Árbók Hins íslenzka fornleifafélags - 01.01.2009, Síða 64

„ALLTAF VAR ÞAR EITTHVAÐ SEM HÖFÐAÐI TIL FÓLKSINS“ 63
eftirfarandi einstaklinga var að ræða: Jón Þorláksson borgarstjóra og
fyrrv. forsætisráðherra 1935, Tryggva Þórhallsson bankastj. og fyrrv.
forsætisráðherra 1935, Magnús Guðmundsson fyrrv. ráðherra 1937,
Einar H. Kvaran rithöfund 1938, Þorstein Gíslason skáld 1938, Pétur
Halldórsson borgarstjóra 1940, Þórð Sveinsson lækni 1946.128
Upplýsingar um fjölda jarðarfara er einkum að finna í útfarar-
tilkynningum í dagblöðum. Hér varð Morgunblaðið fyrir valinu, en
það hefur verið gefið út frá árinu 1913 og haft mikla útbreiðslu.
Samanburður við annað dagblað (Alþýðublaðið) leiddi í ljós að þar voru
mun færri jarðarfarir auglýstar og reyndar þær sömu og í Morgunblaðinu.
Ekki skal fullyrt hvort tilkynningar um allar útvarpsjarðarfarir hafi
birst í Morgunblaðinu, þótt líklegt sé að það eigi við í f lestum tilfellum.
Sumir kunna að hafa látið dánartilkynningu í útvarpinu nægja en aðrir
auglýst í öðrum blöðum, svo sem Tímanum. Til eru dagbækur þula hjá
Ríkisútvarpinu og eru þær aðeins varðveittar frá 1937-1940 og síðan frá
1970. Í dagbókunum er m.a. að finna upplýsingar um jarðarfarir. Mynd 6
sýnir heildarfjölda útvarpsjarðarfara 1935-1967 samkvæmt Morgunblaðinu
og þularbókunum. Nokkurt misræmi er á milli þessara tveggja heimilda.
Þannig voru jarðarfarir samkvæmt þularbókum svo lítið f leiri en í
Morgunblaðinu 1937-1938 en þessu var öfugt farið 1939-1940. Ástæða er
til að ætla að hér séu hærri tölurnar nær réttu lagi, en fram kemur í
fundargerðum útvarpsráðs að ónákvæmni gæti stundum í dagbókunum.
0 
20 
40 
60 
80 
100 
120 
140 
1935  1936  1937  1938  1939  1940  1945  1950  1955  1960  1966  1967 
Fj
ö
ld
i 
Morgunblaðið  Þularbækur 
Mynd 6. Fjöldi útvarpsjarðarfara á árunum 1935-1967. Heimild: Morgunblaðið 1935-1967.
ÞÍ. Ríkisútvarpið. 1996-BD/1-5. Dagbækur þular 1937-1940.