Dagblaðið Vísir - DV - 22.02.2010, Blaðsíða 20
AUKATÓNLEIKAR Á PRESLEY
Aukatónleikar á Elvis Presley - Í 75 ár verða haldnir í
Salnum í Kópavogi miðvikudaginn 24. febrúar af því
tilefni að kóngurinn hefði orðið 75 ára á þessu ári. Það
er Eurovisionsöngvarinn Friðrik Ómar sem verður í
fararbroddi á flutningi vinsælustu laga rokkkóngsins.
Hægt er að nálgast miða á www.midi.is og hefjast
tónleikarnir klukkan 20:30.
Á MÁNUDEGI
20 MÁNUDAGUR 22. febrúar 2010 FÓKUS
VÍKINGUR HEIÐAR
SPILAR CHOPIN
Píanósnillingurinn Víkingur Heiðar
Kristjánsson leikur fyrri píanókons-
ert Chopins í fyrsta sinn fimmtudag-
inn 25. febrúar í Háskólabíó með
Sinfóníuhljómsveit Íslands. Tilefnið
eru 200 ára afmæli Chopins og eru
tónleikarnir hluti af rauðri tónleika-
röð. Víkingur hefur verið að gera það
afar gott og á eflaust eftir að snerta
marga strengi í hjörtum áheyrenda.
Tónleikarnir hefjast klukkan 19.30
og fást miðar á midi.is
ÚTVARPSLEIKRIT
EFTIR ANDRA
SNÆ
Á sunnudaginn næsta verður flutt
útvarpsleikritið Hlauptu náttúru-
barn eftir Andra Snæ Magnason.
Leikritið fjallar um par sem rænir
konu og hyggst bjarga henni frá
því að vera firrtur borgarmaðkur.
Þau ferðast með hana um land-
ið með tónlist Jóns Leifs í botni
og flytja henni ættjarðarþrung-
in ljóð. Margt fer svo öðruvísi en
ætlað var. Flutningurinn hefst
klukkan 14 á Rás 1.
HARMUR ENGL-
ANNA Í KILJU
Harmur englanna eftir Jón Kalm-
an Stefánsson er komin út í kilju frá
bókaforlaginu Bjarti. Bókin er sjálf-
stætt framhald bókarinnar Himna-
ríkis og helvítis sem kom út árið
2007 og fékk lof gagnrýnenda. Jón
Kalman hefur þrisvar verið tilnefnd-
ur til Bókmenntaverðlauna Norð-
urlandaráðs og hlaut Íslensku bók-
menntaverðlaunin árið 2005.
Sigur heillar þjóðar
Myndin Ivictus er byggðá bókinni
Playing The Enemy eftir John Carlin.
Hún fjallar um Nelson Mandela eftir
aðhann var kjörinn forseti Suður-Afr-
íku 1994 og afskipti hans af landslið-
inu í rúgbí sem varð heimsmeistari á
heimavelli ári síðar.
Mandela er leikinn af gamla brýn-
inu Morgan Freeman sem er frábær
eins og endra nær. Hitt aðalhlutverk
myndarinnar leikur svo Matt Damon.
Hann fer með hlutverk Francois Pi-
enaar, fyrirliða landsliðins. Það er svo
sjálfur Clint Eastwood sem leikstýrir.
Sagan, sem er sannsöguleg, segir
frá því hvernig Mandela hafð áhrif á
liðið og sérstaklega fyrirliða þess, Pi-
enaar. Veitti honum og þannig þjóð-
inni innblástur þegar hún var sundur-
tætt eftir áratugalanga baráttu hvítra
og svartra í landinu. Þar sem aðskiln-
aðarstefnan hafði leikið landið grátt.
Það sem er fyrst og fremst áhuga-
vert í þessari mynd er Mandela sjálfur.
Þessi hugsjónamaður sem var fang-
elsaður í 27 ár fyrir baráttu sína gegn
ranglæti. En í stað þess að fyllast reiði
og hatri reis hann yfir það og varð ein-
hver mesti boðberi friðar og jafnréttis
sem mannkynið hefur átt.
Í myndinni blandast svo saman
þetta ótrúlega ferðalag landsliðins og
hugsjónir Mandela. Eastwood, sem
hefur sannað sig sem einn sá besti í
bransanum, segir söguna vel en fer
á köflum yfir strikið í dramatíkinni.
Freeman er sem fyrr segir frábær og
Matt Damon er sömuleiðs fínn. Hann
hefur allavega aldrei verið eins mass-
aður. Enda eru bæði Freeman og
Dam on tilnefndir til óskarsverðauna
fyrir leik sinn. En ef það væri ekki fyr-
ir þá staðeynd að sagan sé sönn væri
þetta óttaleg froða.
Þssi saga minnir okkur á það
hversu öflugur mannshugurinn get-
ur verið sé honum rétt beitt og á sam-
einingarkraft íþrótta. Sigur íþrótta er
hreinn og fallegur og getur sameinað
mestu óvini. Jafnvel þótt það sé bara í
smástund.
Ásgeir Jónsson
INVICTUS
Leikstjórn: Clint Eastwood
Aðalhlutverk: Morgan Freeman, Matt
Damon
KVIKMYNDIR
Invictus Eastwood leik-
stýrir Damon og Freeman.
Tommy og Sam Cahill eru töluvert ólíkir bræður. Við fylgjumst með Tommy losna
úr fangelsi meðan Sam fer til Af-
ganistan að sinna herþjónustu.
Tommy er iðjuleysingi og vand-
ræðagosi en Sam er pabbastrák-
ur sem hefur fetað slóð föður síns
í bandaríska hernum og komið sér
upp fallegri fjölskyldu. Þeir eru
samt alltaf góðir bræður þrátt fyrir
að vera mismetnir innan fjölskyld-
unnar. Þegar Grace, eiginkona og
barnsmóðir Sams, er tilkynnt að
maður hennar hafi látist breytast
hlutirnir snögglega. Tommy sér
skyldu sína í því að hjálpa ekkju
bróður síns myndarlega við upp-
eldi og heimilishald. Það hefur
mikil áhrif á líf þeirra Grace, hjálp-
ar þeim að eiga við missinn en
gengur ef til vill of langt.
Brothers er endurgerð á Brödre,
hinni margverðlaunuðu dönsku
mynd Susanne Bier frá því 2004. Sú
mynd var meira í ætt við dogma-
myndirnar en að öðru leyti eru þær
svipaðar í grunninn. Myndin seg-
ir góða sögu vel og áhrifin magn-
ast eftir því sem líður á. Myndin
er sterkust í sambandi bræðranna
sem eiga ósnertanlega vináttu sem
rís yfir það hversu ólíkir þeir eru.
Það er vel valið í hlutverkin þar og
birtast þeir mjög sannfærandi sem
bræður, útlitslega séð sem og ann-
að. Maður kemst fljótt að því að
Tommy er engin fáviti þótt hann
hafi farið út af sporinu og oft á tíð-
um birtist sjálfstæði hans og rétt-
lætiskennd sterkar en Sams. Mynd-
in er vel gerð og vel leikin. Sam
Shepard leikur pabba bræðranna
frábærlega sem lítið ræðinn harð-
jaxl sem tæplega hefur gert upp við
áhrifin af veru sinni í Vietnam.
Dætur Sams leika lygilega vel,
sérstaklega eldri stelpan Isabella
og samspilið milli þeirra er frá-
bært. Þetta ætti ekki að koma á
óvart, snilldarleik-
stjórinn Jim Sherid-
an gerði My left foot
og In the Name of
the Father en vissu-
lega líka hörmung á
borð við ræpuræmuna
Get Rich or die Try-
in´. Hér getur maður
sett út á síendurtek-
ið stefið sem verður
fljótt pirrandi og eftir
að hafa séð rosalegar
stríðssenurnar í Hurt
Locker getur maður
gagnrýnt þær sem hér
birtast. Þetta eru samt
ekki alvarlegir hnökr-
ar. Frekar þá hvernig
tiplað er á ýmsum at-
riðum sem skipta öllu
við skynjun á niður-
stöðu myndarinnar. Það er stund-
um ekki kafað nóg í þungavigtar-
pælingar og karaktera.
Eins og samband Tommys og
dóttur bróður hans sem eiga það
sameiginlegt að vera minna elsk-
aða systkinið. Þetta gerir einnig að
maður nær ekki að tengja við sum-
ar persónur og sýnir þeim þar af
leiðandi ekki tilhlýðilega samúð.
En þetta er ekki gegnumgangandi,
til dæmis er hún rosaleg tilkynn-
ingin um dauða Sams og henni er
fylgt eftir í smáatriðum sem skyldi.
Myndin sýnir einnig eftirstríðs-
heilkennin (post-traumatic stress
disorder) á frábæran hátt þar sem
hún birtist í öllu sínu geðveikislega
veldi, útliti og hegðun. Hún sýn-
ir frábærlega hvernig stríðið held-
ur áfram innra með hermanninum
þótt hann hafi yfirgefið vígvöllinn.
Hvernig það er að koma til baka en
vera aldrei kominn því stríðið hef-
ur fylgt þér heim.
Erpur Eyvindarson
HERMANNS
INNRI ORRUSTUR
BROTHERS
Leikstjórn: Jim Sheridan
Aðalhlutverk: Tobey Maguire, Jake
Gyllenhaal, Natalie Portman, Sam Shepard
KVIKMYNDIR
Bræður Hörkugóð mynd
með afbragðsleikurum.