Árbók Hins íslenzka fornleifafélags - 01.01.2009, Blaðsíða 102

BRÚÐARHÚS Í LAUFÁSI 101
Hér kemur greinilega fram að gerð hússins er nokkuð frábrugðin því sem
greint er frá í úttektinni 1883 og sjá má á húsinu sjálfu eins og það er nú.
Báðar gerðir eru að vísu alþiljaðar en upphaf lega hefur brúðarhúsið verið
stafgólfinu styttra en það er nú. Til að gefa grófa hugmynd um stærðina
getur lengd stafgólfs hafa verið nálægt 1,5 metrum, þó að það hafi síður en
svo verið föst mælieining.4 Því mætti giska á að brúðarhús hafi verið um
eða e.t.v. rúmlega þrír metrar á lengd en er nú ríf lega fjórir.
Í næstu úttektum er drepið á ýmis atriði sem ekki koma fram í fyrstu
úttektinni og því fylla þær í þá mynd sem af húsinu má hafa. Árið 1755, við
fráfall sr. Stefáns Einarssonar prófasts, var brúðarhúsið aftur tekið út.

Brúðarhús að lengd tvö stafgólf. Með þremur bitum, sperrum jafn-
mörgum og stoðum, að því skapi fernum langböndum og mæni-
tróðu í hálfu húsinu, hinn parturinn úr dottinn. Þiljað í hvolf og
gólf, einnig til beggja stafna og hliða. Hurð á lömum með skrá og
lykli, dróttum og dyrastöfum. Annars vegar í húsinu er lang bekkur
og stuttur krók bekkur, tveimur glergluggum, sá ytri með átta rúð-
um heilum og níundu brostinni og nokkru úr fallið, sá syðri með
tveimur heilum og þremur brostnum. Lítil göng fram af húsinu með
þénan legri byggingu til viða og veggja nema hvað uppreftið er fúið.
1. mynd. Laufás 1755 skv. upplýsingum í úttektum. Teikn. HÁ.