Húnavaka - 01.05.2007, Page 150
148
II U N A V A K A
skortur á ýmsum fleiri nauðsynjavörum og var þá tekin upp skömmtun á
þeim. Má þar til dæmis nefna gúmmístígvél. Þá kom sérstakt eyðublað
og urðu þeir sem vildu kaupa gúmmístígvél að ganga á fund oddvita og
nndirrita leyfisbeiðni hjá honnm. Síðan sendu oddvitar þessa beiðni
með pósti til Skömmtunarskrifstofn ríkisins í Reykjavík sem gaf út inn-
kaupaleyfi fyrir einu pari af gúmmístígvélum lil viðkomandi.
Þannig var þetta fyrir tæpum 70 árum. Ekki fjarri lagi að minna á að
stjórn landsins leit alvarlegum augum á þetta ástand því að erfitt reyndist
að fá ýmsar nauðsynjavörur frá údöndum meðan stríðið geisaði. Einnig
voru siglingar til og frá landinu hættulegar, sérstaklega meðan kafbáta-
hernaðurinn var á fullu. Stundum varð vöruskortur á ýmsu sem venju-
lega var til í verslunum og mynduðust einatt langar biðraðir við þær
þegar fréttist um nýjar vörusendingar í kaupstöðunum. Það ástand sem
var í landinu á stríðsárunum er orðið býsna fjarlægt því sem menn geta
hugsað sér í dag.
Hrauns-Jóka
Svo hefur Jóhönnu verið lýst, að hún væri fremur smávaxin og ekki lagleg.
Hún var ágætlega viti borin, orðheppin og ósvífin, dugleg, hagsýn, fégjörn,
ráðrík, grimm óvinum sínum og langrækin, en jafnframt trygglynd, vinafá en
vinaföst, barngóð og sér í lagi góð við skepnur, einkum þótti henni þó vænt um
hunda. Ovinsæl var Jóhanna alla tíð. Gekk og alltaf undir nafninu Hraunsjóka.
Jóhanna dó 1869 eftir erfiða og þjáningarfulla legu. Hún tærðist upp og var
að síðustu aðeins bein og skinn, að þ\ í er sagt var.
Almælt er að Jóhanna væri rangfeðruð og að sérajón Þorláksson á Bægisá
væri faðir hennar. Kom sá kvittur upp áður en hún fæddist og er hún óx upp og
þroskaðist þóttist fólk sjá glöggt ættarmót nteð henni og sérajóni. Efaðist
enginn um það faðerni, kom þar og skáldgáfan til, því að í kynijóhönnu fannst
enginn maður hagmæltur, sama til hvorrar ættar leitað var. En skáldgáfa
Jóhönnu erfðist vel til niðja hennar. Jóhanna átti tvo sonu með Ólafi manni
sínum. Annað barna áttu þau ekki.
Ur Búskaparsögu Eiös á Þúfnavöllum.