Árbók Hins íslenzka fornleifafélags - 01.01.2009, Side 100

Nafnið brúðarhús vekur óneitanlega forvitni og ljóst að það hlýtur að
tengjast brúðkaupssiðum á einhvern hátt. Hér er ætlunin að kanna hvað
býr að baki þessari nafngift á einu bæjarhúsanna í Laufási við Eyjafjörð.
Gamli bærinn í Laufási er einn af mörgum torfbæjum sem eru hluti
af húsasafni Þjóðminjasafns Íslands og safnið kostar viðhald á. Það voru
einmitt atriði sem komu í ljós við viðgerðir á brúðarhúsinu í Laufási sem
urðu tilefni þessarar athugunar en í rjáfri hússins eru viðir sem greini lega
eru gamlir og endurnýttir. Viðgerðin fól í sér að torf þekja var fjar lægð
og timburgrind tekin niður um stundarsakir. Gafst þá einstakt tæki færi
til að rannsaka þessa elstu viði brúðarhússins.
Til viðbótar þessu hagar óvenju vel til um varðveislu ritheimilda um
Laufás en úttektir, sem gerðar voru þegar einn staðarhaldari tók við af
öðrum, eru varðveittar allt aftur á 16. öld. Af þeim sökum má fá góða
hug mynd um húsakost þar á bæ um aldabil en ítarlega hefur verið unnið
úr þeim heimildum í ritinu, Laufás. Staðurinn eftir Hörð Ágústsson. Þessi
góða heimildastaða var nauðsynleg í samspili við athugunina á við unum
sjálfum og brúðkaupssiðum 17. og 18. aldar.
Hér á eftir verður saga brúðarhúss rakin eins og hún birtist í úttekt un-
um, þá verða brúðkaupssiðir á 17. og 18. öld kynntir til sögunnar til að
varpa ljósi á upphaf lega notkun hússins. Einnig verður reynt að komast
að upprunastað hinna fornu, endurnýttu rjáfurviða og þeir settir í ætlað
upphaf legt samhengi.
GUÐRÚN HARÐARDÓTTIR
BRÚÐARHÚS Í LAUFÁSI
Athugun á viðum, notkun og byggingartíma