Dagblaðið Vísir - DV - 13.09.2010, Blaðsíða 10

10 fréttir 13. september 2010 mánudagur
Uppgjörið á Icebank, Sparisjóða-
bankanum, kostaði rúmum 80 millj-
ónum króna meira en áætlað var
á fyrri helmingi ársins 2010. Sam-
kvæmt fjárhagsáætlunum átti upp-
gjörið að kosta 409 milljónir króna
en kostaði 490 milljónir. Talið er
heildarkostnaðurinn við uppgjörið á
bankanum verði rúmar 840 milljón-
ir króna í ár. Þetta kom fram í glæru-
kynningu fyrir kröfuhafa bankans í
síðustu viku.
Mikið hefur verið rætt um laun
þeirra skilanefndar- og slitastjórn-
armanna sem vinna við að gera upp
gjaldþrota fjármálafyrirtæki og þykir
sumum þau vera í hærra lagi. Margir
þessara skila- og slitastjórnarmanna
eru með sérstök eignarhaldsfélög
sem þeir nota til að rukka inn laun
fyrir vinnu sína fyrir þessi fjármála-
fyrirtæki. Það mun vera lenska að
þeir greiða sér hófleg mánaðarlaun,
á bilinu 700 þúsund til 1 milljónar, og
taka svo fjór- eða fimmfalda þá upp-
hæð út í formi arðgreiðslna í gegnum
þær lögmannsstofur sem þeir vinna
hjá. Einnig tíðkast að skilanefndar-
og slitastjórnarmenn láti starfsmenn
sem vinna á lögmannsstofunum sem
þeir eiga vinna fyrir hin gjaldþrota
fjármálafyrirtæki; þessir starfsmenn
eru á föstum mánaðarlaunum hjá
fyrirtækjum þeirra og rennur mis-
munurinn á laununum fyrir útselda
vinnu þeirra í vasa eigenda lög-
mannsstofanna.
69 milljónir í laun
Í yfirliti yfir laun skilanefndar bank-
ans og slitastjórnarinnar kemur fram
að laun þeirra sex einstaklinga sem
sitja í þeim hafi numið 69 milljónum
króna á fyrri helmingi ársins 2010.
Þetta þýðir að hver og einn þessara
starfsmanna hefur fengið 11,5 millj-
ónir króna fyrir vinnu sína við upp-
gjör búsins á þessum sex mánuðum.
Þetta gera tæpar 2 milljónir króna á
mánuði fyrir hvern starfsmann. Þetta
er 20 milljónum krónum meira en
gert var ráð fyrir í launagreiðslur til
þessara aðila samkvæmt fjárhags-
áætlun bankans.
Við þennan kostnað vegna launa-
greiðslna til skilanefndar- og slita-
stjórnarmanna bætast svo 186 millj-
ónir sem farið hafa í launagreiðslur
til annarra starfsmanna sem vinna
við uppgjör bankans. Þetta er 23
milljónum hærra en gert var ráð fyrir
samkvæmt fjárhagsáætlun bankans.
Ekki er vitað hversu margir af þess-
um starfsmönnum vinna hjá fyrir-
tækjum sem eru í eigu skila- og slita-
stjórnarmannanna sjálfra.
Annar kostnaður sem var meiri
en gert var ráð fyrir í fjárhagsáætl-
unum er kaup á þjónustu utanað-
komandi ráðgjafa. Bankinn keypti
þjónustu utanaðkomandi ráðgjafa
fyrir 112 milljónir króna á fyrri
helmingi ársins 2010 en gert var
ráð fyrir 79 milljóna króna kostnaði
við þennan lið samkvæmt áætlun-
um bankans.
Kostnaðurinn við alla þessa
þrjá liði í starfsemi bankans var því
meiri á fyrri helmingi ársins 2010
en ráðgert var.
Meiri vinna en talið var
Ástæðan fyrir því að starfsmanna-
kostnaður Icebank er hærri en
gert var ráð fyrir er sú, samkvæmt
því sem segir í glærukynningunni,
að lögbundnar launahækkanir
áttu sér stað á tímabilinu og gerð-
ir voru starfslokasamningar við
nokkra starfsmenn. „Starfsmanna-
kostnaður jókst vegna lögbund-
inna launahækkana og vegna upp-
gjörs á samningum við starfsmenn.
Starfsmannafjöldi nú er 16 en 31
starfsmaður vann hjá bankanum í
upphafi ársins,“ segir í glærukynn-
ingunni.
Önnur ástæða sem nefnd er til
sögunnar í glærukynningunni er að
kostnaður vegna kaupa á utanað-
komandi ráðgjöf jókst vegna auk-
innar vinnu við uppgjör bankans.
Af þessum upplýsingum að
dæma sést að það getur verið ábata-
samt að vinna við að gera upp
banka á Íslandi nú um stundir. Við
útgreidd laun starfsmanna þessara
gjaldþrota banka bætast svo einnig
arðgreiðslur vegna þeirra fyrirtækja
sem þeir eiga í sem og önnur laun
sem þeir kunna að vinna sér inn við
störf fyrir aðra aðila.
Uppgjörið á Icebank fór 81 milljón króna fram úr kostnaðaráætlunum á fyrstu sex
mánuðum ársins 2010. Laun skilanefndar- og slitastjórnarmanna nema tæpum tveim-
ur milljónum króna á mánuði. Kostnaðurinn vegna uppgjörsins er sagður hafa aukist
vegna mikillar vinnu við það og vegna uppgjörs á starfslokasamningum.
UPPGJÖR ICEBANK
DÝRARA EN TALIÐ VAR
ingi f. vilhjálMsson
fréttastjóri skrifar: ingi@dv.is
Starfsmanna-kostnaður jókst
vegna lögbundinna
launahækkana og
vegna uppgjörs á samn-
ingum við starfsmenn.
Dýrt uppgjör UppgjöriðáSparisjóða-
bankanumverðurdýraraenfjárhags-
áætlanirgerðuráðfyrir.AgnarHansson
varforstjóriIcebankfyrirhrun.
Rannsókn á ætluðu morðvopni tekur lengri tíma en vonast var til:
Niðurstöðuennbeðið
„Við vorum að vonast eftir því að fá ein-
hverjar niðurstöður í síðustu viku en
það varð ekki. Við verðum að sjá hvað
gerist í næstu viku,“ segir Friðrik Smári
Björgvinsson, yfirmaður rannsóknar-
deildar lögreglunnar á höfuðborgar-
svæðinu, aðspurður hvort niðurstaða
sé komin úr DNA-rannsókn á hnífnum
sem grunur leikur á að Gunnar Rúnar
Sigurþórsson hafi notað þegar hann
myrti Hannes Þór Helgason aðfaranótt
15. ágúst síðastliðins.
Hnífurinn, sem fannst í Hafnar-
fjarðarhöfn þann 6. september síð-
astliðinn, var sendur utan til rann-
sóknar og segist Friðrik vonast til
að niðurstaðan komi sem fyrst. Þá
er einnig beðið niðurstöðu úr DNA-
rannsókn á blóði sem fannst á skóm
Gunnars Rúnars. „Það er ekkert nýtt
að frétta í þeim efnum,“ segir Friðrik.
Gunnar Rúnar, sem hefur játað sök
í málinu, situr nú í gæsluvarðhaldi
vegna málsins og rennur það út þann
24. september. Aðspurður hvort farið
verði fram á framlengingu gæsluvarð-
haldsins, í ljósi þess að enn er beðið
niðurstöðu úr DNA-rannsóknunum,
segir Friðrik að venjan sé sú að í jafn
alvarlegum málum og um ræðir sitji
menn í gæsluvarðhaldi þar til dómur
gengur.
Málið verður sent til ríkissaksókn-
ara um leið og rannsóknardeildin hef-
ur lokið störfum sínum og segist Frið-
rik ekki geta sagt til um hvenær það
verður. „Það gæti tekið einhverjar vik-
ur.“
Gunnar Rúnar var handtekinn
þann 26. ágúst síðastliðinn en hann
var fyrst handtekinn skömmu eftir
morðið. Hann þekkti Hannes og unn-
ustu hans,  Guðlaugu Matthildi Rögn-
valdsdóttur, vel. einar@dv.is
játaði sök FriðriksegiraðGunnarRúnarmunisitjaívarðhaldiunsdómurgengurí
málinu.
Fyrsta haustlægðin
Lægð sem fór yfir landið á sunnudag
með tilheyrandi rigningu er fyrsta
haustlægðin, að sögn Einars Svein-
björnssonar veðurfræðings. „Það
sem gerir lægðina fyrst og fremst
að haustlægð er að hún dýpkar fyr-
ir þær sakir að kalt loft er nú í há-
loftunum í grennd við sunnanvert
Grænland. Þar er tekið að hausta og
lofthjúpurinn í veðrahvolfinu neð-
an 10 km orðinn gegnkaldur ef svo
má segja,“ segir Einar á bloggsíðu
sinni. Einar segir að næsta lægð sé
væntanleg eftir helgi en hún muni
fara austar og dýpka fyrir norðaust-
an land. „Það hefur í för með sér
norðanskot í veðrinu hér á þriðjudag
og miðvikudag. Kólnandi veður eins
og gefur að skilja og snjóa mun í fjöll
um norðanvert landið.“
Nýr sveitarstjóri
í Reykhólahreppi
Gylfi Þór Þórisson markaðsfræðing-
ur hefur verið ráðinn nýr sveitar-
stjóri í Reykhólahreppi. Hann er 43
ára að aldri og hefur bæði lokið BA-
prófi og meistaranámi í markaðs-
fræðum ásamt því að hafa stundað
eigin atvinnurekstur með eiginkonu
sinni. Að því er fram kemur á vef
Reykhólahrepps sóttu tuttugu um
starf sveitarstjóra og sex um starf
skrifstofustjóra. Þar segir jafnframt
að ekki hafi enn verið gengið frá
ráðningu skrifstofustjóra en stutt sé
í það.
Metár í fæðingum
Aldrei hafa fleiri lifandi fædd börn
komið í heiminn á Íslandi en árið
2009. Þetta kemur fram í nýjum töl-
um Hagstofunnar yfir fjölda fæðinga.
Árið 2009 fæddust 5.027 börn hér-
lendis, 2.561 drengur og 2.466 stúlk-
ur. Það eru 192 fleiri börn en ári áður,
en þá fæddust hér 4.835 börn. Áður
fæddust flest börn árið 1960 þegar
4.916 börn fæddust og árið 1959 þeg-
ar 4.837 börn litu dagsins ljós.
Flest börn utan
hjónabands
Aðeins rúmlega þriðjungur barna
á Íslandi fæddist í hjónabandi árið
2009, eða 35,6 prósent. Þetta hlut-
fall hefur haldist nokkuð stöðugt
frá því um miðjan tíunda áratug
síðustu aldar, en þá var það 36,5
prósent. Frá 1961 til 1996 lækkaði
hlutfall þeirra barna sem fæddust
í hjónabandi úr 74,3 prósentum
niður í 36,5 prósent á sama tíma
og hlutfall þeirra barna sem fædd-
ust í óvígðri sambúð hækkaði úr
13,4 í 50,9 prósent. Það hlutfall er
óbreytt árið 2009, eða 48,8 pró-
sent. Hlutfall barna sem fæðast
utan sambúðar eða hjónabands er
því nokkuð svipað og það var á ár-
unum 1961–1965. Þá fæddust 12,4
prósent allra barna utan hjóna-
bands eða sambúðar en voru 15,6
prósent árið 2009.