Dagblaðið Vísir - DV - 01.10.2010, Blaðsíða 54
54 SPORT UMSJÓN: TÓMAS ÞÓR ÞÓRÐARSON tomas@dv.is 1. október 2010 FÖSTUDAGUR
Stærsta stund golfsins hefst í dag
þegar Ryder-bikarkeppnin hefst en
þar mæta til leiks margir af bestu
kylfingum heims. Bandaríkin höfðu
sigur í fyrra í Kentucky og rufu þar
með sigurgöngu Evrópu sem hafði
unnið þrisvar í röð fyrir síðasta Ry-
der-bikar. Seinni tvö árin gjörsam-
lega niðurlægði Evrópa Bandaríkin
en í fyrra unnu heimamenn flottan
sigur. Þá var við stjórnvölinn Paul
Azinger sem fáir höfðu trú á sem
fyrirliða. Honum tókst þó að setja
saman frábært lið sem gersigraði
Evrópulið Nicks Faldo. Bandaríkja-
menn hafa þó ekki unnið í Evrópu
síðan árið 1993 þegar þeir höfðu
sigur á Belfry-vellinum á Englandi.
Það lendir á Corey Pavin, fyrirliða
Bandaríkjanna, að vinna loks aftur
sigur á evrópskri grundu.
1979 fyrsta keppni Evrópu
Ryder-bikarkeppnin var fyrst hald-
in sem sýningarmót árið 1927 milli
bandarískra og breskra kylfinga.
Það gafst svo vel að ákveðið var að
halda það á tveggja ára fresti. Til
ársins 1971 unnu Bandaríkin 16
sinnum og Bretland aðeins þrisvar.
Því var ákveðið að bæta við írskum
kylfingum og keppt þannig næstu
þrjú árin sem Bandaríkin unnu
auðveldlega.
Árið 1979 gerðu ungir spænskir
kylfingar gott mót. Því var ákveðið
að þeir myndu leika með Bretun-
um undir merkjum Evrópu í fyrsta
skiptið. Næstu þrjú ár héldu Banda-
ríkin áfram að vinna en þurftu svo
sannarlega að hafa fyrir sigrinum.
Það var af sem áður var. Það var svo
1985 að Evrópa tók völdin í Ryder-
bikarnum og hefur unnið eins og
áður segir átta af síðustu tólf mót-
um.
Pavin stýrir liði Bandaríkjanna
Corey Pavin stýrir liði Bandaríkj-
anna í ár og er það undir honum
komið að verða fyrsti maðurinn
til að landa sigri fyrir Bandaríkin í
Evrópu síðan 1993. Heilt yfir verða
Bandaríkin einfaldlega að rétta sinn
hlut en þrátt fyrir sigurinn í fyrra
hefur Evrópa haft tögl og hagldir í
Ryder-bikarnum undanfarin ár. Pa-
vin gerðist atvinnumaður árið 1984
en hann er fimmtugur. Í dag keppir
hann á mótaröð eldri kylfinga.
Pavin á að baki fimmtán sigra
á PGA-mótaröðinni og þá hefur
hann unnið eitt stórmót á ferlinum
– opna bandaríska árið 1995. Pavin
var í Ryder-liði Bandaríkjanna árin
1991, 1993 og 1995 en í fyrstu tveim-
ur keppnunum sem hann tók þátt í
unnu Bandaríkin, þar af einn sigur á
evrópskri grundu. Það hafa Banda-
ríkjamenn ekki endurtekið und-
anfarin sautján ár, og hafa þurft að
horfa upp á Evrópumenn fara með
titilinn í flugvél frá Bandaríkjunum
nokkrum sinnum.
Monty vill titilinn aftur
Hinn almenni golfáhugamaður
þekkir Ryder-fyrirliða Evrópu í ár
mun betur en Corey Pavin. Liði Evr-
ópu stýrir í ár sjálfur Colin Mont-
gomerie, hinn þrekvaxni fýlupúki.
Þó hann sé ekki alltaf með bros á
vör er Montgomerie mikill keppnis-
maður og hefur hann margoft lýst
því yfir að sigur sé það eina sem
komi til greina. Evrópa fær tækifæri
til að endurheimta bikarinn, og það
á heimavelli. Það skal gerast.
Colin Montgomerie hefur verið
atvinnumaður frá árinu 1988. Hann
hefur unnið 31 mót á Evrópumóta-
röðinni sem er fjórði besti árangur
sögunnar. Honum hefur aftur á móti
aldrei tekist, á löngum ferli, að vinna
eitt af risamótunum fjórum. Hann á
að baki glæstan Ryder-feril. Monty
hefur tekið átta sinnum þátt í Ryder-
bikarnum og haft sigur fimm sinn-
um. Nú vill hann þann sjötta.
Hvað gerir Tiger?
Besti kylfingur heims, Tiger Woods,
hefur svo sannarlega ekki spilað eins
og sá besti síðastliðin misseri. Tig-
erinn hefur sett skelfileg persónuleg
met með því að komast ekki í gegn-
um niðurskurði og vera neðarlega á
mótum sem hann er vanur að sigra
með lokuð augun. Hann komst ekki
sjálfkrafa í Ryder-liðið, en Corey Pa-
vin kom ekki mörgum á óvart með
því að velja hann í fyrirliðavalinu.
Tiger var valinn ásamt Rickie Fowler,
Zach Johnson og Stewart Cink.
„Reynsla Tigers er ómetanleg
og ef hann nær sér á strik er hann
ekki bara lykilmaður Bandaríkj-
anna heldur besti kylfingur heims.
Corey er ekki að taka neina áhættu
finnst mér með því að velja Tiger. Í
Ryder-bikarnum er keppt eftir liðs-
fyrirkomulagi og keppnisandinn og
félagsskapurinn mun hjálpa Tiger
mikið. Fyrir mitt leyti kom þetta mér
ekkert á óvart ég er bara ánægður að
sjá Tiger í liðinu,“ segir Paul Azinger,
fyrirliði Bandaríkjanna í síðustu Ry-
der-keppni.
EVRÓPA VILL BIKARINN AFTUR
Ryder-bikarinn hefst í dag. Þar leiða saman hesta sína lið Bandaríkj-
anna og Evrópu í sextánda sinn. Bandaríkin höfðu öruggan sigur í
fyrra eftir þriggja ára einokun Evrópu. Í ár stýrir Colin Montgom-
erie liði Evrópu sem hyggur á hefndir á heimavelli.
TÓMAS ÞÓR ÞÓRÐARSON
blaðamaður skrifar: tomas@dv.is
2008
VALHALLA, KENTUCKY
Bandaríkin sigra með 16,5 gegn 11,5
2006
THE K CLUB, ÍRLANDI
Evrópa sigrar með 18,5 gegn 9,5
2004
OAKLAND HILLS, MICHIGAN
Evrópa sigrar með 18,5 gegn 9,5
2002
THE BELFRY, ENGLANDI
Evrópa sigrar með 15,5 gegn 12,5
1999
THE COUNTRY CLUB,
MASSACHUSETTS
Bandaríkin sigra með 14,5 gegn 13,5
1997
VALDERRAMA, SPÁNI
Evrópa sigrar með 14,5 gegn 13,5
1995
OAK HILL, NEW YORK
Evrópa sigrar með 14,5 gegn 13,5
1993
THE BELFRY, ENGLANDI
Bandaríkin sigra með 15 gegn 13
1991
KIAWAH ISLAND GOLF RESORT,
SUÐUR-KARÓLÍNU
Bandaríkin sigra með 14,5 gegn 13,5
1989
THE BELFRY, ENGLANDI
Liðin skilja jöfn með fjórtán vinninga
hvort, Evrópa heldur titlinum þar
sem það vann árið áður
BANDARÍKIN Fjórir sigrar
EVRÓPA Fimm sigrar
Eitt jafntefli
FYRRI KEPPNIR
FYRIRLIÐI Corey Pavin.
VARAFYRIRLIÐAR Paul Goydos, Tom Lehman, Davis Love III, Jeff Sluman.
LEIKMENN Phil Mickelson, Hunter Mahan, Bubba Watson, Jim Furyk, Steve Stricker,
Johnson, Jeff Overton, Matt Kuchar, Stewart Cink (fyrirliðaval), Rickie Fowler (fyrirliðaval),
Zach Johnson (fyrirliðaval), Tiger Woods (fyrirliðaval).
Reynsla Tigers er ómetanleg og ef
hann nær sér á strik er
hann ekki bara lykilmað-
ur Bandaríkjanna heldur
besti kylfingur heims.
BANDARÍKIN
HVAÐ GERIR TIGER? Tiger hefur
lítið getað að undanförnu en Pavin
treystir á hann. MYND REUTERS