Dagblaðið Vísir - DV - 19.06.2009, Blaðsíða 34

föstudagur 19. júní 200934 Helgarblað
þætti í sjónvarpinu með pabba, til
dæmis þætti Ólafs Ragnars [Gríms-
sonar, forseta Íslands], Vilmundar
Gylfasonar og fleiri. Alveg frá því ég
var pínulítil hefur þetta pólitíska um-
hverfi því kveikt í mér. En ég varð ekk-
ert flokkspólitísk fyrr en ég fór að lesa
stjórnmálafræði eftir tvítugt. Þá fann
ég strax hvar hjarta mitt sló.“
Varð ástfangin af ritstjóranum
Áður en þú uppgötvaðir hvar þín pól-
itíska hugsjón lá, varstu þá einhvern
tímann búin að kjósa annan flokk en
Sjálfstæðisflokkinn?
„Já, þegar ég kaus í fyrsta sinn kaus
ég kratana í bæjarstjórnarkosning-
um í Hafnarfirði,“ segir Hanna Birna
og bætir við hlæjandi að það hljóti að
skilgreinast sem bernskubrek. „Síðan
þá hef ég aldrei kosið neitt annað en
Sjálfstæðisflokkinn. En ég fór ekki að
taka þátt í starfi flokksins fyrr en ég
var tuttugu og fimm ára. Ég lét mér
nægja að kjósa hann fram að því.“
Hanna Birna útskrifaðist með BA-
gráðu í stjórnmálafræði frá Háskóla
Íslands árið 1991 og tók svo meist-
aragráðu í alþjóðlegum og evrópsk-
um stjórnmálum í Edinborg tveimur
árum síðar. Í HÍ kynntist hún mann-
inum sínum, Vilhjálmi Jens Árnasyni
heimspekingi.
„Hann var ritstjóri Stúdentablaðs-
ins og virkur í stúdentapólitíkinni. Ég
var ásamt félögum mínum að selja
einhvern varning þar sem við vorum
að safna til námsferðar stjórnmála-
fræðinema til London. Við fórum
nokkur í viðtal til ritstjórans vegna
málsins og það skipti engum togum,
ég hitti draumaprinsinn og örlögin
voru ráðin.“
Hanna Birna og Vilhjálmur hafa
nú verið saman í um tuttugu ár og í
hjónabandi frá árinu 1995. Þau eiga
tvær dætur, Aðalheiði sem er ellefu
ára og Theodóru Guðnýju sem er
að verða fimm ára. Fjölskyldan býr í
Fossvoginum og unir þar hag sínum
vel.
Spurð hvaða áhrif ástandið í þjóð-
félaginu hafi á fjölskyldulífið seg-
ir Hanna Birna þau vera líklega þau
sömu og á margar aðrar fjölskyldur.
„Maður á samtöl við börnin sín sem
maður átti ekki von á að eiga, er að út-
skýra hluti sem maður hélt að maður
þyrfti ekki að útskýra. Að sumu leyti
er það dapurt. Að öðru leyti er ákveð-
inn þroski fólginn í því að útskýra fyr-
ir börnunum sínum að ekki sé allt
gefið og hlutirnir komi og fari og geti
breyst. Mér finnst samt mikilvægt að
fá tækifæri til að ræða við dætur mín-
ar um það að við eigum að þakka fyr-
ir það sem við höfum, við erum svo
lánsöm að svo mörgu leyti og kannski
höfum við ekki metið það nægilega
hingað til. Í því hljóta að vera fólgin
sóknarfæri og ég vona að hluttekn-
ing og samkennd aukist í þjóðfélagi
okkar. Það er eitthvað sem er hollt og
mikils virði.“
Yfirleitt kurteis
Sé Hanna Birna „gúgluð“ kemur með-
al annars upp stjörnukort hennar sem
vistað er á stjörnuspekisíðu vefsvæðis
Morgunblaðsins. Samkvæmt því hef-
ur hún til að bera ákveðni, skýran fók-
us og aga, eða stífni, öfgar og grimmd.
Blaðamaður hermir upp á borgarstjór-
ann hvort eitthvað sé til í þessu.
„Það eru aðrir betri í að dæma það.
Er maður ekki bara blanda af þessu
öllu? Ég hef ekki velt mikið fyrir mér
stjörnukortum eða stöðu minni í því
öllu. Ég held að kostir manns séu um
leið ókostir að einhverju leyti. Ég kann-
ast alveg við einhver orð þarna, eins og
flestir aðrir örugglega.“
„Ljúf, félagslynd og „yfirleitt“ kurt-
eis,“ segir líka í stjörnukortinu. Kvitt-
arðu undir það?
„Jaaaá, ég held að ég sé yfirleitt kurt-
eis til dæmis,“ segir Hanna Birna og
hlær. „Ég veit ekki hvort allir taka undir
það. Ég er ekki skaplaus en ég er von-
andi yfirleitt kurteis. En stundum er
ég örugglega svolítið hvöss og hvatvís,
ákveðin og óþolinmóð og allt þetta.“
Feimni hélt aftur af brosinu
Sérðu fyrir þér að þú verðir lengi borg-
arstjóri Reykjavíkur?
„Ég vona að ég fái tækifæri til þess
að vinna fyrir Reykjavíkurborg í langan
tíma og verði borgarstjóri eins lengi og
mér er treyst til. Mér finnst ekkert sjálf-
gefið í því og hef aldrei litið svo á. Ég
held að við sem erum hér núna getum
gert margt gott fyrir borgina okkar og
því finnst mér Reykvíkingar vera lán-
samir að hafa þann hóp sem nú situr
í borgarstjórn.“
Sumir segja að þú hafir byrjað að
brosa meira eftir að þú varðst borgar-
stjóri. Kannastu við það?
Hanna Birna skellir upp úr. „Það er
skemmtilegra að vera í meirihluta en
minnihluta. Það gæti útskýrt eitthvað.
Ég held að það skrifist líka á það að ég
er feimin að upplagi. Það á við um alla
sem taka þátt í opinberu starfi að það
kemur enginn fullskapaður inn á það
svið. Það tekur tíma að finna sig í því og
láta sér líða vel í því. Ég er frekar prívat
að upplagi og það tók bara tíma fyrir
mig að finna mig í þessu hlutverki. Ætli
það sé ekki ástæðan fyrir því að sum-
ir telja mig eitthvað brosmildari nú en
fyrr.“ kristjanh@dv.is
„Ég er frekar prívat
að upplagi og það tók
bara tíma fyrir mig að
finna mig í þessu hlut-
verki. Ætli það sé ekki
ástæðan fyrir því að
sumir telja mig eitthvað
brosmildari nú en fyrr.“
„Við fórum nokkur í viðtal til ritstjórans vegna
málsins og það skipti engum togum, ég hitti
draumaprinsinn og örlögin voru ráðin.“
Í vinnunni Hanna hefur
verið borgarfulltrúi sjálfstæð-
isflokksins frá 2002 og var
aðstoðarframkvæmdastjóri
flokksins frá 1999 til 2006.
MYND Bragi Þór JóseFssoN
Í auga stormsins Hanna Birna yfirveguð rétt
fyrir upphaf blaðamannafundar borgarstjórn-
arflokks sjálfstæðismanna þegar rEI-málið var
í hámæli í október 2007. Við hlið hennar sitja
þáverandi borgarstjóri, Vilhjálmur Þ. Vilhjálms-
son, og gísli Marteinn Baldursson borgarfulltrúi.
MYND Ásgeir M. eiNarssoN
ólafur F. Magnússon „Mér fannst
í raun og veru samvisku minnar
og sannfæringar vegna ekkert
annað í boði en að gera það sem
við gerðum,“ segir Hanna Birna um
það þegar sjálfstæðisflokkur sleit
meirihlutasamstarfi sínu við Ólaf.
MYND KristiNN MagNússoN