Dagblaðið Vísir - DV - 30.04.2010, Blaðsíða 22

22 FÖSTUDAGUR 30. apríl 2010 FRÉTTIR
Bresk kona syrgir látinn eiginmann sinn.
Lifir áfram á pappaspjaldi
Syrgjandi ekkja hefur ákveðið að
heiðra minningu látins eiginmanns
síns með frumlegum hætti. Hin 26
ára gamla Maria Challis bjó til pappa-
spjald með mynd af eiginmanninum
á í raunstærð sem hún hefur á heim-
ili sínu og barna sinna tveggja. Hún fór
meira að segja með myndina í jarðar-
för eiginmannsins.
Paul Challis lést 38 ára gamall af
krabbameini aðeins nokkrum vikum
eftir að hafa greinst með tvö heilaæxli.
Maria er staðráðin í að eiginmaður
hennar og barnsfaðir gleymist aldrei.
Á heimili þeirra stendur nú 185 sentí-
metra hátt pappaspjald með mynd af
Paul Challis sem hún fór með í jarðar-
för hans auk þess sem hún tók spjald-
ið með sér í brúðkaup besta vinar
hans nokkrum vikum eftir andlát eig-
inmannsins.
Myndin sem spjaldið prýðir er tek-
in á gleðistund þar sem hann held-
ur á flösku af kampavíni, skælbros-
andi um borð í skemmtiferðaskipi þar
sem hann var staddur með eiginkonu
sinni.
Upphaflega var myndaspjaldið
búið til fyrir útför Pauls en Maria gat
ekki hugsað sér að láta það frá sér.
„Þegar maður missir einhvern sem
maður elskar hefur maður áhyggjur af
því að hann gleymist. Þetta er okkar
leið til að minnast hans og halda kær-
um minningum okkar um hann lif-
andi,“ segir Maria Challis í samtali við
Daily Mail.
„Börnin klæddu hann meira að
segja upp í jólasveinabúning fyrir jólin
og í Drakúlabúning fyrir Hrekkjavöku.“
Maria og Paul giftust árið 2000 eft-
ir að hafa kynnst í vinnunni fyrir 15
árum.
mikael@dv.is
Útklipptur eiginmaður
Challis-fjölskyldan. Maria gat
ekki hugsað sér að henda
myndinni af eiginmanninum.
Rifu rangt hús
Verktakar á vegum bæjaryfirvalda í
Denton í Texas hlupu heldur betur
á sig í síðustu viku þegar þeir voru
sendir að heimili til að rífa það
vegna vanrækslu. Hin 69 ára gamla
Francis Howard var því orðlaus þeg-
ar hún kom að fjölskylduheimilinu
til 47 ára nær gjörsamlega rifnu til
grunna.
Verktakinn átti nefnilega að rífa
húsið hinum megin við götuna 21.
apríl.
Olíulekinn verri en
talið var
Gífurlega mikil olía lekur út í
Mexíkóflóa eftir að olíuborpallurinn
Deepwater Horizon sprakk og sökk
í síðustu viku út af strönd Louisi-
ana-ríkis Bandaríkjanna. Landhelg-
isgæslan þar í landi telur að 700 þús-
und lítrar af olíu leki frá pallinum
á dag eftir að uppgötvaðist að leki
væri á þremur stöðum við pallinn.
Forsvarsmenn olíuborpallsins þræta
fyrir þessa niðurstöðu gæslunnar.
Athöfn nokkur í Kamerún hefur um
árabil verið sveipuð dulúð og nán-
ast verið talin til þjóðsagna í land-
inu eða skipulega þögguð niður í
samfélaginu. Árið 2006 fékk hún
smávegis athygli fyrir tilstilli nokk-
urra mannréttindasamtaka í land-
inu sem hófu herferð gegn henni
sem varð til þess að bandaríska ut-
anríkisráðuneytið hefur síðan þá
talið hana til í árlegri skýrslu sinni
um brýn mannréttindamál á er-
lendri grundu.
Athöfnin sem um ræðir er ætluð
til að verja ungar stúlkur sem eru
að komast á kynþroskaaldur fyrir
kynferðislegum áhuga karlmanna
með því að strauja óþroskuð brjóst
stúlknanna niður með sjóðheitum
steinum eða öðrum frumstæðum
verkfærum og aðferðum.
Blaðakonan Jamie Rich skrifaði
um málið í breska dagblaðið The
Guardian Weekly á dögunum en
greinin birtist upphaflega í Wash-
ington Post í Bandaríkjunum. Rich
var á ferð um Kamerún þar sem
hún veitti því athygli að ung betl-
andi stúlka bar áverka sem vöktu
athygli hennar. Hlírabolur stúlk-
unnar hafði runnið niður öðru
megin og þar sem verðandi brjóst,
eða í það minnsta geirvarta, hefði
átt að vera var ekkert nema stórt
ör. Rich hafði heyrt af afskræming-
um sem þessum í landinu en ávallt
voru þær afskrifaðar sem flökku-
sögur. Hún fór að rannsaka málið
og greinir frá niðurstöðum sínum í
sláandi grein.
Mæður vilja vernda dætur
Talið er að ein af hverjum fjórum
ungum stúlkum séu látnar gang-
ast undir þessa aðgerð sem oftar
en ekki er framkvæmd á þeim af
mæðrum þeirra. En það er ekki af
illsku eða mannvonsku. Mæðurnar
telja sig vera að vernda dætur sín-
ar, ein þeirra orðar það sem svo að
hún hefði gert það út af ást.
Mæður sem Rich ræddi við
segja aðgerðina hugsaða til að láta
stúlkurnar líta út fyrir að vera ekki
orðnar kynþroska. Minni líkur séu
þar með á því að karlmenn sæki í
þær í kynferðislegum tilgangi, með
góðu eða illu. Þar með séu þær
varðar fyrir því að verða óléttar og
að smitast af HIV en hvortveggja
er mikið vandamál meðal ungra
stúlkna í Kamerún.
Betri kostur en ólétta og smit
„Strákar geta byrjað að líta á stúlk-
ur um leið og brjóstin á þeim fara
að myndast. 12 ára gamlar stúlkur
eru enn börn, en strákarnir sjá bara
brjóstin,“ segir Caroline Nkeih,
dýralæknir og fjögurra barna móð-
ir, sem þekkir tvær fjölskyldur þar
sem tólf ára stúlkur urðu óléttar.
Sjálf viðurkennir hún að hafa
straujað brjóstin á dætrum sín-
um fyrir tveimur árum. Fyrir henni
vega kostir brjóstaafskræmingar
þyngra en líkamlegur eða sálrænn
skaði sem þær kunna að valda
stúlkunum. Nkeih beitti þeirri að-
ferð að hita viðaráhald á eldavél í
dágóða stund og nudda síðan hvort
brjóst dóttur sinnar í fimm mínút-
ur þar til þau fóru að „hörfa“. Þetta
er aðeins ein af mörgum aðferðum
sem beitt er.
Kemur ekki í veg fyrir neitt
Fæðinga- og kvensjúkdómalækn-
irinn Serges Moukam segir að 25
til 30 prósent viðskiptavina á stof-
unni hans séu stúlkur á aldrinum
12-17 ára. Samræði og nauðgan-
ir ættu hvortveggja mikinn þátt í
óléttu unglingsstúlkna. Brjóstaaf-
skræmingar kæmu í veg fyrir hvor-
ugt enda eigi vandamálið sér djúp-
stæðari rætur í þjóðfélaginu. „Það
er sjaldgæft að sjá 13 ára stúlku sem
er enn hrein mey.“
Ígerð, sýking sálrænt áfall
Mannfræðingurinn Flavien
Ndonko er ötull talsmaður gegn
aðgerðunum og stjórnar sjálf-
boðaliðasamtökunum sem hófu
herferðina gegn þeim árið 2006.
„Þetta er limlesting,“ segir Ndonko
og bendir á fjölmargar skelfileg-
ar hliðarverkanir brjóstaafskræm-
inga. Ígerð, sýkingar, afskræming
brjóstanna, eyðilegging mjólkur-
kirtlanna, kýli á brjóstunum auk
sálrænna vandkvæða.
Ndonko segir að árið 2006 hafi
hann og samtökin hans gert rann-
sókn á ríflega 5.600 stúlkum og
konum á aldrinum 10-22 ára. Í ljós
kom að 24 prósent þeirra höfðu
sætt brjóstastraujun.
Ýmis hagsmunasamtök hafa
barist gegn athöfninni. Krafa er
uppi um stóraukna kynlífsfræðslu,
fólk vill gera athöfnina ólöglega
með öllu en málið virðist á opin-
berum vettvangi vera mikið tabú í
Kamerún. Stjórnmálamenn ýmist
viðurkenna ekki vandamálið eða
segja það mun sjaldgæfara en tal-
ið er.
SIGURÐUR MIKAEL JÓNSSON
blaðamaður skrifar: mikael@dv.is
BRJÓSTIN STRAUJUÐ
NIÐUR Á STÚLKUM
Dæmi eru um að kamerúnskar stúlkur séu látnar sæta skelfilegu ofbeldi þegar
þær komast á kynþroskaaldur. Til að halda stúlkum frá kynlífi, verja þær fyrir
kynferðisárásum og HIV-smiti grípa fjölskyldur þeirra oft til þess ráðs að strauja
niður brjóstin á þeim. Öll umræða um málefnið virðist vera mikið tabú í landinu.
Áhöldin Meðal þeirra frumstæðu
áhalda sem notuð eru við hina
grimmúðlegu aðgerð. Sjóheitir steinar
og viðaráhöld sem þrýst er á brjóstin
þar til þau „hörfa“.
Skírlífið dýru verði keypt Ungar stúlkur eru
látnar ganga í gegnum skelfilega aðgerð þar
sem óþroskuð brjóst þeirra eru straujuð niður.
Eitrað fyrir Bush
Laura Bush, eiginkona George W.
Bush, fyrrverandi Bandaríkjaforseta,
heldur því fram í nýrri bók sinni að
eitrað hafi verið fyrir eiginmanni
sínum, sér og fylgdarliði á leiðtoga-
fundi G8-ríkjanna í Þýskalandi árið
2007.
Bush segir að þau hjónin og fjöl-
margir starfsmenn Hvíta hússins
hafi orðið veik og málið hafi allt ver-
ið hið grunsamlegasta í ljósi þess að
engar fregnir bárust af veikindum
úr herbúðum annarra þjóða. Laura
Bush segir í bók sinni, Spoken From
The Heart, sem kemur út í Banda-
ríkjunum í næsta mánuði, að hún
hafi látið öryggisgæslu Hvíta hússins
rannsaka málið en án árangurs.
Þingmaður kaupir
13 ára stúlku
Öldungadeildarþing Nígeríu hefur
krafist rannsóknar á máli öldunga-
deildarþingmannsins Ahmad Sani
Yerima, sem kom heim með þrettán
ára stúlku frá Egyptalandi á dögun-
um og kvæntist henni síðan.
Yerima, sem er 49 ára, er sagður
hafa greitt foreldrum stúlkunnar í
Egyptalandi 100 þúsund dollara fyrir
dóttur þeirra og síðan gengið að eiga
hana í mosku fyrir nokkrum vikum.
Mannréttindasamtök hafa mótmælt
ráðahagnum harðlega og krefjast
þess að Yerima verði ákærður fyrir
að stofna barni í hættu og brjóta hjú-
skaparlög Nígeríu sem banna fólki
að giftast einstaklingi undir átján
ára aldri.