Dagblaðið Vísir - DV - 17.04.2009, Síða 6

föstudagur 17. apríl 20096 Fréttir
Sandkorn
n Kjörinn verður nýr formað-
ur siðanefndar Blaðamanna-
félags Íslands á aðalfundi
félagsins sem haldinn verður
næstkomandi miðvikudag.
Núverandi formaður nefndar-
innar, Krist-
inn Hall-
grímsson
lögmaður
hjá Full-
tingi, hefur
gefið það
út að hann
hyggist ekki
halda áfram
sem formaður. Ekki er vitað
hver ástæðan er fyrir þessari
ákvörðun Kristins. Því er ljóst
að nokkrar breytingar verða
í brúnni hjá Blaðamannafé-
laginu í kjölfar aðalfundarins
því Arna Schram, formaður
félagsins, hefur gefið það út
að hún muni ekki sækjast eftir
starfinu áfram. Arna hefur set-
ið í stjórn félagsins í tíu ár og
segir að sér þyki tímabært að
söðla um og hleypa öðrum að.
n Ástþór Magnússon, for-
sprakki Lýðræðishreyfingar-
innar, hefur unnið áfangasigur
í baráttu sinni við Ríkisútvarp-
ið og kosningavef ruv.is. Ást-
þór fór mik-
inn í viðtali
við Frey
Eyjólfsson
á Rás 2 í
vikunni og
sakaði RÚV
um að vera
ritskoðað-
ur fjölmiðill
fyrir að hafa
ekki tengil á Lýðræðishreyf-
inguna á kosningavefnum.
Ástþór krafðist úrbóta og hefur
nú fengið sínu framgengt, því
vefmenn Ríkisútvarpsins hafa
brugðist við og bætt við tengli
á Lýðræðishreyfingu Ástþórs.
n Fátt segir af Davíð Odds-
syni, fyrrverandi seðlabanka-
stjóra, síðan hann mætti í
Laugardalshöll og líkti örlög-
um sínum eftirminnilega við
krosssfestingu Jesú Krists.
Einhverj-
ir eru á
því að þar
hafi hann
sung-
ið sinn
svana-
söng.
Minnstu
mun-
aði þó að Davíð léti undan
Eyþóri Arnalds og fleirum og
tæki slaginn í Suðurkjördæmi.
Sunnlenska Fréttablaðið seg-
ir að Ástríður Thorarensen,
eiginkona Davíðs, hafi beitt
neitunarvaldi gegn öllu fram-
boðsbrölti.
Erum með Simmons skíði
undir flestar gerðir af vélsleðum.
Simmons skíðin eru tveggja kylja
og fljóta alveg einstaklega vel.
Erum með trillur undir vélsleða.
Erum með orginal Yamaha
varahluti, reimar, meiðar
og olíur Yamalube.
Stórhöfða 35 - 110 Rvk.
Uppl. í s. 587 2470
Matthíasi Ásgeirssyni þykir heldur skondið að honum bjóðist að innleysa hlutafé í
Exista sem nemur nú 220 krónum. Hann barmar sér ekki yfir tapinu enda var um
áhættufjárfestingu að ræða. Guðjón Sigþór Jensson er öllu reiðari en af hlutafjár-
kaupum sonar hans standa nú eftir þrjár krónur af fermingarpeningunum. Samtals
eiga þeir feðgar 25 króna hlutafé í Exista.
fermingargjöfin
brann upp í exista
„Ég hefði betur geymt þetta inni á
bankabók eða keypt mér flatskjá,“
segir Matthías Ásgeirsson forritari.
Þegar Exista fór á markað ákvað hann
að verja hluta af sparnaði sínum í
hlutabréf í félaginu. Matthías keypti
þá bréf fyrir um 220 þúsund krónur.
Honum stendur nú til boða að selja
hlutabréfin fyrir 220 krónur. Matthí-
as ætlar þó ekki að leysa þær krónur
út. „Nei, ég sé ekki nokkra ástæðu til
þess. Ég lít bara á þetta sem tapað fé.
Ég nenni ekki að eltast við 220 krón-
ur. Ég vil frekar bara ramma bréfið frá
lögfræðistofunni inn,“ segir hann.
Hlutafjáreigendur í Exista fengu á
dögunum bréf frá lögmannsstofunni
Logos þar sem yfirtökutilboð var út-
listað og þeim boðið að selja bréfin á
genginu 0,02. Gengi Exista fór hæst í
ríflega 40.
„Ekkert fórnarlamb“
Matthías bendir á að kaupendur
hlutabréfa séu alltaf meðvitaðir um
að í þeim felist áhætta. „Ég hef enga
ástæðu til að vera að barma mér út
af þessu því ég kaupi hlutabréf og
hlutabréf eru áhættufjárfesting. Ég
lít því ekki á mig sem neitt fórnar-
lamb,“ segir hann. „Mér finnst þetta
fyrst og fremst kómískt. Ég fæ þarna
220 krónur. Sumum hefur verið boð-
ið að innleysa jafnvel tvær eða þrjár
krónur. Þeir hefðu mín vegna mátt
ánafna öllum upphæðum undir þús-
und krónum til góðgerðarfélags. Ég
hefði stutt það,“ segir Matthías.
Dugar ekki fyrir frímerkinu
Guðjón Sigþór Jensson bókasafns-
fræðingur keypti einnig hlutabréf í
Exista á sínum tíma. Hann er heldur
ósáttari en Matthías. „Þetta er bara
eignaupptaka,“ segir Guðjón um
gengisfall bréfa í félaginu. Guðjóni
og syni hans hefur nú verið boðið að
selja sín bréf í Exista fyrir samtals 25
krónur. „Hluti af fermingarpeningum
sonar míns fór í þetta,“ segir hann.
Guðjón fékk bréf þar sem kem-
ur fram að hlutabréf hans séu nú 22
krónu virði. Fyrir hlutabréf sonar
hans í Exista fást nú 3 krónur. „Þetta
dugar ekki einu sinni fyrir frímerkinu,
hvað þá póstburðargjöldunum,“ seg-
ir Guðjón en þeir feðgar fengu hvor
sína tilkynninguna senda í pósti.
„Ég var svo glámskyggn að ég hélt
að bankarnir væru það síðasta sem
færi á hausinn í samfélaginu en síðan
lenti þetta allt í höndunum á ótínd-
um braskaralýð. Við höfum verið að
ala þessa púka á fósbitunum, þetta
útrásarlið sem fékk bankana í hend-
urnar,“ segir hann.
Málamyndagreiðsla
Guðjón hefur engan hug á að inn-
leysa þetta litla hlutafé. „Ég hvet alla
þá sem fá þessi bréf að taka ekki við
þessum smánaraurum. Ég ætla ekki
að gera það. Mér dettur það ekki til
hugar. Þetta er bara málamynda-
greiðsla,“ segir hann.
Matthías segist finna til með þeim
sem töpuðu peningum á peninga-
markaðssjóðum. „Því fólki var talin
trú um að þeir væru algjörlega örugg-
ir. Fólk eins og ég verður bara að bíta
í það súra. Við vissum að við værum
að taka áhættu þótt engan hafi grun-
að hversu mikil hún síðan var. Ég
hélt að ég væri að fjárfesta í tiltölu-
lega öruggu fyrirtæki. Ég er nett fúll
en ég er ekkert bitur. Ég ætla ekki að
standa fyrir utan höfuðstöðvar Exista
og mótmæla,“ segir Matthías.
Erla HlynSDóttir
blaðamaður skrifar: erla@dv.is
„Ég lít bara á þetta sem
tapað fé. “
19. júlí 2007
1.000.000 krónur
16. apríl 2009
994 krónur
Veldi Exista reis aldrei hærra en 19.
júlí 2007 þegar gengið fór í 40,25.
Nú er það 0,04.
Úr MillJón í þÚSunD kall
Barmar sér ekki Matthías
Ásgeirsson íhugar að ramma inn
bréfið þar sem honum er tilkynnt
að hann geti innleyst 220 króna
hlutafé í Exista.
Ársfundur Exista
2007 fyrir tveimur
árum lék allt í lyndi
hjá Exista og hundr-
aða milljóna króna
tap ekki fyrirséð.