Árbók Hins íslenzka fornleifafélags - 01.01.2009, Page 105

104 ÁRBÓK FORNLEIFAFÉLAGSINS
Hér koma í fyrsta skipti fram mál á húsinu en það virðist áfram vera
tvö stafgólf ef marka má fjölda stafa, bita og sperra. Áfram virðist n.k.
forhýsi vera framan við húsið.
Næstu breytingar eru heldur meiri en áður og koma fram í úttekt
sem gerð var árið 1854 eftir að sr. Gunnar Gunnarsson hafði haldið
staðinn. Hér hefur greinilega orðið töluverð breyting á húsinu frá því
sem var árið 1828. Þarna er brúðarhúsið komið í þá mynd sem það
hefur að stærstum hluta enn í dag. Stafgólfin eru orðin þrjú, kálfa-
sperrur eru í húsinu og engin miðsylla lengur. Eini stóri munurinn á
úttekt unum 1854 og 1883 er að í þeirri fyrri segir: „Gluggakista er á
vesturhlið með tveimur sexrúðagluggum.“12 Ekkert slíkt kemur fram í
þeirri síðarnefndu og gluggaop ekki sjáanlegt á vesturhlið hússins fyrir
viðgerðir. Þegar farið var að taka húsið niður sumarið 1998 kom hins
vegar í ljós gluggaop í veggnum en lausar þiljur höfðu verið negldar yfir
það. Vitað er að stofan var stækkuð árið 1877 og er líklegt að eftir það
hafi þrengt um of að gluggunum á vesturhlið brúðarhússins og lítil birta
komist inn um þá. Er því skiljanleg ráðstöfun að negla fyrir glugga á svo
dimmum stað.
Ef saga brúðarhúss er dregin saman í örstuttu máli má segja að það
hafi verið til í þremur gerðum:
2. mynd. Gluggaop á vesturvegg brúðarhúss sem neglt hafði verið fyrir. Ljósm. Þjms. Ísl., GH.