Dagblaðið Vísir - DV - 30.04.2010, Blaðsíða 16

16 FÖSTUDAGUR 30. apríl 2010 FRÉTTIR
FL GROUP GRÆDDI
HULDUF LAGI
Snúningurinn í kringum eignarhaldsfélagið Consensus kann að hafa verið gerður til að fara í kringum
reglur um hámarksáhættuskuldbindingar gagnvart einum aðila. Rannsóknarnefnd hefur bent ríkissak-
sóknara á Consensus-málið. FL Group græddi á viðskiptum Consensus. Eiginkona eiganda Con sensus
og varamaður í stjórn félagsins vita ekkert um það.
Rannsóknarnefnd Alþingis vísaði
máli eignarhaldsfélagsins Con-
sensus áfram til embættis ríkissak-
sóknara skömmu eftir að skýrsla
nefndarinnar kom út fyrr í mán-
uðinum. Ástæðan er sú að nefndin
telur að fjárfesting félagsins í fram-
virkum skuldabréfum FL Group
í gegnum Glitni fyrir 8 milljarða
króna á árinu 2008 geti flokkast
sem refsiverð háttsemi. FL Group
var, sem kunnugt er, stærsti hlut-
hafinn í Glitni árið 2008.
Eigendur Consensus voru
Kjartan Broddi Bragason og Að-
alheiður Björt Guðmundsdóttir,
samkvæmt ársreikningi fyrir árið
2007. Kjartan og Aðalheiður, sem
voru gift, skildu árið 2007 og varð
Kjartan eini hluthafi félagsins í
kjölfarið.
Kjartan er eini stjórnarmaður
félagsins, samkvæmt Lánstrausti.
Varamaður í stjórninni er Knút-
ur G. Hauksson. Tilgangur félags-
ins er skráður viðskiptaráðgjöf og
önnur rekstrarráðgjöf í hlutafé-
lagaskrá. Samkvæmt ársreikningi
félagsins fyrir árið 2007 nam tap-
ið á rekstri þess tæpum sextíu þús-
und krónum. Félagið fór því frá
því að tapa sextíu þúsund krón-
um árið 2007 yfir í að fjárfesta fyr-
ir 8 milljarða króna í bréfum FL
Group.
Hugsanlegt er að fjárfesting fé-
lagsins hafi verið til þess gerð að
sneiða hjá reglum fjármálamark-
aðarins um hámarkslánveiting-
ar til einstakra aðila, samkvæmt
skýrslu rannsóknarnefndar var
Glitnir búinn að lána FL Group svo
mikið að bankinn átti í erfiðleikum
með að lána félaginu meira vegna
þessara reglna um stórar áhættu-
skuldbindingar. Fjárfesting Con-
sensus, og annarra félaga, í bréfum
FL Group gerði það hins vegar að
verkum að Glitnir gat þar með lán-
að FL Group þá 12 milljarða sem
félögin höfðu fjárfest fyrir í FL.
„Með því að fá viðskiptavini sína
til þess að gera framvirka kaup-
samninga um skuldabréf Glitnis
var hægt að lána FL Group þessa
12 milljarða þar sem áhættan var
formlega á félögunum sem gerðu
framvirku samningana við bank-
ann.“
Fjárfesting Consensus kom sér
því vel fyrir FL Group því vegna
hennar gat félagið fengið meiri lán
hjá Glitni.
Lánaði eignalausu félagi 600
milljónir
Ályktunin sem rannsóknarnefnd-
in dregur af Consensus-málinu
er hins vegar sú að ef áhættan
af viðskiptunum hefði í raun og
veru ekki átt að hvíla á bankan-
um, líkt og ef lánin hefðu borist til
FL Group án þátttöku Consensus
og annarra félaga sem fjárfestu
í framvirkum skuldabréfum FL
Group, hefðu þessi félög þurft að
vera nægilega sterk til að þola
greiðslufall FL Group. Þetta var
vitanlega ekki raunin með Con-
sensus, líkt og áður segir, þar sem
félagið var „skráð án eigna og með
117 þúsund króna skuldir í lok árs
2007 samkvæmt rekstrarframtali“
eins og segir í skýrslunni. Áhætt-
an hvíldi því öll á bankanum hvort
sem er þar sem hann lánaði til við-
skiptanna með skuldabréfin.
Í skýrslunni snýst einn angi
gagnrýninnar á viðskipti Con-
sensus með skuldabréfin í FL
Group um þessa staðreynd: Fé-
lagið var eignalaust en tók þátt í
milljarða króna viðskiptum. Þar
er enn fremur rætt um hvernig
Consensus fjármagnaði eiginfjár-
framlag sitt í viðskiptunum með
skuldabréfin. Þetta var gert með
víxli frá Icebank upp á tæpar 600
milljónir króna.
Vitnað er í útlánaskýrslu frá
Ice bank í skýrslunni þar sem sýnt
er fram á þetta. Í útlánaskýrslunni
frá Icebank segir: „Lánið notaði
Consensus til að kaupa víxla út-
gefna af bankanum. Consensus
lagði víxlana síðan fram sem
tryggingu vegna framvirks samn-
ings um kaup á skuldabréfum FL
Group sem félagið gerði við Glitni.“
Ályktunin sem rannsóknar-
nefndin dregur af þessu er sú að
Icebank hafi fjármagnað eigin-
fjárframlag Consensus í viðskipt-
unum. Þetta þýðir að Icebank lán-
aði eignalausu félagi 600 milljónir
til að kaupa skuldabréf FL Group.
Ekki er greint frá því hvaða veð
Consensus lagði fram í viðskipt-
unum við Icebank.
Skildu og Kjartan fékk
félagið
Fyrrverandi eiginkona Kjartans
Brodda og fyrrverandi eigandi
Consensus, Aðalheiður Guð-
mundsdóttir, segist ekki hafa vit-
að að Consensus hefði fjárfest fyr-
ir 8 milljarða í FL Group. „Nei, nei,
nei, ég hafði ekki hugmynd um
þetta fyrr en ég sá þetta í skýrsl-
unni. Málið er þannig vaxið að
ég stofnaði þetta félag árið 2003,
minnir mig. Upphaflega var það í
kringum það sem ég var að vinna
við. Síðan 2007 skildi ég við mann-
inn minn [Kjartan Brodda, innsk.
blaðamanns] og í skiptunum þá
fylgdi þetta félag bara honum. Þá
hafði það ekki verið notað í tvö ár,
ekki síðan 2005.“
Aðspurð hvort hún viti eitthvað
um fjárfestinguna segir Aðalheið-
ur svo ekki vera. „Ekki neitt. Síðan
við skildum höfum við ekkert rætt
um okkar prívat fjármál,“ segir Að-
alheiður og bætir því við aðspurð
hún viti ekki hvort Kjartan hafi ver-
ið í stórum fjárfestingum áður en
kom til viðskiptanna með bréfin í
FL Group.
Vinargreiði hjá Knúti
Knútur G. Hauksson var varamað-
ur í stjórn Consensus. Hann segist
heldur ekkert vita um fjárfestingar
félagsins í FL Group. „Ég veit ekk-
ert um þetta og tengist þessu ekki
neitt. Þú verður bara að tala við
Kjartan,“ segir Knútur. Aðspurður
segist hann hafa verið varamaður í
stjórn félagsins fyrir Kjartan vegna
þess að þeir séu mágar og að hann
hafi gert Kjartani þennan greiða
út af því. „Ég var bara varamaður
í stjórn félagsins og var aldrei kall-
aður til sem slíkur. Ég vissi bara um
þetta mál eftir að skýrslan kom út.“
Aðspurður bætir Knútur því við að
vissulega hafi hann rætt um þetta
mál við mág sinn eftir að skýrslan
kom út.
Consensus-málið virðist því
vera Knúti óviðkomandi.
Björn segir málið til skoðunar
Greint var frá því eftir að skýrsl-
an kom út að rannsóknarnefndin
hefði bent embætti ríkissaksókn-
ara á Consensus-málið.
Björn Bergsson, settur ríkissak-
sóknari, segir að málið sé til skoð-
unar hjá embættinu en að rann-
sóknin sé ekki langt á veg komin.
„Við fyrstu sýn þykir þetta vera
skoðunarvert. En það er ekkert
nánar sem hefur komið fram um
það... Hvað sem verður veit ég
ekki... Það er hins vegar ekki búið
að taka neina ákvörðun um það
hvort þetta mál verði rannsakað
sérstaklega og þá enn síður hvort
ákært verði í því,“ segir Björn.
DV hefur gert ítrekaðar tilraun-
ir til að ná í Kjartan Brodda Braga-
son til að ræða við hann um mál-
ið en það hefur ekki tekist. Líkast
til liggja svörin við því hvers eðl-
is Consensus-viðskiptin voru hjá
honum og hugsanlega hjá ein-
hverjum starfsmönnum gamla
Glitnis og kannski einnig einhverj-
um hluthöfum í FL Group.
Ljóst er hins vegar af umræðu
rannsóknarnefndar Alþingis að
sá aðili sem græddi helst á við-
skiptum Consensus var ekki félag-
ið sjálft eða eigendur þess heldur
FL Group sem gat fyrir vikið fengið
hærri lán í bankanum sem félagið
átti og stjórnaði.
n „Eins og kemur fram í kafla 8.7 hér á undan hafði lánafyrirgreiðsla Glitnis til FL
Group og tengdra aðila vaxið verulega fram á árið 2008 og átti bankinn erfitt með
að lána félaginu meira vegna reglna um stórar áhættuskuldbindingar. Með því
að fá viðskiptavini til þess að gera framvirka kaupsamninga um skuldabréf Glitnis
var hægt að lána FL Group þessa 12 milljarða þar sem áhættan var formlega á
félögunum sem gerðu framvirku samningana við bankann. Til þess að áhættan
væri hins vegar sannarlega ekki Glitnis hefðu þessi félög þurft að vera nógu sterk
til þess að þola greiðslufall FL Group.“
Um Consensus í 2. bindi skýrslu rannsóknarnefndar Alþingis.
FL Group skorti fjármagn
Síðan við skild-um höfum við
ekkert rætt um okkar
prívat fjármál.
INGI F. VILHJÁLMSSON
fréttastjóri skrifar ingi@dv.is
FL Group græddi FL Group, stærsti hluthafi Glitnis,
græddi á viðskiptunum sem Consensus átti í þar sem
félagið gat fengið meira að láni frá Glitni vegna þeirra.
Jón Ásgeir Jóhannesson var stjórnarformaður og helsti
eigandi FL Group. Dæmi í skýrslunni sýna að Jón Ásgeir
nánast handstýrði Glitni í gegnum stjórnendur bankans.
Kannast ekkert við málið Knútur G.
Hauksson, forstjóri Heklu og formaður
Handknattleikssambands Íslands,
segist ekkert kannast við fjárfestingu
Consensus í skuldabréfum FL Group
fyrir um 8 milljarða króna. Knútur var
varamaður í stjórn Consensus.
Til ríkissaksóknara Rannsóknar-
nefnd Alþingis sá tilefni til að
senda mál Consensus og FL Group
til embættis ríkissaksóknara fyrr í
þessum mánuði. Björn Bergsson er
settur ríkissaksóknari í fjarveru Valtýs
Sigurðssonar.