Dagblaðið Vísir - DV - 22.01.2010, Blaðsíða 18

18 FÖSTUDAGUR 22. janúar 2010 FRÉTTIR
„Við höfum alltaf verið með alveg
hreinan skjöld og höfum alltaf stað-
ið við okkar. Því er ömurlegt að þurfa
að standa í þessu,“ segir Aron Pét-
ur Karlsson, fjárfestir og sonur Karl
Steingrímssonar, eiganda Pelsins. Þeir
feðgar eru sakaðir um að hafa beitt
blekkingum við hundruð milljóna
króna sölu húseignar.
Aron og faðir hans seldu kínverska
sendiráðinu á dögunum húseignina
við Skúlagötu 51 í Reykjavík að and-
virði 870 milljóna króna. Eignin er
skuldsett fyrir rúman milljarð króna
og það eru Arion banki, Íslandsbanki
og þrotabú Glitnis sem eiga veðin.
Bankarnir vilja meina að feðgarnir
hafi beitt blekkingum í þá veru að hafa
kynnt mun lægri sölutilboð en geng-
ið var að og þannig hafi þeir reynt að
koma hundruðum milljóna undan.
Bankarnir hafa boðað málshöfðun á
hendur Aroni og Karli en þeir hafa ver-
ið yfirheyrðir af efnahagsbrotadeild
ríkislögreglustjóra vegna meintra fjár-
svika. Húsleitir voru gerðar hjá þeim
og við þær var lagt hald á 93 milljónir
í fórum feðganna. DV birtir hér samtal
blaðamanns við Aron um málið.
Blaðamaður: Sæll og blessaður,
Aron, Trausti heiti ég og er blaðamað-
ur á DV. Hvað segir þú gott í dag?
Aron: Ég segi allt ágætt bara.
Blm: Mig langar að bera undir þig
einn lið sem hefur að gera með þessa
sölu til sendiráðsins og deilurnar við
bankana. Mér er sagt að þið hafið
fengið ráðgjöf hjá Landsbankanum og
þar hafi ykkur verið ráðlagt þetta ferli?
Aron: Nei, nei, alls ekki.
Blm: Það er alveg klárt?
Aron: Það er enginn fótur fyrir því.
Við höfum eiginlega ekkert verið í við-
skiptum við Landsbankann en það
eru alls konar sögusagnir í gangi.
Blm: Ég veit en við þurfum alltaf að
tékka á því sem okkur er bent á. Sam-
kvæmt veðsetningum er Landsbank-
inn hvergi inni.
Aron: Landsbankinn er þarna hvergi
inni. Okkar aðalviðsemjandi í málinu
er Arion banki og við tölum bara við
hann út af þessu öllu saman.
Blm: Ég veit þið hafið samt verið í við-
skiptum við Landsbankann.
Aron: Já, en það er bara pínulítið.
Blm: Og mér er sagt að inni í Nýja
Landsbankanum hafið þið fengið ráð-
gjöf.
Aron: Nei, ekki neitt.
Blm: Það er alveg klárt mál?
Aron: Já, já.
Blm: Þú myndir alveg segja mér það,
er það ekki?
Aron: Jú, jú. Það er allt upp á borðinu í
þessum viðskiptum og öllu þinglýst og
ekkert verið að fela.
Blm: En af hverju vilja bankarnir
meina það? Hvað er í gangi hjá þeim?
Aron: Sko, þetta er dálítið snúið.
Blm: En segðu mér, reynum það.
Aron: Sko, þetta er allt að gerast núna
og menn eru að ræða þetta á milli
sín. Ég veit eiginlega ekki á hvað ég á
að skrifa þetta, samskiptaleysi bank-
anna, eða hvað veldur þessari misklíð.
Blm: Þið voruð ekkert að reyna að
koma þessum sölusamningi eða þess-
ari umfram fjárhæð fram hjá bankan-
um?
Aron: Nei, nei. Það er allt uppi á borð-
inu og allt skjalfest í þessu. Það er ekki
verið að fela eitt eða neitt.
Blm: En þeir vilja meina einhvern
veginn að þessari sölufjárhæð og
þessi sala hafi aldrei komið inn á borð
til þeirra.
Aron: Málið er að það er þarna ákveð-
inn samningur, eða yfirlýsing, gefin út
af bankanum sem er gefin út á Vind-
asúlur.
Blm: Já, félag á ykkar vegum?
Aron: Já, og síðan kemur full greiðsla
til bankanna samkvæmt því.
Blm: Ókei.
Aron: Það fá allir sitt. Öll opinber
gjöld og allt svoleiðis.
Blm: En það miðast við sölu til þessa
indverska félags upp á hátt í 600 millj-
ónir?
Aron: Já.
Blm: En síðan snýr málið að því að þið
seljið þetta ekki til þessa indverska fé-
lags og alls ekki upp á þessa upphæð.
Aron: Nei, það er…
Blm: Hvernig skýrir þú það? Þessa
breytingu.
Aron: Sko, það er klausa í og það er
hluti af því sem er verið að þræta um,
hvort að einhverjum blekkingum hafi
verið beitt. Þeir fá tilboð indverska fé-
lagsins inn á borð til sín bankarnir.
Blm: Þú staðfestir það? Og það er upp
á 570 milljónir?
Aron: 575. Og þeir fá það inn á borð
til sín og þar er útgönguákvæði sem
ég má nýta mér á meðan greiðsla hef-
ur ekki borist til bankanna og þar hef
ég rétt til að ganga út úr kaupunum.
Það ákvæði nýtti ég mér til að ganga
út úr samningnum við Indverjana og
bankarnir voru meðvitaðir um þetta
ákvæði.
Blm: Þú meinar að þú hafir haft þetta
ákvæði og í því skjóli selur þú það öðr-
um?
Aron: Nei, nei. Húsið er sett inn í sér-
félag til að viðkomandi félag, þetta
indverska félag, geti yfirtekið félagið
því erlent félag má ekki yfirtaka vask-
kvaðir. Þess vegna er það sett þar inn
og líka til að hindra að á einhverjum
tíma komi fjárnám og bara til að verja
eignina.
Blm: Þannig að þetta er gert í góðri
trú og til að verja eignina að setja þetta
inn í annað félag?
Aron: Já, algjörlega.
Blm: En hvað þá með þá staðreynd að
skyndilega koma aðrir kaupendur inn
og allt önnur tala í dæmið?
Aron: Það er bara tilviljun að það ger-
ist. Ég vissi svo sem af einhverjum
áhuga en ekki endilega hver það var.
Blm: Þessi sala er tilviljun?
Aron: Sko, við erum búnir að fá inn á
borð til okkar undirskrifuð tilboð sem
við höfum tekið í haust, þrjú mismun-
andi tilboð og frá mismunandi fast-
eignasölum en síðan hefur ekki staðið
steinn yfir steini. Maður hefur sam-
þykkt í góðri trú en svo verður ekkert
úr því og ekkert skilar sér. Ég er í þeirri
stöðu að ég bara treysti ekki neinu fyrr
en það er kominn peningur.
Blm: Ókei, og það tókst í þessu tilfelli?
Aron: Já.
Blm: Og þú varst bara ánægður með
þá sölu?
Aron: Já, já. En að gefnu því að það
hafa komið þessi tilboð sem hafa ekki
staðist.
Blm: En greinduð þið bönkunum frá
þessu tilboði?
Aron: Það var ekkert í hendi þó að það
væri undirritað.
Blm: Sem þýðir að þú áttir eftir að
gera það?
Aron: Það er fyrirvari í kaupsamn-
ingnum um það að íslenska ríkið eigi
eftir að samþykkja og það liggur ekk-
ert fyrir að það sé í hendi. Það er allt
rosaóvissa.
Blm: Þannig að ef ég skil þig rétt að þá
áttir þú bara eftir að tilkynna þetta og
þú varst að bíða?
Aron: Ég var að bíða til að sjá til að
þetta væri endanlega staðfest að þetta
væri raunveruleiki, skilurðu?
Blm: Þannig að þú ætlaðir...
Aron: Á meðan ég veit ekki að þetta sé
raunveruleiki þá held ég þessu tilboði
því ég veit að þeir eru borgunarmenn
fyrir því.
Blm: Þetta indverska félag?
Aron: Já, því ég er búinn að lenda í því
áður gagnvart bankanum að það hef-
ur komið tilboð sem hefur ekki staðist
sem ég bar undir bankann og ég leit út
eins og fífl.
Blm: Já. Hvað finnst þér um þessa
framgöngu bankanna núna?
Aron: Mér finnst viðbrögðin vera of
hörð og það hefði mátt tala við okkur
áður.
Blm: Þið voruð kallaðir til yfirheyrslu,
hvað finnst þér um það?
Aron: Ég hef góða trú um að málið
leysist og öll kurl eiga nú að vera kom-
in til grafar.
Blm: Er verið að ásaka ykkur að
ósekju?
Aron: Já, það er verið að saka okkur
um hluti sem teljast bara nokkuð eðli-
leg viðskipti.
Blm: Nú eruð þið taldir grunaðir
menn að svo stöddu?
Aron: Við erum með stöðu grunaðra,
já.
Blm: Hvernig er sú upplifun?
Aron: Það er mjög óþægilegt. Þetta
hefur ekki bara áhrif á okkur báða
heldur fjölskyldur okkar líka.
Blm: Þannig að þetta er ömurleg upp-
lifun?
Aron: Hvað heldur þú? Líka að öll
gögn liggja fyrir í málinu og þeir sjá
kaupréttarákvæðið í tilboði indverska
félagsins.
Blm: En þeir sjá aldrei þennan samn-
ing? Það er það sem þeir eru fúlir yfir.
Aron: Nei, hann er heldur líka ekkert
á borðinu. Það er ekkert samþykkt.
Blm: Hann er ekki fullfrágenginn
meinarðu?
Aron: Nei, það er ekkert frágengið.
Blm: En það hlýtur að vera einhver
samningur eða tilboð?
Aron: Nei, enginn samningur og ekk-
ert tilboð komið.
Blm: En það er búið að greina frá söl-
unni.
Aron: Já, já.
Blm: Þá hljóta að vera einhverjir
pappírar til.
Aron: Já, já. Það er þinglýstur kaup-
samningur til.
Blm: Það er til þinglýstur kaupsamn-
ingur. Og lögðuð þið þann samning
inn til bankans á einhverjum tíma-
punkti eða varstu að bíða með það?
Aron: Nei, hann var ekkert lagður inn
til bankans enda lýtur það að félagi
sem var ekki skuldbundið bankanum
samkvæmt yfirlýsingu. Það var bara
Vindasúlur.
Blm: En Arion banki og Íslandsbanki
eiga kröfur í húsið upp á hátt í millj-
arð, ef ég man þetta rétt, og þið eruð
búnir að sýna þeim kauptilboð upp á
570 milljónir frá þessu indverska fé-
lagi.
Aron: Já.
Blm: Þú færir það síðan inn í annað
félag?
Aron: Já.
Blm: Þar þinglýsir þú kaupsamningi
upp á mun hærri upphæð, finnst þér
ekki eðlilegt að tilkynna bönkunum
það og setja þá inn í málið?
Aron: Sko, ég tilkynni ekkert bankan-
um það, þeir fá sína greiðslu.
Blm: Já, miðað við tilboð sem er ekk-
ert að ganga upp því þið eruð búnir
að taka öðru kauptilboði. Er það ekki
rétt?
Aron: Á tímabili er þetta þannig að
það er allsendis óvíst hvort það fáist
samþykkt.
Blm: En þú ert að greiða þeim sam-
kvæmt allt öðru tilboði sem þú hefur
sýnt þeim og þeir eru að fá greiðslu til
sín samkvæmt allt öðru kauptilboði.
Er það ekki rétt?
Aron: Nei, nei.
Blm: Miðað við hvaða samning ertu
að greiða bönkunum?
Aron: Ég er að greiða samkvæmt
samningi Vindasúlna við bankann.
Blm: Sem miðaðist við kauptilboð
þessa indverska félags, er það ekki?
Aron: Jú.
Blm: Þannig að þú ert að greiða þeim
samkvæmt samningi þar sem allt
annað kauptilboð liggur að baki, er
það ekki rétt?
Aron: Jú, jú, það er alveg rétt.
Blm: Ertu þá ekki að blekkja bankann
með neinum hætti þegar í hinu félag-
inu, sem þú hefur fært fasteignina til,
ertu að innheimta mun hærri fjárhæð
en þú hefur sýnt bankanum?
Aron: Þetta er ekki alveg svona einfalt.
Blm: Svona skil ég þetta. Er þetta ekki
rétt svona?
Aron: Ekki alveg svona sem þetta er.
Ég þyrfti að setjast yfir það því það er
alveg sér kapítuli þar sem þetta virkar
allt saman.
Blm: Er ég að skilja þetta rangt?
Aron: Já, aðeins. Ég átta mig ekki alveg
á því hvað þú ert að fara með þessu.
Sko, þeir fá bara greitt …
Blm: Samkvæmt samningi Vinda-
súlna við bankann.
Aron: Og það er staðið við allar þær
skuldbindingar. Þrætueplið núna er
hvort bankinn hafi átt tilkall til þessa.
Blm: Til þessa hærra tilboðs?
Aron: Já.
Blm: Telur þú bankann ekki eiga til-
kall til þess?
Aron: Félagið er alveg séraðili, ef þú
skilur hvað ég meina, og það er ekki
með neinar skuldbindingar gagnvart
bankanum.
Blm: Þér finnst ekkert gruggugt í
þessu?
Aron: Skuldbindingin gagnvart bank-
anum er bara að greiða samkvæmt
umsamdri upphæð sem þeir fá og
þannig er málið. Og þetta teljast eðli-
leg viðskipti.
Blm: Þér finnst ekkert skrítið að hafa
fært húseignina yfir í annað félag og
greiða ekki mismuninn til bankans?
Aron: Ef það má orða það sem svo,
þetta kallast eðlileg viðskipti gagnvart
Aron Pétur Karlsson, sonur Karls Steingrímssonar, sem oft er
kenndur við Pelsinn, hefur ekkert að fela og segir ekkert grugg-
ugt við nýlega sölu þeirra feðga á húseign. Þrír bankar telja þá
beita blekkingum og að þeir hafi reynt að koma stórfé undan.
Aron Pétur viðurkennir að 93 milljónir hafi staðið eftir hjá þeim
feðgum eftir söluna en telur að fyllilega hafi verið staðið við all-
ar skuldbindingar gagnvart bönkunum. Hann segist hafa verið
óttasleginn síðustu daga enda sé ómaklega að sér vegið.
„ÞETTA ERU EÐLILEG
VIÐSKIPTI“ Mér finnst viðbrögðin vera of hörð.
TRAUSTI HAFSTEINSSON
blaðamaður skrifar: trausti@dv.is