Dagblaðið Vísir - DV - 10.09.2010, Qupperneq 20

Það er ofsögum sagt að aðgengi að
höfuðstöðvum Orkuveitunnar sé
auðvelt. Blaðamaður sóttist eftir því
að skoða fundarherbergi, bókasafn,
margumrætt eldhús og aðrar vist-
arverur. Fyrstu viðbrögð sem blaða-
maður fékk við beiðni sinni var eftir-
farandi bréf sem Guðjón Magnússon
sviðsstjóri sendi, en það var einnig
stílað á Eirík Hjálmarsson, Helga Þór
Ingason, forstjóra Orkuveitunnar, og
Harald Flosa Tryggvason, stjórnar-
formann fyrirtækisins.
Myndatökur ekki heimilaðar
„Ekki eru heimilar myndatökur ut-
anaðkomandi aðila í húsnæði Orku-
veitu Reykjavíkur á Bæjarhálsi 1. Ef
áhugi er fyrir hendi að birta myndir
sem teknar eru innanhúss er á það
bent að Orkuveitan á myndir sem
teknar hafa verið á flestum hæðum
hússins sem gefa glögga mynd af að-
búnaði og húsakosti og er velkomið
að veita aðgang að þeim. Ef áhugi er
fyrir hendi á að fá slíkar myndir er
hlutaðeigandi beðinn um að senda
lista yfir það myndefni sem áhugi er
á að fá og verða þær myndir sendar
í fullnægjandi gæðum. Bent er á að
einstaka rými í húsinu eru öryggis-
svæði og myndbirtingar ekki heimil-
ar af þeim.“
Eftir móttöku bréfsins hafði
blaðamaður beint samband við Guð-
jón sem útskýrði að starfsmenn ynnu
í opnu rými og því væru svona heim-
sóknir erfiðar.
Eftir að blaðamaður hafði bent
Guðjóni á að fulltrúar DV myndu
fylgja í öllu fyrirmælum um hvar
mætti og hvar mætti ekki smella af
ljósmyndum sættist Guðjón á að
það væri óhætt að taka á móti blaða-
manni og ljósmyndara.
Hann vísaði beiðninni hins vegar
áfram til forstjórans Helga Þórs Inga-
sonar. Helgi gaf ekki kost á sér til við-
tals um heimsóknina en blaðamað-
ur fékk þá gefið samband við Eirík
Hjálmarsson upplýsingafulltrúa sem
ræddi við hann um þær hömlur sem
heimsókninni yrðu settar.
Neikvæð umræða veldur trega
Höfuðstöðvar Orkuveitu Reykjavík-
ur áttu á sínum tíma að sögn stjórn-
enda OR að marka tímamót í gerð
opinberra bygginga á Íslandi. Ekk-
ert var sparað og öllu til tjaldað.
Kostnaður við bygginguna vakti at-
hygli enda fór hann töluvert fram úr
áætlun. Heildarkostnaður nam um
5.800 milljónum króna en kostn-
aðaráætlun sem síðar kom í ljós að
var meingölluð hafði hljóðað upp á
2.676 milljónir. Alfreð Þorsteinsson,
fyrrverandi stjórnarformaður, sagði
að fyrir utan gallaða kostnaðaráætl-
un þar sem ekki væri gert ráð fyrir
mikilvægri loftræstingu væri erfitt að
henda reiður á hvers vegna kostnað-
urin varð svo mikill: „Þetta voru bara
alls konar litlir hlutir,“ var haft eftir
honum vegna þessa þegar bygging-
in var vígð.
Hvort sem um er að ræða við-
kvæmni forráðamanna Orkuveit-
unnar fyrir þeim íburði fortíðar sem
nú á þátt í því að sliga fyrirtækið eða
strangar öryggiskröfur og tillit við
starfsmenn hvað varðar umgengni í
húsinu er ljóst að blaðamaður verð-
ur að hlíta reglum hvað varðar heim-
sóknina í höllina.
Það er Helgi Pétursson sem leið-
ir blaðamann og ljósmyndara um
svæðið. Hann tekur á móti okkur og
útskýrir að við megum víst fara að-
eins víðar en upphaflega var áætlað.
Starfsmenn Orkuveitunnar séu vin-
gjarnlegir upp til hópa og ekki eins
viðkvæmir fyrir heimsókn okkar og
áður hafði komið fram. Reyndar séu
þeir samhuga um að sýna almenn-
ingi fram á að í Orkuveitunni vinni
ábyrgir og samviskusamir starfs-
menn sem vilji íslensku þjóðfélagi
vel.
„Í Orkuveitunni vinna 623 starfs-
menn,“ útskýrir Helgi. „Fólki hef-
ur liðið vel hér þótt starfsandinn sé
með daprara móti þessa dagana. Það
stafar auðvitað af neikvæðri umræðu
um Orkuveituna. Starfsmenn hér eru
tryggir og taka umræðuna nærri sér
og það er ef til vill þess vegna sem
móttökurnar voru stirðar í upphafi.
Forráðamenn hafa viljað vernda
starfsmenn fyrir áreiti eins og frekast
er unnt.“
Íburðurinn höggvinn í spað
Blaðamaður og ljósmyndari fylgja
Helga frá neðstu hæð hússins þar
sem einu sinni var útibú Sparisjóðs
vélstjóra en hýsir nú almenna af-
greiðslu viðskiptavina og fara upp á
efstu hæð. Lofthæð byggingarinnar
er nærri 23 metrar. Á efstu hæð þar
sem skrifstofur stjórnenda Orkuveit-
unnar voru staðsettar áður er heldur
tómlegt um að litast. Þar er búið að
rýma svæðið sem er laust til útleigu.
Eitt borðanna er heldur draslara-
legt og það vekur athygli okkar að á
því liggur öxi. Útlit borðsins er tákn-
rænt. Það á að skera niður, jafnvel
höggva allan umframkostnað í spað.
Helgi segir leiguverð á sjöttu hæð
vera 2.400 krónur á fermetra að við-
bættri þjónustu sem að sumu leyti
sé valkvæð. Rýmið er 745 fermetrar
að stærð svo ætla má að leiguverðið
verði um 1.788.000 krónur á mánuði.
Hvergi fínar kápur og frakkar
Á skrifstofum framkvæmdasviðs vek-
ur athygli að í fatahenginu í skrifstof-
urýminu hanga ekki fínar kápur og
frakkar heldur hjálmar, vinnuskór
og úlpur. Hér vinna verkfræðingar að
ýmsum athugunum og rannsóknum
er varða starfsemi fyrirtækisins. Við
lítum svo við á vinnu– og viðhalds-
svæði þar sem hugað er að vélakosti
Orkuveitunnar. Hér er ekkert fínerí
og unnið í hverju horni. Starfsmenn
eru vel til fara í vinnufatnaði merkt-
um Orkuveitunni. „Starfsaldur er hár
í þessu fyrirtæki,“ segir Helgi okkur.
„Hér kemur fólk til starfa og fer svo
ekkert aftur,“ segir hann og bætir við
að af því séu forráðamenn stoltir.
Hún særi því augljóslega umræðan
um kröfur um þrengra starfsmanna-
hald.
Já, og nú er komið að því. Við
erum á leiðinni í glæsieldhúsið sem
við höfum kynnt okkur á mynd-
bandi á netinu þar sem virðist stirna
af glæsileikanum. Á leiðinni inn í
myrkvað eldhúsið heldur blaða-
maður að hann finni lyktina af reyk-
tri bleikju og gengur á ilminn. Helgi
finnur ekki rofann til að kveikja ljós-
in og því fikrum við ljósmyndari
okkur um í myrkrinu, spennt yfir því
að fá ofbirtu í augun af fegurðinni.
Helgi finnur loksins rofann sem er
vel falinn og okkur verður kostur-
inn ljós.
Glæsiundrið góða
Nú já, heyrist upphátt í blaðamanni.
Vissulega er eldhúsið stórt og vel
búið tækjum en að það sé stórkost-
legt glæsiundur væru ýkjur. Þarna
eru þrír stórir kæliklefar fullir af mat,
fjöldi ofna, hitaskápur til reykingar
og stórir súpupottar.
Helgi útskýrir að þegar ákveðið
hafi verið að byggja eldhús þá hafi
verið haft að leiðarljósi að Orkuveit-
an myndi hætta að kaupa tilbúinn
bakkamat og í staðinn skyldi allur
matur eldaður á staðnum. Hér sé
allt eldað og bakað, brauðmetið og
kökurnar líka.
Helgi telur það óréttlátt að halda
því fram að eldhúsið og aðstaða
starfsmanna sé það sem mestu skipt-
ir þegar rætt er um slæma fjárhags-
stöðu Orkuveitunnar. Hér sé eldað-
ur og framreiddur matur fyrir sex
hundruð manns á degi hverjum og
þess vegna varla hægt að kalla það
eitt bruðl.
En hvað um allt umstangið við
eldhúsið og margumrædd veislu-
höld? Helgi útskýrir að í eldhúsinu
starfi 17 manns sem skiptist á þrjár
starfsstöðvar fyrirtækisins, Nesja-
velli, Hellisheiði og Bæjarháls. „Í
dag er fjöldinn sem mætir í veisl-
ur óverulegur,“ segir Helgi og legg-
ur áherslu á að það séu ekki tækin,
tólin og byggingin sem séu aðalat-
riðið heldur þær ákvarðanir sem
hafa verið teknar varðandi notkun-
ina og stefnu í fjárfestingum. „Hér
hafa margir og mismunandi stjórn-
málamenn haft áhrif og starfsemin
hefur tekið mið af því. Forsetinn og
stjórnmálamenn innan ríkisstjórn-
ar og borgarstjórnar hafa nýtt sér
höfuðstöðvarnar sem og aðstöðu á
Hellisheiði og við Nesjavelli til land-
kynningar. Hér hafa ótal þjóðhöfð-
ingjar og aðrir gestir komið og þegið
veitingar og kynnst kostum náttúru-
auðlinda okkar og þekkingu okkar á
þeim. Þetta er mikilvægt starf sem
hefur auðvitað áhrif á rekstrarkostn-
að okkar. Nú er hins vegar við hæfi
að sýna hagkvæmni hvað varðar alla
kostnaðarliði og þá verða allir sem
hafa komið að þessum þætti að taka
sig saman um það.“
20 FRÉTTIR 10. september 2010 FÖSTUDAGUR
Blaðamaður: Sæll, það varðar heimsókn til ykkar. Veistu af erindinu?
Eiríkur: Er ekki búið að svara þér?
Blaðamaður: Viltu sem sagt ekki fá okkur í heimsókn?
Eiríkur: Af hverju ertu að leggja mér orð í munn, væna mín?
Blm.: Nei, ég er nú bara að spyrja af því ég skil þetta ekki, viltu ekki fá okkur í
heimsókn?
Eiríkur: Það er bara ekki þannig hér að fólk ráfi hér um húsið á eigin vegum,
öryggiskröfur til þessa húsnæðis eru með þeim hætti að það er bara ekki gert
þannig.
Blm.: En myndi ekki einhver veita mér leiðsögn um húsnæðið og sjá til þess?
Eiríkur: Segðu mér bara hvað þú hefur í huga.
Blm.: Ég er búin að útskýra hvað ég hef í huga. Mig langar til að skoða húsnæðið,
eldhúsið, fundarherbergi og fleira í húsinu og kynna mér betur starfsemi þess.
Eiríkur: Listaðu þessu upp og ég skal gera ráðstafanir til að þetta sé hægt.
Blm.: En nú hef ég komið áður að skoða fyrirtækið. Sem starfsmaður annars
fyrirtækis, þá voru engin vandamál.
Eiríkur: Ef að þú ert að tala um ljósmyndatöku og annað þvíumlíkt til birtingar í
fjölmiðli að þá gilda aðrar reglur um það en gestkomendur hjá einhverju fyrirtæki
úti í bæ. Þú hlýtur að skilja það?
Blm.: Jú, ég geri það, en ef það er gert í leiðsögn þá hlýtur sú manneskja að hafa
stjórn á því.
Eiríkur: Listaðu upp því sem þú ert að spá. Skjóttu á mig tölvupósti.
Blm.: Hvers vegna finnst ykkur þetta svona mikið mál, mig langar til að vita það?
Eiríkur: Jú, okkur finnst það talsvert mál. Það eru nokkur sjónarmið í því. Í fyrsta
lagi eru ákveðin öryggissvæði í húsinu og í kringum þau er engin myndataka
leyfð, í öðru lagi þá er starfsfólk hér að vinna sem við leyfum ekki myndatökur af
nema með samþykki þess sjálfs fyrirfram. Það eru svona hlutir skilurðu?
Blm.: Við höfum það alls ekki í huga. Það hefur komið fram. Okkur finnst það
ekkert smekklegt. Ég er alveg sammála því.
Eiríkur: Æi, farðu nú ekkert að segja mér eitthvað um smekklegheit.
Blm.: Nei, nei, þú veist náttúrulega ekki að ég hef verið í sambandi í nokkra daga
og ég get ekki sagt að viðmótið sé vingjarnlegt og það þrátt fyrir að ég sé aðeins
að biðja um að fá að koma í heimsókn og skoða húsnæðið og útskýrt mörgum
sinnum að það vaki ekkert annað fyrir mér.
Eiríkur: Segðu mér hvaða þætti þú vilt kynna þér. Það er líka fólk úti um allan bæ
að vinna í skurðum og ljósastaurum úti í bæ. Mestur hluti starfsfólksins vinnur
þar. Viltu ekki bara taka mynd af því?
Blm.: Nei, við viljum bara skoða bygginguna.
Eiríkur: Jú, það eru bara ákveðnar hömlur þar á. Sendu mér póst. Þú kemur
honum á mig.
Blm.: Hvenær fæ ég viðbrögð við honum? Ég hef beðið svo lengi.
Eiríkur: Bara í dag, vonandi.
Eiríkur hafði samband síðar og bauð blaðamanni eftirfarandi sem hann og
þáði með þökkum:
Heil og sæl.
Hef farið yfir málið með fólki hér í húsinu og þetta er kosturinn:
Þið fáið aðgang að afgreiðslurými í húsinu á 1. hæð, skrifstofurými sem er til
útleigu á 6. hæð og getið myndað í eldhúsinu þegar það er ekki í notkun, sem er
helst seinni part dags.
Blaðamaður rekur augu í uppskrift að
djöflatertu á vegg eldhússins. Honum
líst svo vel á hana að hann spyr hvort
hann megi ekki gefa lesendum sínum
uppskriftina. Magntölurnar þarf
auðvitað að laga.
Djöflaterta að hætti
Orkuveitunnar:
n 9 kg hveiti
n 12 kg sykur
n 1,6 kg kakó
n 20 msk lyftiduft
n 10 msk matarsódi
n 10 msk vanilludropar
n 80 egg
n 5 l mjólk
n 5 l kaffi
n 4 kg smjör (brætt)
Aðferð: Þurrefnin í skál, síðan er
vökva og eggjum hellt saman við
og allt hrært saman rólega. Unnið
stuttlega í hrærivél (2 til 3 mín).
Bakað við 175 °C í 15 til 20 mín.
Kremið:
n 4 bollar flórsykur
n 1/2 bolli heit mjólk
n 2 tsk. neskaffi
- hrært saman.
n 150 gr. brætt smjör
n 1 bolli kakó
- blandað saman við.
Orkuveitukaka
ERFITT AÐ FÁ AÐ SKOÐA
UMDEILDA BYGGINGU
Blaðamaður og ljósmyndari DV fengu eftir mikið bras og þras að heimsækja höfuðstöðvar Orkuveitunnar
og kynnast aðstæðum starfsmanna. Meðal þess sem fyrir augu bar var margumtalað eldhús Orkuveitunnar
sem er stórt og vel tækjum búið. Tómlegt er um að litast á efstu hæðinni enda búið að rýma svæðið sem er
laust til útleigu. „Fólki hefur liðið vel hér þótt starfsandinn sé með daprara móti þessa dagana,“ segir Helgi
Pétursson, almannatengslafulltrúi Orkuveitunnar.
Í Orkuveitunni vinna 623 starfs-
menn,“ útskýrir Helgi.
„Fólki hefur liðið vel hér
þótt starfsandinn sé
með daprara móti þessa
dagana. Það stafar auð-
vitað af neikvæðri um-
ræðu um Orkuveituna.“
KRISTJANA GUÐBRANDSDÓTTIR
blaðamaður skrifar: kristjana@dv.is