Morgunblaðið - Sunnudagur - 03.05.2015, Blaðsíða 57

3.5. 2015 MORGUNBLAÐIÐ SUNNUDAGUR 57
Leiksýningin Bakaraofn-
inn með Gunna og Felix,
sem sett var upp í Gafl-
araleikhúsinu, sló í gegn í
vor. Rýnir Morgunblaðsins gaf henni
fjórar stjörnur og sagði um „prýð-
isskemmtun“ að ræða. Síðasta sýning
fyrir sumarfrí er á sunnudag kl. 13.
2
Kabarettinn fíni Leitin að
Jörundi fer aftur á fjalir
Þjóðleikhúskjallarans á
sunnudagskvöldið klukkan
20. Þetta er nýtt leikverk eftir Eddu
Þórarinsdóttur um Jörund Hunda-
dagakonung. Hjarta sýningarinnar
eru söngljóð Jónasar Árnasonar sem
hljómsveitin Fjögur á palli flytur.
4
Finnur Arnar Arnarson
myndlistarmaður ræðir á
sunnudag kl. 15 við gesti á
sýningunni „Menn“ í Hafn-
arborg. Auk Finns eiga verk þar þeir
Curver Thoroddsen, Hlynur Halls-
son og Kristinn G. Harðarson.
5
Óperukórinn í Reykjavík
býður upp á „Suðræna
sveiflu“ í Langholtskirkju á
sunnudag klukkan 16, með
þekktum og vinsælum kórlögum.
Með kórnum koma fram einsöngv-
ararnir Garðar Thór Cortes, Silja
Elísabet Brynjarsdóttir og Sigríður
Ásta Olgeirsdóttir. Snorri Sigfús Birg-
isson spilar á píanó og auk þess sér
slagverkssveit um undirleik.
3
Sýningu Margrétar H.
Blöndal, „Felldir“, lýkur í
sýningarsalnum Harbinger við
Freyjugötu um helgina. Opið
er kl. 14-17. Á sunnudag kl. 15 mun
Margrét halda listamannaspjall sem
Ingibjörg Sigurjónsdóttir leiðir.
MÆLT MEÐ
1
fjölbreyttara. Ég held að það sé þess vegna
sem það gengur svona vel hjá okkur,“ segir
hún.
„Við starfrækjum líka gestavinnustofur
hér. Listamenn geta sótt um að dvelja í þeim
í viku í senn á veturna og við höfum líka
unnið náið með sýslunni, sem á í formlegum
samskiptum við héruð í Mexíkó og Kína, og
þaðan hafa komið listamenn sem hafa dvalið
lengur.
Við vinnum annars mikið með listamönnum
og ég tel að með tímanum gefi það safninu
sífellt meira til baka.
Þá má ekki gleyma því að engin önnur
myndlistarstofnun í heiminum vinnur með
vatnslitamiðilinn eins og við og það skapar
okkur mikla sérstöðu. En það þýðir líka að
við verðum að hugsa skapandi. Margir halda,
þegar þeir heyra nafnið á safninu að við
séum alfarið að vinna með þessi klassísku
vatnslitaverk á pappír en sú er alls ekki
raunin. Við erum í þessu klassíska en líka í
margskonar annarri nálgun listamanna við
hugmyndina um þessi efni, vatn og lit. Við
höfum til dæmis sýnt stór vídeóverk eftir Bill
Viola sem fjalla um vatnið, við höfum sýnt
rómaðar vatnslitamyndir suðurafrísku lista-
konunnar Marlene Dumas og verk á pappír
eftir Louise Bourgeois. Við höfum líka sýnt
verk ungra listamanna sem eru að finna sína
leið. Og við kaupum bara verk eftir lifandi
listamenn sem eru enn á kafi í sköpunarferl-
inu. Þau verk verða klassísk með tímanum
og okkar saga um leið.“
Í safneigninni eru nú um 1.200 verk og
Bera segir hana fara ört vaxandi.
Ég er mjög sátt
Þegar Bera er spurð að því hvort Norræna
vatnslitasafnið sé ekki sú stofnun sem hún
hefur stýrt lengst, í þrettán ár, þá hlær hún
og segir svo vera. Hún hafi í allt starfað
lengur í Listasafni Íslands en ekki svo lengi
sem forstöðumaður.
„Ég er vissulega orðin hagvön hér. Það
hefur skipt mig máli að fá að þroskast með
þessum stofnunum, ég líki því stundum við
ástarsamband. Maður verður að vera ást-
fanginn af svona krefjandi viðfangsefnum,
annars er það ekki eins gaman. Maður
verður líka að geta hvatt fólkið sem vinnur
með manni áfram – og ég get ekki sýnt
annað hér en það sem ég er sjálf hrifin af.
Ég get ekki sagst vera hrifin af verkum ef
ég er það ekki. Ég verð að vera heiðarleg
og hrífast af verkunum djúpt inni í mér.
Ég tók við safninu árið 2003, skömmu
eftir að það var opnað, og hef fengið mjög
frjálsar hendur við að þróa starfsemina
áfram. Ég er mjög sátt við það hvernig
þetta hefur þróast. Á tímabili var reksturinn
erfiður, það er mjög mikilvægt að fjárhag-
urinn sé góður og nú erum við afar vel sett
hvað það varðar,“ segir Bera og er full
ástæða til að hvetja fólk á ferð um Norð-
urlönd til að koma við í hinu áhugaverða
safni hennar í skerjagarðinum við vest-
urströnd Svíþjóðar.
Sýningarsalir Nordiska akvarellmuseet til hægri og gestavinnustofur safnsins til vinstri. Nærri 300.000 gestir sóttu safnið heim í fyrra.
Morgunblaðið/Ómar
Fyrir fimm árum var Norræna vatnslitasafnið valið það besta í Svíþjóð og Bera segir starfsem-
ina skipta máli fyrir stórt svæði norður af Gautaborg. Hér er rómaður veitingastaðurinn.
Fjölbreytilegar sýningar eru settar upp í safninu og við það, klassískar vatnslitasýningar og
óhefðbundin nálgun við miðilinn. Hér er vídeóinnsetning listakonunnar Lenu Mattsson.
* Engin önnur myndlistarstofnun í heiminum vinnur með
vatnslitamiðilinn eins
og við og það skapar
okkur mikla sérstöðu.