Dagblaðið Vísir - DV - 22.02.2010, Blaðsíða 16

16 MÁNUDAGUR 22. febrúar 2010 FRÉTTIR
Haig látinn
Alexander Haig, fyrrverandi utan-
ríkisráðherra Bandaríkjanna, lést á
laugardaginn, 85 ára að aldri. Haig
starfaði í ríkisstjórn þriggja forseta;
Richards Nixon, Geralds Ford og
Ronalds Reagan.
Alexander Haig var lagður inn á
John Hopkins-sjúkrahúsið í Balti-
more í Maryland 28. janúar og and-
aðist þar.
Haig tók þátt í Kóreustríðinu og
Víetnamstríðinu og hlaut fjölda við-
urkenninga fyrir. Hann reyndi án
árangurs að hljóta útnefningu sem
forsetaefni repúblikana í forseta-
kosningunum 1988.
Mannskæðar
aurskriður
Fjörutíu manns hið fæsta fórust og
á annað hundrað manns slösuðust
í aurskriðum á portúgölsku eyjunni
Maderia um helgina. Pedro Barbosa
hjá almannavörnum sagði í viðtali
við CNN að einhverra væri saknað
en ekki væri vitað um fjölda þeirra.
Um 250 manns voru flutt á her-
stöðvar og aðra örugga staði en ekki
hefur verið hægt að komast á alla
staði þar sem brýr hafa hrunið. Aur-
skriðurnar voru afleiðing gríðarmik-
ils úrhellis og tjónið varð á aðeins
örfáum klukkustundum á laugar-
dagsmorgni.
Karzai er
„leikbrúða“
Talibanar í Afganistan hafa hafnað
síðasta ákalli Hamids Karzai forseta
um frið, þrátt fyrir þunga sókn herja
Atlantshafsbandalagsins undanfar-
ið og að næstæðsti leiðtogi talibana
hafi verið tekinn höndum.
Í janúar fékk Karzai stuðning frá
þeim þjóðum sem eiga her í Afgan-
istan við fyrirætlanir hans um frið-
arviðræður við þá uppreisnarmenn
sem reiðubúnir séu til að snúa baki
við ofbeldi. Einnig var heitið milljón-
um bandaríkjadala til að hvetja bar-
dagamenn til að leggja niður vopn.
Talibanar hafa ítrekað hafnað
friðartilboðum Karzais og segja að
erlendir herir eigi að yfirgefa landið
og að Karzai sé „leikbrúða“.
Fundur Obama og Dalai Lama vekur „megna óánægju“:
FUNDUR Í ÓÞÖKK KÍNVERJA
Kínversk yfirvöld kölluðu sendiherra
Bandaríkjanna í Kína á sinn fund fyrir
helgi til að lýsa yfir „megnri óánægju“
vegna fundar Baracks Obama Banda-
ríkjaforseta og Dalai Lama, sem átti
sér stað á fimmtudaginn.
Ekki hefur verið upplýst af hálfu
Kínverja hvað nákvæmlega var rætt
á fundi Jon Huntsman, bandaríska
sendiherrans, og embættismanna í
kínverska utanríkisráðuneytinu, en
kínversk stjórnvöld höfðu áður varað
við því að með fundi Obama og hins
útlæga andlega leiðtoga Tíbeta væri
stefnt í voða sambandi Bandaríkj-
anna og Kína.
„Kínverjar lýsa yfir megnri
óánægju með, og staðfastri andstöðu
við þennan fund,“ sagði talsmað-
ur kínverska utanríkisráðuneytisins
í yfirlýsingu í kjölfar fundar Obama
og Dalai Lama, sem fór fram í Hvíta
húsinu.
Talsmaðurinn sagði að kínversk
stjórnvöld bæðu þess að Bandaríkin
íhuguðu alvarlega afstöðu Kínverja,
og grípi tafarlaust til aðgerða til að
þurrka út neikvæð áhrif fundarins og
„hætti að makka með og styðja and-
kínversk aðskilnaðaröfl“.
Samkvæmt upplýsingum frá
bandaríska sendiráðinu í Kína sagði
Jon Huntsman við kínverska emb-
ættismenn að nú væri tími til að
horfa til framtíðar og „vinna saman á
þann hátt að báðar þjóðirnar, heims-
hlutinn og heimurinn allur njóti
góðs af“.
Andað- hefur köldu í samskiptum
Bandaríkjanna og Kína undanfarið
og talið fullvíst að fundurinn muni
flækja málin enn frekar.
Teiknað í snjóinn
Dalai Lama fyrir utan
Hvíta húsið. MYND AFP
Írsk og bresk stjórnvöld eru ekki sátt við
meinta aðild ísraelskra yfirvalda að morð-
inu á Mahmoud al-Mabhouh og fölsun
evrópskra vegabréfa. Utanríkisráðherrar
Bretlands og Írlands hyggjast leita svara
hjá ísraelskum starfsbróður sínum í dag.
Avigdor Lieberman, utanríkisráð-
herra Ísraels, má vænta erfiðra spurn-
inga frá breskum og írskum starfs-
bræðrum sínum í Brussel í dag.
Ástæðan er meint notkun ísraelskra
yfirvalda á fölsuðum evrópskum
vegabréfum við drápið á Mahmoud
al-Mabhouh, stjórnanda úr röðum
Hamas-samtakanna, í Dúbaí 19. jan-
úar.
Avogdor Lieberman mun hitta
David Miliband utanríkisráðherra
Bretlands og Micheál Martin utan-
ríkisráðherra Írlands á hliðarlínunni
á fundi forsætisráðherra Evrópusam-
bandslandanna og má gera ráð fyrir
að Miliband og Martin muni krefjast
svara um hver aðild ísraelskra yfir-
valda kunni að vera að fölsun vega-
bréfanna og launmorðinu á al-Mab-
houh.
Neita að tjá sig
Í anda stefnu sem einkennist af tví-
ræðni hvað varðar viðkvæm málefni
á borð við pólitískar aftökur hafa ís-
raelsk stjórnvöld neitað að tjá sig um
morðið á Mahmoud al-Mabhouh
sem átti sér stað þann 19. janúar á
hótelherberi í Dúbaí. Ísraelsk stjórn-
völd hafa aukinheldur neitað að tjá
sig um fölsuðu vegabréfin.
Lögreglan í Dúbaí segist gruna ís-
raelska útsendara um morðið og hef-
ur birt upplýsingar um ellefu manns
sem ferðuðust með bresk, írsk, frönsk
og þýsk vegabréf í fórum sínum og
lögreglan telur að hafi átt hlut að máli.
Nokkuð af þessu fólki hefur neit-
að aðild að morðinu og að hafa nokk-
urn tímann komið til Dúbaí. Því hefur
vaknað sá grunur að Mossad-leyni-
þjónustan ísraelska hafi afritað vega-
bréfin og breytt þeim svo launmorð-
ingjunum yrði kleift að ferðast til
Sameinuðu arabísku furstadæmanna
og myrða Mahmoud al-Mabhouh.
Fátt um svör
Bresk og írsk stjórnvöld kölluðu sendi-
herra Ísraels á sinn fund í síðustu viku
til viðræðna um málið en frekar fátt
varð um svör sem gætu varpað ljósi
á málið og sagði sendiherrann, Ron
Prosor, að honum „væri ómögulegt að
veita aðstoð“ hvað varðaði frekari út-
skýringar.
David Miliband hefur hvatt Ísraela
til samvinnu með tilliti til rannsókn-
ar breskra yfirvalda á fölsuðu vega-
bréfunum, en erfitt er að fullyrða um
hvort tekst að varpa einhverju ljósi á
málið á fundi utanríkisráðherranna
í dag. Lieberman sagði í síðustu viku
að engin ástæða væri til að ætla að
Mossad ætti nokkra aðild að morðinu
á Mahmoud al-Mabhouh.
Slæmt samband
Það hefur hvílt skuggi yfir sambandi
Ísraels og Bretlands vegna hótun-
ar breskra yfirvalda um að handtaka
háttsetta ísraelska embættismenn
vegna meintra stríðsglæpa.
Fyrrverandi utanríkisráðherra Ís-
raels, Tzipi Livni, frestaði för til Lund-
úna í desember eftir að þarlendir fjöl-
miðlar birtu þau tíðindi að búið væri
að gefa út handtökuheimild á hana
vegna ásakana um stríðsglæpi í stríð-
inu á Gaza um áramótin 2008/2009.
Samkvæmt skýrslu Sameinuðu
þjóðanna gerðust bæði ísraelskir her-
menn og Hamas-liðar sekir um stríðs-
glæpi í stríðinu sem kostaði tæplega
1.400 Palestínumenn og þrettán Ísra-
ela lífið.
Frönsk og þýsk stjórnvöld hafa
einnig krafið Ísraela skýringa um
morðið á Mahmoud al-Mabhouh en
Hebreska orðið Mossad merkir „stofnun“.
VERKEFNI MOSSAD:
n Söfnun leyniupplýsinga utan landamæra
ríkisins
n Að koma í veg fyrir þróun óhefðbundinna
vopna af hálfu óvinaríkja
n Að koma í veg fyrir hryðjuverk gegn
ísraelskum skotmörkum erlendis
n Að koma á og viðhalda sérstökum diplómat-
ískum og öðrum leyndum samböndum
n Að ná gyðingum heim frá löndum þar sem
ísraelska útlendingaeftirlitið má ekki koma að
málum
n Skipuleggja og framkvæma sérstakar
aðgerðir utan Ísraels
n Yfirmaður Mossad er Meir Dagan, fyrrverandi herforingi
n Fyrsti forsætisráðherra Ísraels, David Ben-Gurion, heimilaði stofnun Mossad
í desember 1949, nítján mánuðum eftir að Ísrael lýsti yfir sjálfstæði. Stofnunin
heyrir undir forsætisráðuneytið.
Mossad-leyniþjónustan
Dagan Meir, yfirmaður Mossad
KOLBEINN ÞORSTEINSSON
blaðamaður skrifar: kolbeinn@dv.is
ÍSRAELAR KRAFÐIR SVARA
Lieberman sagði í síðustu viku að
engin ástæða væri til
að ætla að Mossad ætti
nokkra aðild að morðinu
á Mahmoud al-Mabhouh.
Úr öryggismyndavél hótelsins
í Dúbaí Mahmoud al-Mabhouh
skráir sig inn. MYND AFP