Húnavaka - 01.05.2007, Qupperneq 175

HUNAVAKA
173
Heimilið á Njálsstöðum einkenndi mikill gestagangur á sumrum og í
kringum göngur og réttir og hugsaði Anna um velferð gesta og gang-
andi með umhyggju og gestrisni. Foreldrum sínum reyndist hún góð og
áttu þau skjól hjá henni að Njálsstöðum sín síðustu ár.
Arið 1995 léstjónas og ári síðar flutti Anna frá Njálsstöðum til Blöndu-
óss á Sunnubraut 2 ásamt syni sínum.
Þar bjó hún til síðasta dags og þar andaðist hún.
Utför hennar var gerð frá Höskuldsstaðakirkju þann 4. nóvember.
Sr. Sveinbjörn Einarsson.
Guðmundur Ingi Ólafsson,
Skagaströnd
Fæddur 21. október 1989 - Dáinn 8. nóvember 2006
Guðmundur Ingi Olafsson fæddist á Akureyri en bjó allan sinn aldur á
Skagaströnd með foreldrum sínum. Foreldrar Guðmundar Inga eru
hjónin, Ólafur Róbert Ingibjörnsson og Kristín Hrönn Arnadóttir. Hann
var næsþmgstur fimm systkina. Elst er Arný Guðrún, f. 1978, í sambúð
með Haraldi Friðrikssyni. Næst er stúlka, f. 1981, andvana fædd. Því næst
er Rebekka Laufey, f. 1984, unnusti liennar er Ari Þór Guðmannsson og
yngstur er Brynjar Max, f. 1993.
Guðmundur var strax í æsku verkmaður, hann var mikið fyrir það að
prófa sig áfram og það þurfti ekki að hafa ofan af fyrir honum. Eins og
önnur börn á Skagaströnd gekk hann í Höfðaskóla. Hann var góðum
gáfum gæddur en bóknámið þótti honum
ekki nógu spennandi. Hann vildi frekar láta
verkin tala og sjá ltvernig hlutirnir virkuðu,
vélar og verkfæri áttu hug hans allan. Það
kom því fáum á óvart þegar hann innritaði sig
í grunndeild málmiðna við Fjölbrautaskóla
Norðurlands vestra á Sauðárkróki og líkaði
lionum námið vel.
Guðmundur var glettinn og skemmtilegur
en um leið yfirvegaður og )fir honum var ró-
lyndislegt )firbragð. Hann var alla tíð pössun-
arsamur og hafði ríka ábyrgðartilfinningu.
Hann var líka natinn og vildi hafa allt í röð og
reglu. Þannig lagði hann alltaf mikla áherslu á
snyrtimennsku sem sýndi sig kannski einna
best í því að hann var alltaf vel greiddur og snyrtilegur til fara.
Hann var mjög útsjónarsamur og hagsýnn og kom það fram á margan
hátt enda stóð hann sjálfur straum af áhugamálum sínum. Hann var mik-