Dagblaðið Vísir - DV - 30.12.2009, Síða 53

ÁRAMÓT 30. desember 2009 MIÐVIKUDAGUR 53
BARÁTTUHETJA ÁRSINS
Guðmundur Sesar Magnússon
„Þá skaltu líka lifa“ eru orð sem verða fleyg
um langan aldur. Þetta voru síðustu orð Guð-
mundar Sesars Magnússonar sjómanns áður
en hann lést í sjóslysi við mynni Fáskrúðs-
fjarðar fyrr í mánuðinum. Bát sem Sesar og
tengdasonur hans voru í hvolfdi í vondu veðri
16. desember síðastliðinn. Þeir komust báð-
ir í vélarrúmið þar sem var að finna eina súr-
efnið í bátnum eftir að honum hvolfdi, þaðan
leituðu þeir leiða til að komast út úr bátnum
en fundu engar. Þegar vatnsborðið hækk-
aði og náði þeim upp undir höku héldu þeir
uppgefnir hvor í annan og báðu saman Faðir-
vorið. Sesar hafði orð á því að nú væri stund
þeirra komin og þeir skyldu þá reyna að mæta
því eins og menn. Þá segir tengdasonurinn
við hann: „Og ég sem hlakkaði svo til að eiga
fyrstu jólin með syni mínum og konunni.“ Þá
horfði Sesar í augu hans í myrkrinu og sagði:
„Þá skaltu líka lifa! Þú getur komist niður gat-
ið, inn í stýrishúsið og út!“ Við svo búið setti
hann hönd ofan á hvirfil tengdasonar síns og
ýtti honum af afli niður í átt að útgönguleið-
inni. Þetta varð til þess að Ívar komst lífs af.
BLOGGHETJA ÁRSINS
Lára Hanna Einarsdóttir
Margir lesendur tilnefndu Láru Hönnu Ein-
arsdóttur, bloggara og leiðsögumann, sem
hetju ársins. Þar sem DV var að leita að hetju
fyrir eitt tiltekið afrek, og var frekar að horfa
til hetjudáðar þar sem sekúndur skipta máli í
björgun mannslífa, varð Lára Hanna ekki fyr-
ir valinu þrátt fyrir þann mikla stuðning sem
hún hlaut í útnefningunni. En DV ákvað hins
vegar að velja Láru Hönnu sem blogghetju
ársins 2009 en hún hefur meðal annars bent
á mýmargt sem betur má fara í eftirmálum
hrunsins. Eða eins og einn stuðningsmað-
ur hennar rökstuddi tilnefningu sína: „Lára
Hanna hefur unnið þrekvirki í bloggskrifum
sínum með vandaðri umfjöllun um hrun-
ið, verið óþreytandi að vekja athygli okkar á
hinum og þessum meinsemdum í þjóðfélag-
inu, fjallað um mikilvæg málefni sem snúa að
náttúruvernd og orkumálum og svona mætti
áfram telja.“
HRUNHETJA ÁRSINS
Eva Joly
Íslendingar hafa ofurtrú á þessari fransk-
norsku valkyrju sem á glæstan feril í uppræt-
ingu spillingar. Ef Joly væri ekki að vinna að
rannsókn efnahagshrunsins væri vafalítið
enn neikvæðara hljóðið í landsmönnum en
raunin er. Í viðtali DV við Joly síðastliðið sum-
ar kom meðal annars fram að hún er vinnu-
þjarkur og hefur unnið tvöfalda vinnu frá sex-
tán ára aldri. Þá sagði hún einnig að það væru
einungis draumórar að reglan um að allir telj-
ist saklausir uns sekt sé sönnuð komi í veg
fyrir grunsemdir og rannsókn mála. Ef þessi
manneskja getur ekki gert gagn við rannsókn
hrunsins getur það enginn.
BARNAHETJA ÁRSINS
Ibrahim Kolbeinn Jónsson
Mamma Ibrahims Kolbeins Jónssonar, sex
ára, sagði son sinn hafa bjargað lífi sínu þegar
hún fékk verk fyrir hjarta og aðsvif upp frá því
í október síðastliðnum. Hann hringdi í Neyð-
arlínuna og vinkonu mömmu sinnar sem
kom í skyndi. Einnig náði Ibrahim í plast-
poka fyrir mömmu sína til að kasta upp í og
vatnsglas. „Hann er algjör hetja, svo duglegur.
Hann bjargaði lífi mínu,“ sagði mamman, As-
hura H. Ramadhan, í viðtali við Fréttablaðið
um afrek sonar síns.
„HELDRI BORGARA“-HETJA ÁRSINS
Helga Elísdóttir
Helga Elísdóttir er amma drengs sem Barna-
vernd Reykjavíkur ákvað í nóvember að setja
í fóstur án dómsúrskurðar. Helga barðist gegn
því og hafði sigur. Forsaga málsins er sú að
Helga hafði drenginn og eldri bróður hans í
sinni umsjá síðan í september 2008 á með-
an móðir drengjanna vann í því að koma lífi
sínu á réttan kjöl á ný eftir að hafa glímt við
áfengisvandamál. Móðir piltanna hafði verið
edrú í sex mánuði og í góðri vinnu þegar taka
átti drenginn af henni. Helga segir dóttur sína
hafa verið langt komna með að ná lífi sínu á
réttan kjöl þegar starfsmenn Barnaverndar
tilkynntu þeim að níu ára gamli drengurinn
yrði sendur til fósturforeldra. En Helga streitt-
ist á móti og stóð uppi sem sigurvegari í bar-
áttu sinni við kerfið.
ÍÞRÓTTAHETJA ÁRSINS
Gunnar Nelson
Gunnar Nelson bardagaíþróttamaður er ekki
á topp tíu listanum í vali Samtaka íþrótta-
fréttamanna á íþróttamanni ársins 2009
þar sem félag hans, Mjölnir, er ekki hluti af
Íþróttasambandi Íslands. En að mati DV
er enginn sem kemst með tærnar þar sem
Gunnar hefur hælana í árangri á íþrótta-
sviðinu þetta árið og er hann því útnefndur
íþróttahetja ársins. Uppskera Gunnars á ár-
inu er eftirfarandi: Silfurverðlaun á Heims-
meistaramótinu í brasilísku jiu-jitsu (bjj) þar
sem hann sló meðal annars út heimsmeist-
arann frá síðasta ári, gullverðlaun á Pan jiu-
jitsu Championship, gull- og bronsverðlaun
á Opna New York-meistaramótinu, 4. sæt-
ið í opnum flokki á ADCC sem sagt er sterk-
asta glímumót í heimi, gull- og silfurverðlaun
á Pan No-Gi Championship, silfurverðlaun
á Opna Norðurlandameistaramótinu í bjj og
tvenn gullverðlaun á Íslandsmeistaramótinu
í bjj.
Útnefning hetju ársins hjá DV fór nú
fram í annað sinn. Fjölmargir svöruðu
ósk blaðsins um tilnefningar til nafnbót-
arinnar og voru tugir manna nefndir til
sögunnar.
Lesendur voru beðnir um að senda
nafn eða nöfn þeirra sem þeim fannst
verðugir þess að bera nafnbótina hetja
ársins 2009 fyrir eitthvað sem viðkom-
andi afrekuðu á árinu sem nú er senn á
enda. Allir Íslendingar og þeir sem búa
hér á landi komu til greina í valinu. Á
meðal þeirra sem tilnefndir voru af les-
endum DV voru Vilhjálmur Bjarnason, framkvæmdastjóri Félags fjár-
festa, Hörður Torfason, tónlistarmaður og mótmælandi, Lára Hanna
Einarsdóttir, bloggari og leiðsögumaður,
Edda Heiðrún Backman, leikkona og bar-
áttukona, Steingrímur J. Sigfússon fjármála-
ráðherra, Lilja Mósesdóttir þingmaður,
Guðmundur Sesar Magnússon sjómaður,
Atli Thoroddsen flugmaður, Ibrahim Kol-
beinn Jónsson og „Íslendingurinn“ sem er
ekki farinn af landi brott vegna ástandsins
og ætlar ekki.
Ritstjórn DV skar svo úr um hver skyldi
hljóta nafnbótina hetja árins 2009 hjá blað-
inu og urðu Svava Snæberg og Sigurður Bet-
úel Andrésson fyrir valinu að þessu sinni.
Þess ber að geta að Guðmundur Sesar kom afar sterklega til greina
sem hetja ársins en hans afreki eru gerð skil annars staðar á opnunni.
Meðal þjóðarinnar eru margar hetjur. Tvær urðu fyrir valinu í útnefningu
á hetju ársins 2009 að mati DV en fjölmargir aðrir væru vel að nafnbótinni
komnir. Hér eru nefndar nokkrar hetjur á ýmsum sviðum.
Aðrar hetjur ársins
AÐ HEYRA HANN ANDA
arráðið eitt kvöldið. Þá var grjóti kastað að
þeim sem varð til þess að nokkrir mótmæl-
endur reyndu að skýla hinum svartklæddu
fyrir ofbeldismönnunum.
Óraunverulegur tími
„Þetta varð sífellt agressífara. Þetta byrjaði
með að fólk henti tómötum í okkur en fór
svo að henda harðari hlutum í okkur eins og
grjóti, beinlínis til þess að skaða mann,“ segir
Sigurður um þessar eftirminnilegu vikur.
„Þetta var orðið, eins og ég segi, óraun-
verulegt. Stjórnendur okkar gáfu okkur fyr-
irmæli um að halda kyrru fyrir og vera þol-
inmóðir svo menn færu ekki að hlaupa
framundan sér. Og maður fór eftir því, þótt
maður væri kannski orðinn þreyttur og pirr-
aður eftir að hafa vakað lengi og hafa ver-
ið kallaður aumingi, fáviti, ræfill, svikari og
fleira. Krakkar kölluðu mann öllum illum
nöfnum, gamalt fólk og fólk á öllum aldri
þar á milli. Það var hrækt á mann, sparkað í
mann og kastað hlutum í mann. Ég fékk með-
al annars grjót í mig en hlaut bara ekki skaða
af því það lenti í brynjunni,“ segir Sigurður al-
varlegur á svip.
Upplifði sig óvin fólksins
Þetta var því erfiður en um leið lærdómsríkur
tími fyrir Sigurð og alla hina lögreglumenn-
ina sem stóðu í þessari orrustu. Orrustu sem
líklega flestir landsmenn geta sammælst um
að þeir hafi staðið sig vel í, hvað sem líður
ákvörðunum og aðgerðum – eða aðgerða-
leysi – stjórnvalda á sama tíma.
„Þegar var verið að henda í mann drasli
fannst maður maður vera mesti óvinur
mannfólksins. En svo sagði manni eitthvað
innst inni að það væri kannski ekki alveg
rjóminn af mannkyninu sem væri að henda
grjótinu í mann. Og svo fór að rigna inn á
lögreglustöðina þakkarkortum, gjöfum og
hvatningarorðum þannig að maður skynjaði
það seinna meir að fólk kunni að meta þessi
störf manns.“
kristjanh@dv.is
Margir tilnefndir
Íslendingar Nöfn margra lands-
manna voru nefnd í útnefningum
lesenda á hetju ársins. MYND RÓBERT