Árbók Hins íslenzka fornleifafélags - 01.01.2009, Qupperneq 54

„ALLTAF VAR ÞAR EITTHVAÐ SEM HÖFÐAÐI TIL FÓLKSINS“ 53
Sigurbjörn að lesa sálmana í annað sinn (1946) og hið þriðja 1950.70 Til
marks um vinsældir þessa dagskrárefnis eru fjölmörg mótmæli hlust-
enda þegar tekið var að lesa Passíusálmana á morgnana og var lesturinn
þá færður til kvöldsins á ný.71 Þá má nefna að í Húsmæðraskólanum á
Löngumýri 1949-1950 lét forstöðukonan hringja skóla bjöllunni þegar
Passíusálmarnir í útvarpinu byrjuðu og mættu allar stúlkurnar undan-
tekningar lítið og hlustuðu hljóðar.72 Á síðustu áratugum virðist hins
vegar umtalsvert hafa dregið úr hlustun sálmanna.73 Um 3% hlustun var
á virkum dögum síðustu vikuna í mars 2006 og um 3,5% á sama tíma
árið 2007.74
Fyrstu 25 árin var algengast að prestar læsu Passíusálmana en einnig
guð fræð ingar, guðfræðinemar, meðhjálparar og einstaka leikmenn. Síðan
þá hafa tæplega 25% f lytjenda verið prestar. Aðrir upplesarar hafa verið
ýmsir þjóðkunnir fræðimenn og rithöfundar, t.d. Halldór Kiljan Laxness
og Sigurður Nordal. Fyrsti leikarinn sem tók þetta hlutverk að sér var
Þorsteinn Ö. Stephensen. Það virðist hins vegar ekki hafa þótt við hæfi
að kona læsi fyrr en 1974, eða réttum 30 árum eftir að þessi dagskrárliður
hófst, og var það Valbjörg Kristmundsdóttir skáldkona á Akranesi (systir
2. mynd. Sigurbjörn Einarsson
dósent, síðar biskup Íslands, var
fyrsti lesari Passíusálma í útvarp
við gríðarlegar undirtektir. Hefur
enginn lesið þá jafn oft og hann,
eða alls í þrjú skipti. Ljósmyndasafn
Íslands. Mms. 38028. Ljósmyndari
óþekktur.