Dagblaðið Vísir - DV - 12.06.2009, Síða 12

Föstudagur 12. júní 200912 Fréttir
Alls fluttu fjögur hundruð fleiri ís-
lenskir ríkisborgarar frá landinu en
til þess fyrstu þrjá mánuði ársins,
samkvæmt tölum Hagstofu Íslands.
Þessi fólksflótti nemur rétt tæplega
áætluðum íbúafjölda í öllum Djúpa-
vogshreppi. Nýjustu tölur Hagstof-
unnar ná þó einungis út mars á
þessu ári og því er viðbúið að bilið
hafi breikkað um nokkur hundruð
manns síðan síðustu tölur voru birt-
ar. Alls fluttu 43 manns til Bandaríkj-
anna á tímabilinu, 337 manns fluttu
til Danmerkur og og 43 Íslendingar
fluttu til Bretlands.
Athygli vekur að á fyrstu þremur
mánuðum ársins fluttu 260 Íslend-
ingar til Noregs, en allt árið í fyrra
fluttu 278 manns til Noregs. Tölurn-
ar taka ekki mið af þeim sem fluttu
heim frá löndunum.
8–10 þúsund manns flytja
Stefán Ólafsson, prófessor í félags-
fræði við Háskóla Íslands, spáir því
að ef fram fer sem horfir muni á bil-
inu átta til tíu þúsund manns flytjast
af landi brott í kreppunni. Sá fjöldi
samsvarar um þremur prósentum af
allri þjóðinni. Miðað við reynslu frá
fyrri tímum er viðbúið að meirihluti
þeirra snúi ekki aftur til Íslands, sér-
staklega ef endurreisnin hér á landi
mun ganga hægt.
„Það er talsverð reynsla af því, að
þegar harðnar á dalnum hefur oft
orðið brottflutningur. Ég get bent á
það að þegar síldarstofninn hrundi
á árunum 1967 til 1968 kom brott-
flutningsbylgja. Í síðustu samdráttar-
kreppu á árunum 1992 til 1995 jókst
atvinnuleysi og fór það hæst upp í 5,5
prósent Þá fóru um 4.600 manns af
landi brott. Ef við setjum þá kreppu í
samhengi við þessa kreppu erum við
að tala um að atvinnuleysi nú er um
það bil helmingi meira. Ef við gæfum
okkur að brottflutningur yrði helm-
ingi meiri erum við að tala um átta til
tíu þúsund manns,“ segir Stefán.
Ungt menntað fólk fer
Stefán bendir á að aðallega sé það
yngra fjölskyldufólk sem flyst af landi
brott, menntað fólk og iðnaðarmenn.
Í síðustu brottflutningsbylgju var
fækkunin hins vegar ekki eins áber-
andi því á sama tíma fjölgaði innflytj-
endum nokkuð.
Hann segir þó ástæðu til bjartsýni
þegar til lengri tíma er litið. „Ég er satt
að segja frekar bjartsýnn á að atvinnu-
leysið eða fólksfækkunin verði ekki
mikið meiri. Ástæðan er að tækifær-
in í löndunum í kringum okkur eru að
verða meira og meira takmörkuð. Það
er ekki að mjög miklu að hverfa fyrir
eins marga og var áður. Ég er þannig
ekkert gríðarlega svartsýnn varðandi
landflótta.“
Útflutningur á atvinnuleysi
Í færeysku kreppunni fluttu um það
bil 12 prósent þjóðarinnar frá eyjun-
um og að sögn Stefáns hafði það veru-
leg áhrif þar í landi. En jafnvel þó spár
Stefáns geri ráð fyrir að talsvert lægra
hlutfall fólks flytji héðan af landi brott
mun það samt hafa heilmikil áhrif hér
á landi. Það sé þó innan þeirra marka
að stórskaða ekki samfélagið.
FLÓTTINN FRÁ ÍSLANDI
valGEIR ÖRN RaGNaRSSON
blaðamaður skrifar: valur@dv.is
„Ég er satt að segja frekar bjartsýnn á að
atvinnuleysið eða fólksfækkunin verði
ekki mikið meira. Ástæðan er að tæki-
færin í löndunum í kringum okkur eru að
verða meira og meira takmörkuð.“
Spár gera ráð fyrir því að allt að 10 þúsund manns muni flytja af landi brott í kreppunni.
Fyrstu þrjá mánuði ársins fluttu 400 fleiri frá landinu en til landsins. Unga fólkið
hugsar frekar um að flytja utan. Gríðarleg aukning hefur orðið í flutningum til Nor-
egs það sem af er ári. Fjármálafyrirtæki beita alþjóðlegu neti lögfræðinga til þess að
elta þá sem eru í miklum vanskilum og hafa flutt lögheimili sitt til útlanda.
Brynja Dögg Friðriksdóttir flutti
til smábæjarins Flam í Noregi í
byrjun apríl, þar sem hún starfar
nú í móttöku á hótelinu Fredham.
Brynja Dögg ætlar að vinna í Nor-
egi fram í september, en hún missti
vinnuna á Íslandi í lok janúar.
„Ég byrjaði að vinna hérna í byrj-
un apríl. Ég var komin með vinnu
áður en ég fór út. Ég byrjaði að horfa
í kringum mig um leið og ég missti
vinnuna. Ég sendi út gríðarlegan
fjölda umsókna og var aðallega að
horfa á ferðaþjónustuna, enda með
reynslu á því sviði,“ segir Brynja.
Aðspurð um hvernig henni líki
lífið í Noregi segir hún: „Þetta er allt
annað en það sem ég var að vinna
við heima og þetta er ekki eitthvað
sem ég sé mig gera eftir að þessu
sumri lýkur. Ég gerði þetta vegna
þess að mig vantaði vinnu þar sem
ég gæti fengið ágætis laun. Ég er að
fara í meistaranám í haust og vissi
að ég fengi ekki vinnu á Íslandi þar
sem ég gæti sparað peninga.“
Hún segir stöðu norsku krón-
unnar gagnvart þeirri íslensku hafa
ráðið miklu um að hún ákvað að
fara til Noregs. „Mér sýndist á öllu
að hérna gæti ég fengið sæmileg
laun og það er sér í lagi vegna falls
krónunnar. Það kostar ekkert mikið
að vera hérna, en um leið og maður
ætlar að gera eitthvað meira en bara
að vinna og sofa, þá hverfa pening-
arnir hratt.“
Brynja viðurkennir að henni
finnist ástandið á Íslandi mjög dap-
urlegt og óspennandi. „Mín fyrsta
hugsun þegar ég missti vinnuna var
að ég vildi fara af landi brott.“
Hún segir kosti og galla við að
búa í Noregi. „Þó svo ég sé í Nor-
egi þá er magnað hvað margt er
ólíkt því sem við þekkjum heima
á Íslandi. Ég sé ekki fyrir mér að
ég muni koma hingað aftur til að
búa. Hins vegar er gríðarlega fallegt
hérna og náttúran yndisleg, en ég sé
mig ekki ílengjast hér.“
valgeir@dv.is
„Ég sé mig ekki ílengjast hér“
Brynja Dögg Friðriksdóttir fékk starf á hóteli í norskum smábæ:
Brynja Dögg Friðriksdóttir
„Ég gerði þetta vegna þess að
mig vantaði vinnu þar sem ég
gæti fengið ágætis laun.“
„Við búum í litlum bæ sem heit-
ir Tau og er rétt fyrir utan Stafang-
ur,“ segir Guðrún Hildur Eyjólfs-
dóttir, en hún og maður hennar,
Sigurður Rúnar Ragnarsson, fluttu
af landi brott í janúar síðastliðn-
um. Sigurði bauðst góð vinna sem
matreiðslumaður á hóteli í mið-
bænum og ákvað fjögurra manna
fjölskyldan að slá til. „Við erum
búin að vera hérna síðan í janúar,
það hefur alltaf verið á planinu að
flytja út og aðstæður heima ýttu
manni út.“
Guðrún segir mikinn mun á Ís-
landi og Noregi, ytra sé kreppan
ekki eins augljós og hér á landi.
„Þetta er nú alltaf í umræðunni
en samt er þetta allt annað en á Ís-
landi.
Við erum með tvö börn hérna
og þetta er miklu fjölskylduvænna
umhverfi. Ég er í fæðingarorlofi
þannig að tekjur hans hafa dugað
mjög vel fyrir okkur. Hérna er mik-
ið gert fyrir fjölskyldufólk.“
Aðspurð hvort fjölskyldan
hyggist setjast að til frambúð-
ar í Noregi, segir Guðrún Hildur
það óákveðið. „Við erum enn að
komast inn í þetta hérna, en það
er búið að ganga vel.“ Hún segist
vissulega sakna íslands, enda sé
fjölskyldan heima, hins vegar er
svo stutt að fljúga á milli.
Hún segir fjölskylduna ekki
hafa mætt neinum erfiðleikum
vegna neikvæðrar umræðu um
Íslendinga á meðan þau voru að
koma sér fyrir í Noregi, jafnvel þótt
það hafi verið viðbúið. „Nei, alveg
þvert á móti,“ svarar hún.
valgeir@dv.is
Guðrún Hildur og Sigurður Rúnar:
stóð alltaf til
Sigurður og Guðrún Hafa
ekki mætt erfiðleikum.
Stefán Ólafsson, prófessor
í félagsfræði spáir því að allt
að 10 þúsund manns muni
flytja af landinu á næstunni
vegna efnahagsástandsins.
Fyrirheitna landið Noregur Mikill fjöldi íslendinga reynir nú
fyrir sér í noregi. gengi norsku krónunnar gagnvart íslensku
krónunni gerir íslendingum mjög hagstætt að starfa í noregi.
MyND/PHOtOS