Dagblaðið Vísir - DV - 19.06.2009, Blaðsíða 6

föstudagur 19. júní 20096 Fréttir
Sandkorn
n Jón Sigurðsson, fyrrverandi
viðskiptaráðherra og formaður
Framsóknarflokksins, segir frá
því á bloggsvæði sínu á Press-
unni á fimmtudag að þegar
hann var í viðskiptaráðuneyt-
inu hafi
athugun
ráðuneytis-
ins leitt í ljós
að Icesave-
reikningarn-
ir og rekst-
ur þeirra
væri innan
hæfilegra
marka, meðal annars með tilliti
til innistæðutrygginga. Þá hafi
ráðamönnum líka verið sagt að
starfsreglur Landsbankans hafi
verið með þeim hætti að ekki
væri gert ráð fyrir að fé yrði flutt
frá Bretlandi til Íslands. Þá hafi
staðan verið sú að Fjármálaeft-
irlitið hafði öll tök á að bregðast
við ef ofvöxtur hlypi í reikn-
ingana. Ekki virðist þetta hafa
gengið eftir og voru reikning-
arnir að hluta nýttir til að fjár-
magna bankann á Íslandi.
n Annars segir fyrrverandi við-
skiptaráðherrann og framsókn-
arformaðurinn Jón Sigurðsson
ljóst hvar ábyrgðin í Icesave-
sögunni liggur. „Fyrrverandi
stjórnendur Landsbankans
bera alla ábyrgð á Icesave.
Bresk stjórnvöld bera ábyrgð á
árásinni á Íslendinga. Íslenskir
stjórnmálamenn og ríkisstjórnir
bera ábyrgð á löggjöf og reglu-
umhverfi fjármálakerfisins, þar
á meðal sá sem þessi orð ritar.
Og eftirlitsstofnanir bera sína
ábyrgð.“ Þá segir hann ákvarð-
anir síðasta hausts, neyðar-
lögin og yfirlýsingar íslenskra
stjórnvalda eiga þátt í að málið
sé ekki lengur bundið við inni-
stæðutryggingasjóð heldur
beinist að íslensku þjóðinni í
heild sinni.
n Ólafur Stephensen, ritstjóri
Morgunblaðsins, og hans fólk fá
yfir sig breiðsíðu í blaðinu síð-
asta fimmtudag. Helgi Laxdal,
vélstjóri og fyrrverandi verka-
lýðsforkólfur, fer þar mikinn
um grátkór
LÍÚ vegna
fyrningar-
leiðarinnar
en gagnrýn-
ir Moggann
um leið.
Hann bend-
ir á hversu
greiða leið
andstæðingar fyrningarleiðar
eiga í fréttir blaðsins og segir að
eftir að nýir eigendur tóku við
hafi orðið breyting frá fyrri tíma
þegar Morgunblaðið hafi talið
sig vera frjálst og óháð dagblað.
Fjölgar því í hópi þeirra sem
telja sig sjá slagsíðu kvótaeig-
enda í skrifum blaðsins.
Ester Eva Glad, íslensk stúlka sem búsett er í Finnlandi, lenti í mjög alvarlegu bílslysi
að kvöldi skírdags. Nú hefur Ester, sem í fyrstu var algjörlega lömuð, fengið tilfinningu
í líkamann og getur talað. Í fyrsta viðtalinu eftir slysið segist Ester ekki muna mikið
eftir því en ökumaður bifreiðarinnar var undir áhrifum áfengis.
Fyrsta orðið var „hæ“
„Ég hef það fínt en það breytist frá
degi til dags. Þegar ég byrjaði að tala
aftur þekkti ég ekki röddina en síð-
an rifjaðist hún upp fyrir mér,“ segir
Ester Eva Glad, tvítug, íslensk stúlka
sem lenti í alvarlegu bílslysi í Jomala
Möckelby á Álandseyjum að kvöldi
skírdags.
Ester var farþegi í bíl þar sem
ökumaðurinn var ölvaður og missti
stjórn á honum með þeim afleiðing-
um að hann valt. Ester var lengi vel
í lífshættu þar sem hún var algjör-
lega lömuð og gat aðeins haft sam-
skipti við foreldra sína og starfsmenn
sjúkrahússins með því að blikka aug-
um.
Eitt orð í einu
Nú rúmlega tveimur mánuðum síð-
ar getur Ester talað án erfiðleika og
segir það mikinn létti að geta notað
röddina aftur.
„Ég byrjaði á því að hreyfa varirn-
ar en það kom ekkert hljóð. Ég var
með stanslausan hósta sem stoppaði
allt loftstreymi. En síðan var ég tengd
við öndunarvél og þá gat ég talað,
eitt orð í einu. Það var læknir í her-
berginu og ég gat heilsað honum,“
segir Ester í viðtali við fréttasíðuna
Ålandstidningen. Fyrsta orðið sem
Ester sagði var „hæ“.
Horfir á Grey’s Anatomy
Ester lamaðist algjörlega eftir slysið
og var ástand hennar tvísýnt í dágóð-
an tíma. Nú hefur hún fengið smá til-
finningu aftur í líkamann.
„Það er eins og það sé fullt af
maurum skríðandi í líkama mínum,“
segir Ester sem fær innan skamms
sérfræðihjálp í Uppsölum í Svíþjóð.
„Ég kvíði svolítið fyrir því,“ segir
Ester um ferðina til Svíþjóðar.
Ester hefur fengið fjölmörg kort,
blóm og bangsa frá vinum og ætt-
ingjum og á náttborði hennar liggja
þó nokkrir DVD-diskar með sjón-
varpsþættinum Grey’s Anatomy.
„Starfsfólkið á sjúkrahúsinu kom
með þá. Þetta eru góðir þættir.“
Man ekki mikið
Ester var ein átta farþega í bifreið-
inni sem valt að kvöldi skírdags. Hún
hefur talað við nokkra aðra sem voru
í bílnum en man ekki nákvæmlega
hvað gerðist.
„Ég man eftir því að ég settist inn
í bílinn og hvernig hann rann á veg-
inum og allt í einu voru dekkin ekki
lengur á malbikinu. Það næsta sem
ég man var þegar sjúkraflutninga-
mennirnir komu á staðinn. Síðan
man ég ekkert fyrr en ég vaknaði á
spítalanum.“
Harmsaga
Faðir Esterar, Sam Glad, er íslensk-
ur en móðir hennar, Ruth Glad, er
breskur ríkisborgari. Eins og DV
hefur sagt frá hefur líf fjölskyldu Est-
erar ekki verið dans á rósum. Son-
urinn Jóhannes slasaðist alvarlega
í bifhjólaslysi fyrir tveimur árum
og hefur enn ekki náð fullum bata.
Sam fékk hjartaáfall í septemb-
er í fyrra og hefur einnig glímt við
slæm bakmeiðsli í mörg ár. Í febrú-
ar á þessu ári missti fjölskyldan
allt þegar heimili hennar í Jomala
brann til kaldra kola og fjórir hund-
ar drápust.
Ester er því afar þakklát þeim
dygga stuðningi sem hún hefur fund-
ið fyrir síðustu mánuði.
„Það er góð tilfinning að vita til
þess að mörgum þykir vænt um
mig.“
LiLjA KAtrín GunnArsdóttir
blaðamaður skrifar liljakatrin@dv.is
„Það er eins og það sé
fullt af maurum skríð-
andi í líkama mínum.“
Frá slysstað Ester var einn átta
farþega í bifreiðinni sem valt að
kvöldi skírdags. ökumaðurinn var
undir áhrifum áfengis.
Mynd nyAn.Ax
Á batavegi Ester getur nú talað og
hefur smá tilfinningu í líkamanum.
Mynd ÅLAndstidninGEn
15 mánuðir fyrir að reyna að nauðga vinkonu dóttur sinnar:
réðst á sofandi stúlkuna
Hæstiréttur dæmdi í gær karlmann,
sem reyndi að nauðga 16 ára vin-
konu dóttur sinnar, í 15 mánaða
fangelsi og til að greiða stúlkunni 600
þúsund krónur í skaðabætur. Hæsti-
réttur staðfesti þar með dóm Hér-
aðsdóms Reykjaness frá því 13. jan-
úar en hækkaði skaðabæturnar sem
stúlkan fær.
Stúlkan var gestkomandi á heim-
ili mannsins þann 13. apríl árið 2008
þegar hann lagðist við hlið henn-
ar þar sem hún lá sofandi í herbergi
dóttur hans, reyndi að gyrða niður
buxur stúlkunnar og er hún vaknaði
tók hann fyrir vit hennar og hótaði
að meiða hana hefði hún ekki hljótt.
Lét maðurinn ekki af háttsemi sinni
fyrr en eiginkona hans kom inn í her-
bergið og réðst á hann.
Taldi Hæstiréttur frásögn stúlk-
unnar trúverðuga og að öllu leyti í
samræmi við framburð vitna. Þótti
sýnt að háttsemi mannsins bæri þess
skýr merki að fyrir honum hefði vak-
að að beita stúlkuna kynferðislegu
ofbeldi og tilviljun ein ráðið því að
honum tókst ekki ætlunarverk sitt.
Í dómsskjölum kemur fram að
stúlkan hafi átti erfitt uppdráttar eftir
árásina.
Hæstiréttur taldi frásögn stúlk-
unnar trúverðuga og að öllu leyti í
samræmi við framburð vitna.