Dagblaðið Vísir - DV - 30.04.2010, Blaðsíða 2

„SVO HRÆÐILEGA SORGLEGT“
n Fjögur ungmenni lentu
í hræðilegu bílslysi við
Mánatorg á Suðurnesjum
síðastliðinn laugardags-
morgun. Tveimur vinkon-
um sem voru í bílnum, Unni Lilju
og Lenu Margréti Hinriksdóttur, var
haldið í öndunarvél eftir slysið en
þær létust á laugardaginn. Þriðja
stúlkan í bílnum liggur enn þungt
haldin á Landspítalanum. Ökumað-
urinn, sem grunaður er um ölvun við
akstur, slapp ómeiddur en hann var
sá eini sem var í bílbelti. Í viðtali við
DV á miðvikudaginn sagðist Stefán
Sigurður Snæbjörnsson, faðir Unnar
Lilju, hafa náð að kveðja dóttur sína
áður en hún lést.

MILLJÓNIR TIL STOFU
EIGINMANNSINS
n Steinunn Valdís Óskarsdóttir,
þingmaður Samfylkingarinnar,
lét þrjár milljónir króna af
hendi til auglýsingastofunnar EnnEmm í
prófkjörum sínum árið 2006. Milljónirnar
voru vegna hönnunar sem var meðal
annars í höndum eiginmanns hennar,
Ólafs Haraldssonar, hönnuðar hjá
auglýsingastofunni. Í tveimur prófkjörum
árið 2006 fékk Steinunn Valdís hátt í 13
milljónir í styrki, bæði frá bönkum og
einkafyrirtækjum. Hart hefur verið deilt
á hana fyrir að þiggja styrkina og hávær
krafa hefur verið uppi um að hún segði
af sér síðustu daga.

STÓRSKULDUGUR RÚMFATAKÓNGUR
n Jákup á Dul Jacobsen, stofnandi
og einn aðaleigenda Rúmfatalag-
ersins, skuldaði rétt tæpa áttatíu
milljarða íslenskra króna
við fall bankanna síðla árs
2008. Skuldirnar lágu í níu
félögum tengdum Fær-
eyingnum duglega sem
samanlagt skulduðu 470 milljónir
evra í viðskiptabönkunum þremur,
Glitni, Kaupþingi og Landsbank-
anum. Þetta kemur fram í skýrslu
rannsóknarnefndar Alþingis þar
sem fjallað er sérstaklega um útlán
stóru bankanna þriggja. Þar sést að
lánin fóru vaxandi frá árinu 2005 og
náðu hátindi í lok september 2008,
dögum fyrir sjálft bankahrunið.
Mest fengu fyrirtæki Jákups lánað
hjá Kaupþingi en þar fóru lánin yfir
300 milljónir evra þegar hæst var.
Það jafngildir yfir 50 milljörðum
króna. Landsbankinn var ekki langt á eftir því við bankahrunið voru lánin
þar innandyra rúmar 250 milljónir evra, eða rúmir 42 milljarðar króna.
Jákup er fluttur til Kína ásamt fjölskyldu sinni.
2 FÖSTUDAGUR 30. apríl 2010 FRÉTTIR
ÞESSAR FRÉTTIR BAR HÆST Í VIKUNNI
ÞETTA HELST Jón Ásgeir Jóhannesson og Ingibjörg
Pálmadóttir ætla til Los Angeles með Stöð 2 í maí til að velja
sjónvarpsþætti fyrir stöðina. Ari Edwald, forstjóri 365, og Pálmi
Guðmundsson, sjónvarpsstjóri Stöðvar 2, fara einnig með.
HITT MÁLIÐ
www.airfree.com • www.eirberg.is • 569 3100 • Stórhöfða 25
Airfree lofthreinsitækið
• Byggir á nýrri tækni sem eyðir
ryki, frjókornum og gæludýraflösu
• Eyðir ólykt, bakteríum, vírusum, myglu og öðrum örverum
• Er hljóðlaust og viðhaldsfrítt – tilvalið í svefnherbergið og á skrifstofuna
Betra
loft
betri
líðan
Jón Ásgeir Jóhannesson og Ingi-
björg Pálmadóttir, aðaleigandi 365
og stjórnarformaður, ætla að skella
sér til Los Angeles í maí ásamt
helstu starfsmönnum Stöðvar 2 til
að horfa á og velja nýja sjónvarps-
þætti fyrir stöðina. Uppákoman í
Los Angeles kallast LA Screenings
og gengur út á það að stóru stúdíóin
þar í borg sýna viðskiptavinum sín-
um sýnishorn af nýjum þáttaseríum
sem þau hafa til sölu. LA Screenings
fer fram dagana 18. til 28. maí og er
þetta í fjórtánda skipti sem uppá-
koman er haldin.
LA Screenings gengur þannig fyr-
ir sig að gestirnir sitja í heilan dag í
senn hjá fyrirtækjum eins og Uni-
versal og Fox og horfa út í eitt á sjón-
varpsefni sem þeir mögulega vilja
kaupa. Fulltrúar frá sjónvarpsstöðv-
um hvaðanæva úr heiminum mæta
á uppákomuna í Los Angeles til að
velja sér efni og mun einnig fara fólk
frá RÚV og Skjánum sem og auð-
vitað starfsmenn helstu sjónvarps-
stöðva á Norðurlöndunum. Á kvöld-
in hittast svo allir gestirnir í veislum
og á uppákomum sem haldnar eru í
tengslum við atburðinn.
Ari og Pálmi fara líka
Með Jóni Ásgeiri og Ingibjörgu fara
þau Ari Edwald, forstjóri fjölmiðla-
fyrirtækisins, og Pálmi Guðmunds-
son, sjónvarpsstjóri Stöðvar 2, en
þeirra för á hátíðina í Los Angeles er
kannski skiljanlegri en þeirra hjóna
Jóns Ásgeirs og Ingibjargar. Dag-
skrárstjóri 365, Skarphéðinn Guð-
mundsson, fer hins vegar ekki með
samkvæmt heimildum DV.
Alla jafna eru það sjónvarpsstöðv-
arnar sjálfar sem greiða allan kostn-
að af þátttöku sinni í LA Screenings.
Venjan er að einn starfsmaður eða
jafnvel tveir fari frá hverri stöð en
Stöð 2 virðist ætla að senda fleiri á
sínum vegum í ár. RÚV og Skjárinn
greiða fyrir þá sem fara á LA Screen-
ings á vegum sjónvarpsstöðvanna.
Nöfn Jóns Ásgeirs, Ingibjargar,
Ara og Pálma eru meðal þeirra nafna
sem koma fyrir í tölvupóstum á milli
norrænna og íslenskra sjónvarps-
stöðva þar sem verið er að skipu-
leggja ferðina til Los Angeles og dag-
skrána þar. DV hefur tölvupóstana
undir höndum.
Hugsanlegt að Jón
Ásgeir fari sem maki
Ari Edwald, forstjóri 365, segir að-
spurður að hann ætli að fara á LA
Screenings í fyrsta skipti í ár. Að-
spurður hvort Jón Ásgeir og Ingi-
björg fari með starfsmönnum 365
segir Ari að vel geti verið að Ingibjörg
fari með 365 á LA Screenings, hann
svarar því hins vegar ekki beint varð-
andi Jón Ásgeir. „Já, ég geri ráð fyrir
því að ég fari með. Ég hef aldrei farið
áður á þessa messu í Los Angeles þó
að það hafi staðið til í nokkur ár... Það
getur vel verið að Ingibjörg fari með
okkur enda er hún stjórnarformaður
félagsins,“ segir Ari.
Aðspurður hvort Jón Ásgeir fari þá
ekki líka segir Ari: „Ég get ekki svarað
því á þessu stigi hvort hann fari með
sem maki. Það er bara ekki búið að
ákveða það. Ég vil ekkert úttala mig
um slíkt skipulag hjá öðru fólki.“
Aðspurður hversu marga 365 ætli
sér að senda á LA Screenings segir
Ari að hann viti það ekki. „Ég veit það
ekki á þessu stigi og sé heldur enga
ástæðu til að vera að ræða það. Þetta
er alveg dæmigert innanhússmál hér
í fyrirtækinu.“
Aðspurður hvort fyrirtækið greiði
ekki kostnaðinn af ferðinni fyrir þá
sem fara á vegum þess segir Ari svo
vera. „Fyrir starfsmenn og fulltrúa
fyrirtækisins? Alveg klárlega... Ég
greiði bara fyrir þá sem eru þarna á
vegum félagsins... Annars mun ég
ekki ræða það opinberlega hverjir
munu ferðast með okkur og hvernig
félagið ver sínum fjármunum. Það er
málefni félagsins,“ segir hann.
Að lokum skal þess getið að mik-
ið aðhald hefur verið í rekstri 365
síðasta árið. Uppsagnir hafa verið á
Fréttablaðinu og hefur vinnuhlut-
fall starfsmanna þess verið minnk-
að niður í 90 prósent og laun þeirra
lækkuð þar með.
JÓN ÁSGEIR TIL
LA SEM MAKI
INGI F. VILHJÁLMSSON
fréttastjóri skrifar: ingi@dv.is
Ég get ekki svar-að því á þessu
stigi hvort hann fari
með sem maki.
Þeir fara líka Ari Edwald, forstjóri 365, og Pálmi Guðmundsson, sjónvarpsstjóri
Stöðvar 2, munu líka skella sér til Los Angeles með Jóni Ásgeiri og Ingibjörgu til að
velja þættina.
Til Hollywood Jón
Ásgeir Jóhannesson og
Ingibjörg Pálmadóttir
ætla að fara til Los Ang-
eles síðar í maí og velja
sjónvarpsþætti ofan í
áhorfendur Stöðvar 2.
2
Steinunn Valdís Óskarsdóttir, þing-
maður Samfylkingarinnar, lét þrjár
milljónir króna af hendi til auglýs-
ingastofunnar EnnEmm í prófkjör-
um sínum árið 2006. Milljónirnar
voru vegna hönnunar sem var meðal
annars í höndum eiginmanns henn-
ar, Ólafs Haraldssonar, hönnuðar hjá
auglýsingastofunni.
Í tveimur prófkjörum árið 2006
fékk Steinunn Valdís hátt í 13 millj-
ónir í styrki, bæði frá bönkum og
einkafyrirtækjum. Hart hefur verið
deilt á hana fyrir að þiggja styrkina
og hávær krafa hefur verið uppi um
að hún segi af sér síðustu daga.
Af þeim peningum sem hún fékk
fór helmingurinn í auglýsingabirt-
ingar en kostnaður við auglýsingarn-
ar, bæði hönnun og ráðgjöf, er annar
stór kostnaðarliður. Samanlagt lagði
hún hátt í fimm milljónir í ráðgjöf og
hönnun. Þar af þrjár milljónir til aug-
lýsingastofu eiginmannsins.
Bara launamaður
Þegar DV hafði samband við Stein-
unni Valdísi svaraði hún því til að
uppgjörið hefði hún ekki við hönd-
ina en ráðgjöfin hefði snúið að því að
kaupa vinnu af auglýsingastofunni.
Hún benti á tvo ráðgjafa sem hefðu
unnið fyrir hana, þá Gunnar Stein
Pálsson og Eggert Skúlason. Eftir
smá umhugsun svaraði hún því til að
hönnunin hefði farið fram hjá aug-
lýsingastofunni EnnEmm og í kjöl-
farið viðurkenndi hún að maðurinn
hennar ynni þar. „Ráðgjafarkostn-
aður er eitt og hönnun allt annað.
Hönnunin fór fram hjá, bíddu nú við,
hjá EnnEmm auglýsingastofu,“ sagði
Steinunn Valdís.
„Maðurinn minn starfar þar, já.
Hann sá ekki einn um hönnunina
heldur keypti ég vinnu af auglýs-
ingastofunni og þar fékk ég engan af-
slátt heldur borgaði fullan prís. Fyrir
þessu voru gefnir út reikningar sem
ég stóð full skil á. Þetta var þjónusta
keypt af auglýsingastofunni og hann
kom hvergi nálægt reikningunum.
Maðurinn minn er bara launamað-
ur þarna.“
Óeðlilega háir styrkir
Jóhanna Sigurðardóttir, formaður
Samfylkingarinnar, lét hafa það eft-
ir sér á þriðjudag að Steinunn Val-
dís hefði þegið óeðlilega háa styrki í
prófkjörum flokksins. Þar sagði for-
sætisráðherra þingmanninn vera í
hópi þingmanna, bæði Samfylkingar
og annarra flokka, sem það gerðu án
þess að hægt væri að benda á að lög
hefðu verið brotin.
Ásgeir Davíðsson, eigandi nekt-
ardansstaðarins Goldfinger, er
ánægður með aðgerðir mótmæl-
enda við heimili Steinunnar Valdís-
ar og hvetur til áframhaldandi mót-
mæla þar. Þau hafa lengi eldað grátt
silfur þar sem þingmaðurinn hefur
beitt sér gegn nektardansi hérlend-
is.
Ekkert athugavert
Samkvæmt skýrslu rannsóknar-
nefndar Alþingis trónir Steinunn
Valdís á toppnum yfir þá stjórnmála-
menn sem þáðu styrki frá viðskipta-
bönkunum þremur; Glitni, Kaup-
þingi og Landsbankanum, á hinu
svokallaða góðæristímabili. Sam-
tals fékk hún 3,5 milljónir króna en
fast á hæla henni er Þorgerður Katr-
ín Gunnarsdóttir, fyrrverandi vara-
formaður Sjálfstæðisflokksins, sem
fékk þrjár milljónir frá bönkunum.
Sú síðarnefnda hefur tímabundið
vikið af þingi en það ætlar Steinunn
Valdís ekki að gera og kvartar hún yfir
einelti í sinn garð þar sem mótmæl-
endur hafa ítrekað staðið fyrir utan
heimili hennar síðustu daga og kraf-
ist afsagnar.
Steinunn Valdís hefur full-
yrt í samtali við DV að styrkirnir
hafi allir fallið undir settar reglur
og hún hafi gert þeim öllum skil
hjá skattayfirvöldum. Hún legg-
ur áherslu á að eiginmaður henn-
ar hafi engra hagsmuna að gæta
varðandi viðskipti hennar við stof-
una. „Allt tal um að maðurinn
minn tengist þessu með einhverj-
um hætti eða eitthvað hafi verið
óeðlilegt við þetta er algjörlega úr
lausu lofti gripið,“ segir Steinunn
Valdís.
8 MIÐVIKUDAGUR 28. apríl 2010 FRÉTTIR
MILLJÓNIR TIL STOFU
EIGINMANNSINS
TRAUSTI HAFSTEINSSON
blaðamaður skrifar: trausti@dv.is
Allt tal um að maðurinn minn tengist þessu með
einhverjum hætti […] er algjör-
lega úr lausu lofti gripið.
Góðir styrkir Stein-
unn Valdís fékk tæpar
þrettán milljónir króna
og runnu þrjár þeirra
til auglýsingastof-
unnar þar sem maður
hennar vinnur.
Styrkir Steinunnar
Valdísar:
Febrúar 2006
Landsbankinn 1,5 milljónir
Baugur 1 milljón
FL Group 1 milljón
Nýsir 1 milljón
Eykt 650 þúsund
Hönnun 500 þúsund
Atlantsolía 500 þúsund
Aðrir 1,95 milljónir
Samtals: 8,1 milljón
Nóvember 2006
Landsbankinn 2 milljónir
Baugur 1 milljón
FL Group 1 milljón
Aðrir 650 þúsund
Samtals: 4,65 milljónir
Kostnaður Steinunnar
Valdísar við prófkjörin tvö:
Auglýsingabirtingar 6,3 milljónir
Auglýsingar 3 milljónir
Burðargjöld 800 þúsund
Ráðgjöf 1,7 milljónir
Tækjaleiga 200 þúsund
Samtals: 12 milljónir
Eiginmaður Steinunnar Valdísar
Óskarsdóttur, þingmanns Samfylk-
ingarinnar, var meðal þeirra sem sá
um hönnun auglýsingaefnis fyrir
konu sína í prófkjörsbaráttu hennar
árið 2006. Reikningurinn var upp
á tæpar þrjár milljónir króna sem
runnu til auglýsingastofunnar sem
eiginmaðurinn starfar hjá.
1
MIÐVIKUDAGUR OG FIMMTUDAGUR 28. – 29. APRÍL 2010
DAGBLAÐIÐ VÍSIR 48. TBL.
100. ÁRG. – VERÐ KR. 395
Lágmúli 5 |108 Reykjavík
S: 590 9200 | www.laekning.is
LÆKNISFRÆÐILEG
SÉRFRÆÐIÞJÓNUSTA
„VIÐ NÁÐUM
AÐ KVEÐJA“
ÞÚSUNDIR SYRGJA STÚLKURNAR ÚR GARÐINUM:
Unnur Lilja Stefánsdóttir
F. 2 5 . 8 . 1 9 9 1 – D . 2 4 . 4 . 2 0 1 0
Lena Margrét Hinriksdóttir
F. 8 . 2 . 1 9 9 2 – D . 2 4 . 4 . 2 0 1 0
SVONA
BREGSTU
VIÐ ÖSKU-
FALLINU
NEYTENDUR
n FAÐIR UNNAR FÉKK TÍMA MEÐ DÓTTUR SINNI
n „HEF FUNDIÐ MIKINN HLÝHUG OG STUÐNING“
n MÓÐIR LENU: „ÞAÐ SÁRASTA SEM MAÐUR UPPLIFIR“
n SYRGJANDI FAÐIR HVETUR ALLA TIL AÐ NOTA BELTI
PÁLMI MEÐ
REIKNING Í
LÚXEMBORG
FLUGFAR-
ÞEGI MEÐ
SKRÚFJÁRN
n FÓR UM KEFLA-
VÍK OG ÓSLÓ
FRÉTTIR
ÞRJÁR MILLJÓNIR TIL
STOFU EIGINMANNS
n HLUTI AF STYRKJUM STEINUNNAR VALDÍSAR TIL FYRIRTÆKIS MANNS HE
NNAR
RIFBEINS-
BROTNAÐI
n ÓLAFUR
STEPHENSEN
RITSTJÓRI Á
BATAVEGI
í hóstakasti
FRÉTTIR
FÓLK
FRÉTTIR
3
SKILDI
EFTIR
MÁNUDAGUR OG ÞRIÐJUDAGUR 26. – 27. APRÍL 2010
DAGBLAÐIÐ VÍSIR 47. TBL.
100. ÁRG. – VERÐ KR. 395
Lágmúli 5 |108 Reykjavík
S: 590 9200 | www.laekning.is
LÆKNISFRÆÐILEG
SÉRFRÆÐIÞJÓNUSTA
EIGANDI RÚMFATALAGERSINS FARINN TIL KÍNA:
SKULDA-
SÚPU
n JÁKUP SKULDAR 80 MILLJARÐA
n FRUMKVÖÐULL ÁRSINS 2000
n FÆREYINGUR Í ÍSLENSKRI ÚTRÁS
n KORPUTORG Á KAFI Í SKULDUM
Í KRÖGGUM
MEÐ HÚS
LANGAFA
FRÉTTIR
n BJÖRGÓLFUR
THOR VEÐSETTI
FRÍKIRKJUVEG 11
FYRIR 250
MILLJÓNIR
EIGNIRNAR
SKRÁÐAR Á
KONURNAR
n SKATTA-
YFIRVÖLD
HERJA Á
EIGNALITLA
AUÐMENN
SVONA
SELUR ÞÚ
BÍLINN
NEYTENDUR
„OFBOÐS-
LEG SORG“
Í REYKJA-
NESBÆ
n TVÆR AF STÚLK-
UNUM ERU LÁTNAR
n 8 RÁÐ
TIL AÐ HÁMARKA
VERÐ BÍLSINS
ÍSLANDSKLUKKAN:
JÓN VIÐAR
SÁTTUR
FÓKUS
RÍKIÐ
VILL
RITSTÝRA
FRÉTTIR
FRÉTTIR
n NÝTT FJÖLMIÐLAFRUMVARP
MENNTAMÁLARÁÐHERRA