður upp á notalegan akstur um
Lake District þar sem kyrrlát vötn kallast á við
hvassa tinda.
að finna bílastæði er að leita uppi
stórmarkað á borð við Sainsburys.
Þar eru mjög oft bílastæði í boði
bakatil og kostar ekkert að leggja í
allt að 2 klst., að því gefnu að verslað
sé fyrir ákveðna lágmarksupphæð í
búðinni.
Skoða þarf vandlega leiðbeining-
arskilti sem segja til um hvar, hversu
lengi og hverjir mega leggja á hverj-
um stað. Á þetta sérstaklega við í
fjölmennum borgum þar sem stæðin
eru af skornum skammti. Er von á
háum sektum og alls kyns vandræð-
um ef þessum reglum er ekki fylgt.
Bílastæðin eru mjög dýr á stöðum
eins og London og oft þarf að borga í
gegnum farsíma með því að hringja í
tiltekið númer.
Í íbúðagötum í þéttbýliskjörnum
má yfirleitt hver sem er leggja eftir
kl. 18 á daginn á virkum dögum og
allan sólarhringinn um helgar og á
opinberum frídögum.
Dýrt að fara í
miðborg Lundúna
Í miðbæ Lundúnaborgar er lagt um-
ferðarálagsgjald á alla bíla sem ekið
er inn í borgarkjarnann milli kl. 7 ár-
degis og 18 síðdegis alla virka daga.
Þær götur sem liggja að gjald-
svæðinu eru vandlega merktar með
stóru „C“ á miðri akreininni svo eng-
inn ætti að aka inn á gjaldsvæðið fyr-
ir slysni.
Ef farið er inn á svæðið einu sinni
má fara inn og út af því aftur sama
daginn án frekari gjalda. Ódýrast er
að borga gjaldið fyrirfram, á netinu,
og kostar þá 11,50 pund. Ef borgað er
fyrir miðnætti næsta dag er gjaldið
14 pund. Annars berst sekt upp á 130
pund en 65 pund ef borgað er innan
tveggja vikna.
Auðveldast er að gúggla „London
Congestion Charge“ til að finna
greiðslusíðurnar.
Breskar umferðarreglur
Merkingar og reglur í Bretlandi eru
að mestu eins og á Íslandi, þó með
nokkrum mikilvægum undantekn-
ingum.
Þar eð umferðin er á „röngunni“ á
að taka fram úr bílum á hægri ak-
reininni, en ekki vinstri akreininni. Á
hringtorgum hefur umferðin sem
kemur frá hægri forgang.
Á Íslandi lærum við að á ómerkt-
um gatnamótum er það bíllinn til
vinstri sem víkur, en bíll til hægri
hefur forgang. Í Bretlandi er engin
slík regla og eru nær öll gatnamót
með skýrar merkingar um hvaða ak-
rein hefur forgang.
Hafa þarf hugfast að meira er af
hjólandi vegfarendum á götum
breskra borga en í íslenskum bæjum.
Þarf að sýna aðgát og gefa þeim til-
hlýðilegt svigrúm. Hjólreiðafólk má
ekki hjóla á gangstéttum í borgum
eins og London.
Við gangbrautir þurfa bílar að
staðnæmast um leið og vegfarandi
stígur út á gangbrautina.
Ekki má nota flautuna á bílnum í
þéttbýli milli kl. 23.30 og 07.00 nema í
neyð og alls ekki nota strætóakreinar
(Bus Lanes) nema merkingar gefi
annað til kynna.
Hvað merkja línurnar?
Hvítar eða gular sikksakk-línur eru
við gangbrautir og oft við skóla, spít-
ala, lögreglu- og slökkviliðsstöðvar
og gefa til kynna að þar má aldrei
leggja bílum.
Gul lína í vegarkanti þýðir að
hleypa má farþegum inn og út, og
mögulega hlaða og losa vörur. Ef lín-
an er einföld þá má leggja bílnum þar
á ákveðnum tímum, sem tilgreindir
eru á skiltum við götuna. Ef línan er
tvöföld þýðir það að á engum tíma
dagsins er leyfilegt að leggja bílnum
þar.
Rauð lína þýðir að bannað er að
stöðva bíla þeim megin. Ef línan er
einföld er bannið bundið við háanna-
tíma og leyfilegt að leggja bílnum á
auglýstum tímum. Ef línan er tvöföld
er alfarið bannað að stoppa bílinn á
öllum tímum dagsins.
Sum gatnamót eru máluð með gul-
um línum sem mynda tígulmynstur.
Þar er bannað að aka inn á gula
svæðið nema útakstursreinin af
gatnamótunum sé auð.
Þá er víða búið að merkja sérstakt
pláss fyrir reiðhjól fremst við um-
ferðarljós. Ekki stöðva bílinn á þessu
svæði, jafnvel þótt engir hjólreiða-
menn séu sjáanlegir.
Ekið til annarra landa
Ef bílaleigusamningurinn leyfir það
má fara með bílinn til Evrópu með
lest eða ferju. Lest með sérstökum
bílavagni fer frá Folkestone til Calais
í Frakklandi. Þá fara bílaferjur m.a.
frá Dover til Calais og frá Harwich til
De Hoek í Hollandi.
* Gul lína í vegarkanti þýðir að hleypamá farþegum inn og út, og mögulegahlaða og losa vörur. Ef línan er einföld þá
má leggja bílnum þar á ákveðnum tímum,
sem tilgreindir eru á skiltum við götuna.
3.5. 2015 MORGUNBLAÐIÐ SUNNUDAGUR 21