Dagblaðið Vísir - DV - 22.01.2010, Blaðsíða 19

FRÉTTIR 22. janúar 2010 FÖSTUDAGUR 19
Óvíða í heiminum eru refsingar harðari en
í Sádi-Arabíu. Nýlega var þrettán ára
stúlka dæmd til að þola níutíu vand-
arhögg í landinu. Ástæðan er sú að
stúlkan var með farsíma í skólan-
um, sem er ekki vel séð af stjórn-
völdum, og veitti kennara viðnám
þegar upp komst um athæfið.
HÝDD VEGNA FARSÍMA
Það kann að reynast dýrt spaug að
fara í bága við lög og reglur í Sádi-
Arabíu. Að öllu óbreyttu mun þrett-
án ára ónafngreind stúlka komast
að raun um það því hún hefur verið
dæmd til að þola níutíu vandarhögg
eftir að upp komst að hún var með
farsíma í skólanum. Refsinguna mun
stúlkan þurfa að taka út fyrir fram-
an skólasyskin sín. Að auki dæmdi
dómstóll í borginni Jubail, sem er
í austurhluta landsins, stúlkuna til
tveggja mánaða fangelsisvistar.
Á vefsíðu Daily Mail er vitnað í
sádiarabískt dagblað, Al-Watan, þar
sem segir að stúlkan hafi ráðist á
skólastýruna eftir að upp komst um
athæfi hennar. Mannréttindasamtök
víða um heim hafa harðlega fordæmt
hýðingar, en þannig refsing er algeng
í Sádi-Arabíu, og samkvæmt Daily
Mail voru sextán skólabörn á aldr-
inum 12 til 18 ára dæmd til að þola
á milli 300 og 500 vandarhögg vegna
herskárrar hegðunar í garð kennara.
Beitt vegna ýmissa brota
Í Sádi-Arabíu eru í gildi sharia-lög
og samkvæmt þeim er hýðingu beitt
sem refsingu við ýmsum siðferðis-
brotum, til dæmis hjúskaparbrotum
og ef einstaklingur er einn í félgsskap
óskdrar manneskju af gagnstæðu
kyni. En dómarar geta að auki, ef
þeim sýnist svo, notað hýðingu sem
valkost gagnvart annarri refsingu eða
sem viðbót við aðrar refsingar.
Í Al-Watan sagði að dómstóllinn
í Jubail hefði úrskurðað að tveggja
mánaða fangelsisvist stúlkunnar
skyldi hefjast strax að lokinni hýð-
ingu.
Algjört konungsveldi
Sádi-Arabía er eitt nánasta banda-
lagsríki Bandaríkjamanna í Miðaust-
urlöndum og lýtur stjórn Al-Saud
ættarinnar undir forsvari Abdullahs
konungs. Abdullah hefur, síðan hann
tók við krúnunni árið 2005, beitt sér
fyrir ýmsum endurbótum en að sögn
vestrænna sendifulltrúa hafa bæði
klerkar og prinsar innan ættarinnar
verið honum Þrándur í götu.
Kvikmyndasýningar og tónleika-
hald er með öllu bannað í Sádi-Ar-
abíu og ekki er með öllu óþekkt að
veitingastaðir og jafnvel verslun-
armiðstöðvar sinni eingöngu fjöl-
skyldufólki. Trúarlögreglan reikar
um götur og gætir þess að óskyldir
karlmenn og kvenmenn blandi ekki
geði.
Dauðarefsing og
líkamleg refsing
Réttarkerfi í Sádi-Arabíu fyrirskipar
dauðarefsingu eða líkamlegar refs-
ingar, þar á meðal aflimun handa og
fóta, vegna glæpa á borð við morð,
rán, nauðgun, eiturlyfjasmygl, sam-
kynhneigð og hjúskaparbrot.
Dómstólar geta mælst til væg-
ari refsinga, eins og hýðingar fyrir
brot sem teljast ekki eins alvarleg og
fyrrnefnd brot, og varða siðferði al-
mennings, eins og til dæmis drykkju.
Í glæpum sem varða morð, dauða
vegna slysfara eða líkamsmeiðingar
getur fjölskylda fórnarlambsins haft
áhrif á refsingu. Fjölskyldan getur
farið fram á makleg málagjöld í ein-
hverri mynd eða krafist „blóðpen-
inga“. Reglan er varðar slíkar skaða-
bætur er sú að bætur fyrir konu eða
kristinn karlmann er helmingur
þeirra bóta sem fást fyrir múslimsk-
an karlmann. Allir aðrir, hindúar,
búddistar og síkar, eru metnir sem
samsvarar 1/16 hluta þess sem fæst
fyrir múslimskan karlmann.
Opinberar aftökur
og krossfestingar
Svonefnd „sæmdardráp“ eru ekki lit-
in jafnalvarlegum augum og önnur
morð og viðurlög vegna þeirra eru
því ekki eins alvarleg, hugsanlega
vegna þess að sæmdardráp eiga sér
stað innan vébanda fjölskyldunn-
ar og litið á þau sem réttlæti vegna
sæmdarbrots.
Hvergi í heiminum eru refsingar
á borð við hýðingar, afhöfðanir og
opinberar krossfestingar jafnalgeng-
ar og í Sádi-Arabíu. Árið 2009 voru
framkvæmdar tvær krossfestingar
á almannafæri og í september voru
tuttugu táningar sem fóru ránshendi
um verslanir og veitingastaði hýdd-
ir opinberlega og fengu að minnsta
kosti þrjátíu vandarhögg hver.
Alþjóðleg mannréttindasamtök
hafa sakað stjórnvöld í Sádi-Arabíu
um að beita forneskjulegum refsing-
um og grimmilegum, en á síðasta ári
voru um fjörutíu manns teknir af lífi
í konungsríkinu.
Réttarkerfi í Sádi-Arabíu fyrirskipar
dauðarefsingu eða lík-
amlega refsingu, þar á
meðal aflimun handa og
fóta, fyrir glæpi á borð
við morð, rán, nauðgun,
eiturlyfjasmygl, samkyn-
hneigð og hjúskaparbrot.
Höfuðborg: Riyadh
Opinbert tungumál: arabíska
Þjóðerni: Sádi-Arabar
Stjórnarfar: Íslamskt konungsveldi
Konungur: Abdullah bin Abdul Aziz
Stærð: 2.149.690: ferkílómetrar
Íbúafjöldi: 28.686.633
Sádi-Arabía
n Í nóvember 2009 var fullnægt
dómsúrskurði dómstóls í Sádi-Arabíu
um að hálshöggva og krossfesta
22 ára karlmann sem hafði verið
sakfelldur fyrir að hafa nauðgað
fimm börnum og skilið eitt þeirra
eftir í eyðimörk ofurselt dauðanum.
Maðurinn hafði verið handtekinn
fyrr um árið eftir vísbendingar frá sjö
ára dreng. Samkvæmt sádiarabíska
dagblaðinu Okaz var barnið sem
skilið var eftir úti í eyðimörkinni
aðeins þriggja ára.
Krossfesting í Sádi-Arabíu fer þannig
fram að líkami hins dæmda er
bundinn á viðarbjálka og hafður
til sýnis eftir að hann hefur verið
hálshöggvinn.
Krossfesting í
Sádi-Arabíu
KOLBEINN ÞORSTEINSSON
blaðamaður skrifar: kolbeinn@dv.is
Abdullah
konunungur
Hefur komið á
umbótum síðan
hann tók við
veldissprotanum.
Hýðing í Sádi-Arabíu Telst væg
refsing í Sádi-Arabíu en er fordæmd
af mannréttindasamtökum.
„ÞETTA ERU EÐLILEG
VIÐSKIPTI“ bönkunum í dag að eignir séu settar inn í önnur félög og þau séu keypt af sömu aðilum þegar verið er að semja um skuldir. Þetta er bara samkvæmt vinnureglum bankanna. Blm: Þetta eru eðlilegar vinnureglur?Aron: Já, ég veit ekki betur en þetta sé stundað úti um allt núna þegar allur
markaðurinn er í krísu og verið er að
semja um skuldir.
Blm: Hvernig upplifðir þú þessar yfir-
heyrslur?
Aron: Það er náttúrlega bara verið að
fá einhvern botn í málið.
Blm: Nú hef ég aldrei farið í svona yfir-
heyrslu, hvernig var að fara í svona yf-
irheyrslu?
Aron: Það er mjög skrítin reynsla.
Maður veit ekki alveg hvað er verið að
spyrja um og alls konar hlutir bornir
undir mann.
Blm: Varstu óttasleginn við þessar að-
stæður?
Aron: Það er náttúrlega eðlilegt að
maður sé það enda maður borinn
þungum ásökunum.
Blm: Þannig að þú upplifðir hræðslu í
þessu ferli og þessa daga?
Aron: Já, ég geri það því það er að mér
vegið. Það er mjög óþægilegt.
Blm: Hvað með, ég las það einhvers
staðar að lagt hefði verið hald á 93
milljónir af ykkur feðgum.
Aron: Það er bara það sem eftir stend-
ur.
Blm: Eftir stendur af mismuninum?
Aron: Það er það sem kom út úr þess-
ari sölu.
Blm: Það eru 93 milljónir í hagnað fyr-
ir ykkur?
Aron: Ég get ekki alveg talað um hagn-
að því það er stórtap á fasteigninni.
Blm: Já, á fasteigninni en það stendur
eftir hinum megin hjá bönkunum.
Aron: Þetta stendur eftir og þetta er
þrætueplið.
Blm: Hvert var söluverðið?
Aron: Það var sjö milljónir dollara.
Blm: Þetta eru um það bil 870 millj-
ónir.
Aron: Já, eitthvað nálægt því.
Blm: Þannig að þetta eru 300 sem eru
þarna á milli.
Aron: Bankinn er að fá ígildi 790 millj-
óna með þessu tilboði frá Indverjun-
um.
Blm: Hvað þýðir ígildi?
Aron: Út af því að það er yfirtekin
vaskkvöð sem er borguð upp til við-
bótar.
Blm: Sem indverska félagið skuld-
bindur sig til samkvæmt þessum
samningi?
Aron: Já.
Blm: Eru þetta bein opinber gjöld?
Aron: Þetta eru bein opinber gjöld
sem greiðast miðað við hvaða starf-
semi kemur í húsið og það fer til ríkis-
ins. Ef að eignin hefði farið á uppboð,
það er margbúið að bjóða bönkunum
að taka við afsali, þá hefði bankinn
þurft að greiða þessa vaskkvöð og það
hefði dregist frá uppboðsverðinu. Síð-
an voru þarna ógreidd fasteignagjöld
og það eru ógreiddar tryggingar og
sölulaun. Þau eru öll greidd.
Blm: En þetta miðast væntanlega allt
við tilboð Indverjanna, er það ekki?
Aron: Jú, jú.
Blm: Þannig að það sem stendur eftir
fyrir ykkur eru þessar 93?
Aron: 93 standa eftir.
Blm: Það stendur eftir fyrir ykkur.
Aron: Þannig að 300 milljónir eru al-
gjör fjarstæða sem menn eru að tala
um.
Blm: Já, menn eru að tala um það.
Aron: Já.
Blm: Þannig að þetta eru bara 93 sem
eru eftir?
Aron: Þetta eru bara 93 sem standa
þarna eftir. Heyrðu, þú verður að af-
saka mig en ég er orðinn of seinn á
fund.
Blm: Ekki málið. Bara ein lokaspurn-
ing, þér finnst ekkert gruggugt í ferlinu
hjá ykkur feðgum?
Aron: Nei.