Dagblaðið Vísir - DV - 01.10.2010, Blaðsíða 33
en tiltölulega lítið hefur verið fjallað um þenn-
an anga hrunsins miðað við hversu margir töp-
uðu háum fjármunum á því að skipta við eigna-
stýringardeildir bankanna.
Gráa svæðið orðið stærra
Jón telur að dreifa þurfi ábyrgðinni vegna hruns-
ins og að ekki sé rétt að kenna ein-
göngu aðilum úr viðskiptalífinu um
það. „Ég vil benda á að það voru
ekki bara þessir aðilar sem voru fjár-
málamegin sem eru sekir. Þeir fengu
að gera þetta af því að eftirlitinu var
ábótavant. Stjórnmálamennirnir
voru með í partíinu. Það streymdu
peningar inn í ríkissjóð og ríkið gat
gert helling af hlutum, margir þeirra
voru líka einhvers staðar að græða
peninga í einhverjum dílum hér og þar. Fólk
blindaðist af græðgi. Þetta þjóðfélag fór á haus-
inn út af græðgi. Það er ekki hægt að segja bara:
„Það voru þessir strákar hérna sem gerðu þetta,“
og benda á útrásarvíkingana. Það voru líka þeir
sem réðu ferðinni sem bera ábyrgðina því þeir
pössuðu ekki upp á að allt væri innan þeirra
reglna og þeirra laga sem við settum upp.“
Jón segir að „gráa svæðið“ í viðskiptalífinu
hafi verið orðið stórt á árunum fyrir hrun. „Gráa
svæðið var orðið stærra heldur en hvíta svæð-
ið. Hér í gamla daga var gráa svæðið pínulítill
rammi utan um hvíta svæðið en svo, þegar þetta
allt saman gerðist, var gráa svæðið orðið stærra.
Þetta er vegna þess eftirlitsleysis sem einkenndi
viðskiptalífið hérna.“
Jón segir að honum finnist sorglegt að sjá að
íslenskt þjóðfélag hafi dottið aftur um þrjátíu ár
við hrunið 2008. „Íslenskt samfélag var á góðri
leið með að verða eitt flottasta þjóðfélag í heim-
inum en svo dettur það aftur um þrjátíu ár, við
erum aftur komin í gjaldeyrishöft og haftastarf-
semi. Rótin að þessu öllu er græðgi. Ég hef ekki
lagt það í vana minn þegar ég eignast pening
að fara að kaupa upp annarra manna fyrirtæki
heldur hef ég frekar reynt að búa til eitthvað nýtt.
En þegar þessir strákar sem réðu svo miklu í við-
skiptalífinu hér eignuðust peninga keyptu þeir
upp fyrirtæki hér og úti í heimi. En auðvitað er
auðvelt að vera dómari eftir á þegar maður veit
hvernig þetta fór,“ segir Jón.
seGir Glitta í haGnaðinn
Jón segir, aðspurður um hvernig IcelandicGlac-
ial gangi, að fyrirtækið hafi aukið markaðshlut-
deild sína í Bandaríkjunum mest allra vatnsfyr-
irtækja á „premium-markaðnum“. Hann segir
hins vegar að auðvitað sé fyrirtækið lítið í sam-
anburði við marga samkeppnisaðilana og að
markaðshlutdeild þess sé ekki mikil. „Þannig
að við erum alveg á fínni siglingu. En eitt sem
fólk áttar sig ekki alveg á er hvað þetta kostar.
Til dagsins í dag hefur verið fjárfest í þessu fyr-
irtæki fyrir meira en 80 milljónir dollara, meira
en tíu milljarða íslenskra króna.“ Jón segir að
að öllu óbreyttu muni vatnsfyrirtækið byrja að
skila hagnaði eftir eitt ár. „Við erum farnir að sjá
í gegnum rörið.“
Eignarhaldið á fyrirtækinu er þannig að Jón
og Kristján sonur hans eiga samtals 76 prósent
í félaginu, bandaríska drykkjavörufyrirtækið
Anheuser-Busch á 20 prósent og loks eiga nokkr-
ir litlir hluthafa þau prósent sem eftir standa. 46
vinna hjá fyrirtækinu sem er með starfsemi í
fjórum löndum, á Íslandi, Bandaríkjunum, Kan-
ada og Englandi. Jón segir að fyrirtækið sé einnig
farið inn á Kína- og Rúslandsmarkað.
Jón segir að tilkoma nýrra fjárfesta inn í fyrir-
tækið kunni hugsanlega að flýta því að hagnað-
ur verði af fyrirtækinu. Hann segir að um þessar
mundir sé hlutafjárútboð í gangi hjá fyrirtækinu
og að viðræður séu í gangi við ýmsa fjárfesta.
„Ég er búinn að vera að leita að fjárfestum til að
koma inn í þetta með okkur síðastliðinn fjög-
ur ár.“ Jón segir að sögusagnir um að fyrirtækið
standi ekki vel séu ekki á rökum reistar. „Það er
ekkert að. Við erum bara að byggja upp fyrirtæki
sem er á góðri leið með að klára sig.
Það eru hrægammar þarna úti sem
eru að tala illa um okkur. Öfundin
hefur aldrei setið á sér hér á Íslandi.“
Jón segist eingöngu ætla að ein-
beita sér að vatnsfyrirtækinu hér á
landi en ekki leggja í aðrar fjárfest-
ingar hér – hann hafnar því meðal
annars aðspurður að hann ætli að
bera sig eftir fjölmiðlafyrirtækinu
365 sem stofnað er á grunni Norður-
ljósa. „Íslenskt samfélag er í sjálfu sér ágætlega
statt þrátt fyrir þetta hrun. Það sem við köllum
fátækt á Íslandi flokkast ekki sem fátækt í öðrum
löndum. Ég trúi því að við verðum með fyrstu
þjóðum heimsins sem rífa sig upp úr þessari
kreppu.“ ingi@dv.is
föstudagur 1. október 2010 viðtal 33
„Fólk blindaðist
af græðgi“
skildi lítið í þessu Jón segist
ekki hafa botnað mikið í íslensku
viðskiptalífi á árunum fyrir hrun.
Þess vegna hafi hann haldið að
sér höndum í fjárfestingum hér á
landi og afþakkað alls kyns boð
um hlutabréfa- og fyrirtækjakaup.
mynd siGtryGGur ari
vatnið á huG hans allan Jón segist ætla
að einbeita sér alfarið að því að byggja áfram upp
vatnsfyrirtækið í Ölfusi sem framleiðir Icelandic-
Glacial. Hér sést Jón fyrir framan stæðu af vatns-
flöskum í verksmiðjunni. mynd siGtryGGur ari
Það er enginn
að mála húsið
mitt og ég get
gengið óáreitt-
ur um göturnar.