Dagblaðið Vísir - DV - 30.12.2009, Page 66

DAISY DE MELKER Daisy Louisa C. De Melker var lærð hjúkrunar-
kona og var kærð fyrir morð á tveimur eiginmönnum og syni. Daisy fæddist
árið 1886 í Seven Fountains skammt frá Grahamstown í Suður-Afríku og átti
tíu systk ini. Tólf ára gömul flutti hún til Ródesíu, nú Simbabve, þar sem hún bjó
ásamt tveimur bræðrum sínum og föður. Þegar upp var staðið var Daisy aðeins
sakfelld fyrir morðið á syni sínum, sem var þó eina morðið sem ekki var vitað um
ástæður fyrir. Daisy var önnur konan sem endaði ævi sína í gálganum í Suður-Afríku. Lesið um
hjúkrunarkonuna Daisy de Melker í næsta helgarblaði DV.
ILLÞEFJANDI TÚLÍPANINN
Þó að Robert Black Tulip hafi bara verið sakfelldur fyrir fjögur morð er hann grunaður um aðild að mun
fleiri. Morðin sem hann var dæmdur fyrir framdi hann á Bretlandi og fórnarlömbin voru ungar stúlkur.
Auk annarra morða sem hann er grunaður um á Bretlandi er hann grunaður um fjölda svipaðra morða á
meginlandi Evrópu.
Móðir Roberts Black vildi ekki
kenna hann við föður hans eftir að
hann fæddist 1947 í Grangemouth
í Skotlandi. Hún vildi í raun lítið
með hann hafa og sendi hann frá
sér í fóstur. Robert var komið fyr-
ir hjá öldruðum hjónum, Jack og
Margaret Tulip, og fékk viðurnefn-
ið illþefjandi Robbie Tulip í grunn-
skóla. Margaret Tulip lést árið 1958
og Robert var sendur á barnaheim-
ili í Falkirk og var færður um set
nokkrum sinnum eftir það.
Ungur að aldri var Robert
bendlaður við smáglæpi, en einn-
ig þróuðust með honum undar-
legir kynferðislegir órar og hann
fékk brennandi áhuga á kynfærum
annarra barna, eigin endaþarmi
og hægðum. En órar Roberts tóku
alvarlega stefnu þegar hann var
tólf ára. Þá reyndi hann í félagi við
tvo aðra drengi að nauðga í fyrsta
sinn. Kumpánarnir réðust á stúlku
á engi einu en urðu frá að hverfa
vegna þess að þeir gátu ekki fram-
kvæmt nauðgunina.
Braut gegn 30 til 40 stúlkum
Fimmtán ára að aldri fékk Robert
sendilsstarf í Greenock skammt
frá Glasgow. Síðar viðurkenndi
hann að hann hefði upp að mis-
miklu marki brotið gegn 30 til 40
stúlkum í sendiferðum sínum.
Þegar Robert var um nítján ára
varð hann ástfanginn af stúlku
að nafni Pamela Hodgson og
bað hana að giftast sér, en varð
niðurbrotinn þegar hún hrygg-
braut hann og lauk sambandinu
nokkrum mánuðum síðar.
Kynórar Roberts vöknuðu til
lífsins á ný og hann hóf að áreita
stúlkur enn á ný og komst upp
með það þar til hann hann gerð-
ist nærgöngull við dóttur hjóna
sem hann leigði herbergi hjá. Ro-
bert lokkaði sjö ára stúlku með
sér með fyrirheitum um að hún
fengi að sjá kettlinga. Hann fór
með stúlkuna í yfirgefna bygg-
ingu, herti að hálsi hennar þar til
hún var við að kafna og fróaði sér
yfir hana. Stúlkan fannst síðar
ráfandi, grátandi, blóðug og ráð-
villt. Atvikið var tilkynnt lögregl-
unni og Robert fékk eins árs dóm
á endurhæfingarstofnun.
Þegar Robert losnaði af stofn-
uninni yfirgaf hann Skotland og
flutti til Lundúna, uppgötvaði
barnaklám og lét ungar stúlkur
eiga sig um hríð. En 1976 fékk
Robert vinnu sem vörubílstjóri
og fékk yfirgripsmikla þekkingu
á vegakerfi landsins.
Susan Maxwell myrt
Þann 30. júlí, 1982, fór hin ell-
efu ára Susan Maxwell af heim-
ili sínu í þorpinu Cornhill on
Tweed, Englandsmegin við
landamæri Skotlands. Susan ætl-
aði að spila tennis hinum meg-
in landamæranna í Coldstream.
Nokkur vitni mundu eftir að hafa
séð hana allt þar til hún fór yfir
brúna á Tweed-ánni. Eftir það
vissi enginn hvað varð um hana.
Einhvers staðar á milli árinn-
ar og Coldstream nam Robert
Susan á brott. Hann nauðgaði
henni og kyrkti og kastaði líki
hennar út fyrir veg nærri Uttox-
eter, um 400 kílómetra frá þeim
stað þar sem hún hvarf.
Fimm ára fórnarlamb
Að kvöldi dags 8. júlí 1983 brá
Caroline Hogg, fimm ára, frá
Portobello í útjaðri Edinborg-
ar sér út til að leika sér skamma
stund skammt frá heimili sínu.
Hún kom aldrei heim aftur. Vitn-
um bar saman um að tætings-
legur karlmaður hefði fylgst með
ungri stúlku, sem talið er að hafi
verið Caroline, á leikvelli stutt frá
heimili hennar. Síðar hafði sést
til mannsins þar sem hann leiddi
hana sér við hlið í leiktækjasal
ekki langt frá. Sá maður var Ro-
bert Black.
Lík Caroline fannst tíu dögum
síðar í skurði í Leicesterskíri, um
480 kílómetra frá heimili hennar.
Lík hennar var byrjað að rotna
og því var ekki hægt að úrskurða
dánarorsök, en þar sem líkið var
nakið voru leiddar líkur að því
að um kynferðislegan glæp hefði
verið að ræða.
Þremur árum síðar
Síðasta fórnarlamb Roberts
Black, sem vitað er um með fullri
vissu, var Sarah Harper, tíu ára,
frá Morley í Leeds. Hennar var
saknað eftir að hún skrapp út til
að kaupa brauð 26. mars 1986.
Afgreiðslumaðurinn mundi vel
eftir henni, en heim komst hún
aldrei.
Það síðasta sem sást til henn-
ar var þegar hún gekk að stíg sem
hún notaði til að stytta sér leið-
ina heim. Henni var rænt og hún
myrt af Robert Black og lík henn-
ar fannst í Trent-ánni skammt
frá Nottingham mánuði síðar.
Black gripinn
Þar sem lík stúlknanna fund-
ust innan 40 kílómetra frá hvert
öðru grunaði lögregluna sterk-
lega að morðin tengdust. Lög-
regluna grunaði einnig að morð-
inginn starfaði við eitthvað sem
tengdist ferðalögum því líkin
fundust öll í órafjarlægð frá þeim
stað þar sem stúlkurnar hurfu.
En það áttu eftir að líða fjög-
ur ár þangað til Robert Black var
gripinn. 14. júlí, 1990, sást til Ro-
berts þar sem hann greip stúlku
af götunni og fleygði henni inn í
sendiferðabíl sinn. Árvökull veg-
farandi gerði lögreglu viðvart
sem elti bílinn og náði í skottið
á Robert.
Einn lögreglumannanna
sem var á vettvangi var faðir
litlu stúlkunnar sem fannst í bíl
Blacks, bundin, kefluð og hafði
verið troðið öfugri ofan í svefn-
poka.
Við leit á heimili Roberts
Black fannst mikið magn barna-
kláms og mánuði síðar var hann
sakfelldur fyrir mannrán.
Grunaður um morðin
Lögregluna grunaði Black um
morðin á Susan, Caroline og
Söruh og eftir að farið hafði ver-
ið yfir bensínkvittanir var hann
ákærður fyrir morðin og tilraun
til mannráns á 15 ára stúlku sem
slapp úr klóm hans árið 1988.
Þegar upp var staðið var Ro-
bert Black, 1994, fundinn sekur
um öll ákæruatriði og dæmd-
ur til lífstíðarfangelsisvistar
með þeim formerkjum að hann
myndi aldrei afplána minna en
35 ár. Samkvæmt því sleppur Ro-
bert Black ekki úr fangelsi fyrr en
2029, 82 tveggja ára.
Í desember var Robert Black
sakfelldur fyrir fjórða morðið.
Fórnarlambið var Jennifer Car-
dy sem var myrt á Norður-Ír-
landi 1981. Auk þeirra morða
sem Black var dæmdur fyrir er
ekki talið útilokað að hann beri
ábyrgð á fleiri morðum í Bret-
landi og Frakklandi, Hollandi,
Írlandi og Þýskalandi, sem líkj-
ast þeim sem hann var dæmdur
fyrir.
UMSJÓN: KOLBEINN ÞORSTEINSSON, kolbeinn@dv.is
66 MIÐVIKUDAGUR 30. desember 2009 SAKAMÁL
Hann fór með stúlk-
una í yfirgefna bygg-
ingu, herti að hálsi
hennar þar til hún var
við að kafna og fróaði
sér yfir hana.
Robert Black Grunaður um fjölda morða, dæmdur fyrir fjögur.
Jennifer Cardy Bættist í hóp staðfestra fórnarlamba Blacks í desember 2009.