Dagblaðið Vísir - DV - 13.09.2010, Blaðsíða 16

16 ERLENT 13. september 2010 MÁNUDAGUR
Dómstóll í Dresden í Þýskalandi hef-
ur dæmt konu í skilorðsbundið fang-
elsi fyrir að falsa fölsuð fræg málverk
eftir falsarann Konrad Kujau, sem
frægastur var fyrir að skrifa hinar al-
ræmdu fölsuðu dagbækur Hitlers
árið 1983. Verkin sem konan keypti í
Asíu, en seldi í nafni Konrads Kujau,
eru talin hafa aflað henni 300 þúsund
evra sem jafngildir um 50 milljónum
íslenskra króna. Konan heitir Petra
Kujau og segist vera frænka Konrads.
Ótrúlegt en satt
Þetta er lygileg saga, sem eins og
blaðamaður þýska vikuritsins Der
Spiegel skrifar, hljómar eins og vand-
að gabb: Kona sem heldur því fram
að hún sé frænka Konrads Kujau,
falsarans á bak við frægasta gabb tut-
tugustu aldarinnar, dagbóka Hitlers,
hefur verið dæmd fyrir að selja fals-
aðar útgáfur af málverkum sem Kujau
málaði á ævikvöldinu, sem sjálf voru
fölsuð verk frægustu meistara mál-
aralistarinnar. Það vekur enn meiri
grunsemdir að þýska tímaritið Stern
skuli hafa skrifað langar greinar um
réttarhöldin, en það var blaðið sem
keypti dagbækur Hitlers á sínum tíma
og birti, sem endaði með stórslysi fyr-
ir ritstjórn þess. Í þetta skipti er sagan
þó sönn.
Eftirlíkingar falsverka
Eftir tveggja ára réttarhöld dæmdi
dómstóll í Dresden Petru Kujau í
tveggja ára skilorðsbundið fangelsi
og 180 klukkustunda samfélagsvinnu
fyrir að hafa keypt 300 ódýr málverk,
merkt þau með undirskrift Kujaus og
selt fyrir samtals 300 þúsund evrur.
Maki hennar og samverkamaður var
dæmdur í tuttugu mánaða skilorðs-
bundið fangelsi.
Verkin sem parið hefur nú verið
dæmt fyrir að falsa, voru, eins und-
arlega og það hljómar, eftirlíkingar af
falsútgáfum Konrads Kujau af meist-
araverkum sögufrægra listamanna á
borð við Vincent van Gogh, Claude
Monet og Paul Cezanne.
Vinsæll falsari
Konrad Kujau var dæmdur í fjögurra
ára fangelsi fyrir að hafa falsað dag-
bækur Hitlers. Þegar hann lauk fang-
elsvistinni sneri hann sér að því að
falsa opinberlega fræg málverk, en
hann var einstaklega fær málari. Þrátt
fyrir að allir vissu að málverkin væru
fölsuð keypti almenningur verk hans
fyrir háar fjárhæðir en Konrad öðlað-
ist heimsfrægð fyrir fölsunarskandal-
inn árið 1983. Hann lést árið 2000 en
fölsuðu verkin hans eru enn eftir-
sótt og seljast að meðaltali fyrir hálfa
milljón króna.
Saksóknarar í Dresden segja að
Petra Kujau og maki hennar hafi
keypt fölsuð málverk sem máluð voru
í Asíu áður en þau skrifuðu nafn Kon-
rads Kujau á þau og seldu þau. Hún
var dæmd fyrir 40 lögbrot sem hún
játaði að hafa framið.
Dagbækurnar mikið hneyksli
Vikuritið Stern birti kafla úr dagbók-
um Hitlers (eftir Konrad Kujau) í apríl
1983 eftir að blaðamaður tímaritsins
hafði fengið skjölin send en hann hélt
því fram að dularfullur maður, doktor
Fischer, hefði smyglað þeim frá Aust-
ur-Þýskalandi. Sagt var að dagbæk-
urnar hefðu fundist í flaki flugvélar
sem hrapaði í lok síðari heimsstyrj-
aldarinnar. Stern greiddi 9,3 milljónir
þýskra marka (750 milljónir íslenskra
króna) fyrir 62 bindi af dagbókunum.
Skömmu eftir að tímaritið hafði birt
kaflana sýndi rannsókn þýsku rann-
sóknarlögreglunnar fram á að papp-
írinn sem Hitler átti að hafa skrifað á
var greinilega framleiddur löngu eft-
ir stríð. Hneykslið komst í hámæli um
allan heim. Ritstjórar Stern, auk rit-
stjóra breska dagblaðsins The Sun-
day Times og bandaríska tímaritsins
Newsweek, sem birtu dagbækurnar
einnig, sögðu af sér. Konrad Kujau og
Gerd Heidemann, blaðamaður Stern,
voru hvor um sig dæmdir í fjögurra
ára fangelsi en báðir höfðu auðgast
gífurlega á svindlinu.
Þýsk kona hefur verið dæmd fyrir að falsa málverk frægasta
falsara Þýskalands, Konrads Kujau, sem falsaði árið 1983 dag-
bækur Hitlers. Hið undarlega er að málverk Kujaus eru falsaðar
eftirlíkingar meistaraverka eftir Van Gogh og Monet. Konan var
því dæmd fyrir að falsa fölsuð málverk.
FALSAÐI FÖLSUÐ VERK
Falsarinn Konrad Kujau var dæmdur
í fjögurra ára fangelsi fyrir að falsa
dagbækur Hitlers. Að lokinni fang-
elsisvistinni málaði hann eftirlíkingar
meistaraverka. Nú hefur kona verið
dæmd fyrir að búa til eftirlíkingar af
þeim falsverkum. MYND REUTERS
Dagbækur Hitlers Frægasta forsíða þýska tímaritsins Stern fyrr og síðar frá því í apríl 1983 en þá birti það brot úr dagbókum Hitlers, sem reyndust svo falsaðar. Blaðamaður Stern var dæmdur í fjögurra ára fangelsi vegna hneykslisins. Blaðið keypti dagbækurnar á 700 milljónir króna.
Fjöldamorð í
Bandaríkjunum
Stanley Neace, 47 ára, skaut til
bana sex manns eftir að hafa lent
í rifrildi við eiginkonu sína við
morgunverðarborðið. Atvikið átti
sér stað í hjólhýsagarði í hinni
strjálbýlu Breathitt-sýslu í Kent-
ucky í Bandaríkjunum.
Maðurinn elti eiginkonu sína,
Söndru, og 28 ára dóttur hennar
yfir í næsta hjólhýsi og skaut þær.
Ástæðan er talin vera sú að Stan-
ley var óánægður með að eggin
með morgunmatnum væru ekki
nægilega heit. Einnig myrti hann
fjóra nágranna sína en þyrmdi lífi
sjö ára stúlku.
Árásarmaðurinn skaut sjálfan
sig í kjölfarið.
Þrælum bjargað
í Brasilíu
95 manns, þar af mörgum ung-
mennum, var bjargað úr aðstæðum
sem líkja má við þrælahald í Brasilíu
á dögunum. Fólkið sem vann við að
höggva sykurreyr í Rio de Janeiro
hafði hvorki aðgang að hreinlætis-
aðstöðu né hreinu vatni og var látið
vinna tímunum saman án nokkurrar
hvíldar.
Skömmu áður höfðu yfirvöld
bjargað 50 manns í Minar Garais,
sem unnið höfðu við jarðarberja-
tínslu við ómannúðlegar aðstæður.
Margir þeirra voru ungmenni á aldr-
inum 15 til 17 ára sem höfðu komist
í snertingu við sterk eiturefni sem
notuð eru við jarðarberjaræktun.
Heimilislausir
reiðir McDonald's
Þegar McDonald's-staður í Haight-
Ashbury-hverfinu í San Francisco
hætti með svokallaðan dollara-mat-
seðil sagði eigandinn að slíkt væri
einfaldlega gert til þess að ná inn
meiri peningum. En heimilislaust
fólk, sem oft og tíðum stendur fyrir
utan veitingastaðinn, segir ástæðu
hækkunarinnar einfaldlega hafa ver-
ið þá að eigendurnir hafi viljað koma
þeim, hinum heimilislausu, í burtu.
Einn þeirra segist borða minna
nú þegar McDouble-borgarinn er
kominn upp í 1 dollara og 49 sent.
„Ef ég hef ekki dollara á mér og mig
langar í mat enda ég bara á því að
finna mér mat í ruslinu.“ 
Coppola þakkar
pabba sínum
Leikstjórinn Sofia Coppola fékk
fyrstu verðlaun, Gullna ljónið, á
kvikmyndahátíðinni í Feneyjum fyrir
kvikmyndina Somewhere. Kvik-
myndin fjallar um leikara sem lifir
stefnulausu lífi þar til dóttir hans
kemur til hans og sest að hjá honum.
Í kjölfarið breytist allt líf hans. Copp-
ola, sem er 39 ára að aldri, byggði
kvikmyndina Somewhere á upp-
vaxtarárum sínum en hún er eins
og margur veit dóttir leikstjórans
Francis Ford Coppola. „Ég þakka
pabba mínum fyrir að kenna mér,“
sagði hún í þakkarræðu sinni.
HELGI HRAFN GUÐMUNDSSON
blaðamaður skrifar: helgihrafn@dv.is