Dagblaðið Vísir - DV - 23.03.2012, Blaðsíða 8
F
járfestingarfélagið Teton, sem
greiddi 600 milljóna arð til
hluthafa sinna árið 2009 vegna
rekstrarársins 2008, sérhæfði
sig í skortstöðum á árunum fyrir
hrun. Þetta kemur fram á heimasíðu
félagsins sem tekin var niður síðla árs
2010 en hægt er að nálgast hjá vefsafni
Landsbókasafnsins. Teton græddi
rúmlega 1.150 milljónir króna á
hrunárinu og eignir félagsins rúmlega
tvöfölduðust á milli áranna 2007 og
2008.
DV greindi á miðvikudaginn
frá arðgreiðslunni, sem rann til
eignarhaldsfélaga hluthafa Teton,
Arnar Karlssonar, Vilhjálms
Þorsteinssonar og Gunnlaugs
Sigmundssonar, í Lúxemborg árið
2009. Framkvæmdastjóri Teton, Örn
Karlsson, vildi ekki greina frá því í DV
á miðvikudaginn í hverju félagið hefði
fjárfest sem leitt hefði til þessa mikla
hagnaðar. „Við kjósum að auglýsa ekki
í hverju við erum að fjárfesta hverju
sinni.“
Orðrétt segir um starfsemina á
heimasíðunni sem nú hefur verið
tekin niður: „Teton fjárfestir aðallega í
skuldabréfum, einkum ríkistryggðum,
í gjaldmiðlum og í afleiðum.
Fjárfestingarstefna þess byggir annars
vegar á mati á efnahagshorfum, á
tímabilum frá þremur mánuðum
til 2–3 ára, og hins vegar á að nýta
högnunartækifæri (arbitrage) sem
skapast á markaðnum. Félagið tekur
bæði gnóttar- og skortstöður (long og
short).“ Skortstöður gegn gjaldmiðlum
eins og íslensku krónunni eru teknar
með afleiðum, líkt og þeim sem vísað
er til í kynningartextanum um Teton.
Tekið skal fram að skortstöður eru ekki
ólöglegar.
Þekkir ekki fjárfestingarnar
Gunnlaugur Sigmundsson, einn af
hluthöfum í Teton, segist ekki vita
nákvæmlega á hverju Teton græddi
svo mikið árið 2008. Hann bendir
blaðamanni á að spyrja Örn um
fjárfestingar félagsins. „Örn er mikill
snillingur og ég hef notið góðs af því,“
segir Gunnlaugur aðspurður um
hagnað félagsins árið 2008.
Hann segir jafnframt að íslenskt
samfélag hafi notið góðs af hagnaði
Teton þetta árið þar sem félagið
hafi greitt mikla skatta þetta árið. Í
ársreikningi félagsins kemur fram að
Teton hafi greitt nærri 240 milljónir
króna í skatta þetta ár.
DV getur því ekki fengið nánari
upplýsingar um fjárfestingar Teton hjá
Gunnlaugi.
„Hvorki af né á“
Vilhjálmur Þorsteinsson segist
sömuleiðis ekki geta greint frá
því hvernig Teton hagnaðist svo
vel árið 2008. Líkt og komið hefur
fram er Vilhjálmur gjaldkeri
Samfylkingarinnar, fulltrúi í
stjórnlagaráði og stjórnarmaður í
fjölmörgum fyrirtækjum, til dæmis
CCP. „Nei, ég get engu bætt við það
sem Örn sagði í gær [þriðjudag,
innskot blaðamanns]. Hann sagði það
sem hægt er að segja um þetta mál og
gerði það mjög vel. Þannig að ég held
að ég hafi engu við það að bæta.“
Aðspurður af hverju eigendur
Teton vilji ekki greina frá því af
hverju félagið hagnaðist svo vel árið
2008, þegar íslenska krónan hrundi í
verði sem og hlutabréf og skuldabréf
íslenskra fyrirtækja fram að hruninu
þá um haustið, segir Vilhjálmur að
engin ástæða sé til þess. „Það er engin
sérstök ástæða til þess. Við þurfum
ekki að upplýsa um okkar fjárfestingar
og gerum það ekki almennt.“
Þegar blaðamaður spyr Vilhjálm að
því hvort Teton hafi tekið skortstöður
árið 2008, til dæmis gegn íslensku
krónunni, segist hann ekki munu
svara því, hvorki af né á. „Ég mun
ekki svara frekari spurningum um
fjárfestingarstefnuna eða hvað félagið
var að fjárfesta í, það er bara þess mál.“
Spurður hvort félagið hafi tekið stöðu
gegn íslensku krónunni á þessum tíma
segir Vilhjálmur að hann muni ekki
svara því. „Nei, við munum ekki tjá
okkur neitt um einstaka fjárfestingar.
Hvorki af né á.“
Ástæðan fyrir gríðarlegum
hagnaði hjá Teton á hrunárinu, þegar
íslenskir fjárfestar og fyrirtæki töpuðu
fjármunum og eignum almennt séð,
liggur því ekki fyrir.
8 Fréttir 23.–25. mars 2012 Helgarblað
„Mun verða yfirþyrmandi“
n Segja uppbyggingu á lóð Landspítalans óraunhæfa
S
amþykkt var á fundi skipu-
lagsráðs Reykjavíkurborg-
ar á miðvikudag að auglýsa
skipulag vegna bygging-
ar nýs Landspítala - háskóla-
sjúkrahúss. Fulltrúar Sjálfstæðis-
flokksins greiddu atkvæði gegn
tillögunni. Rök þeirra eru að bygg-
ingarmagn á lóðinni sé of mikið og
ekki tekið tillit til þeirra ábendinga
sem hefðu getað bætt skipulagið.
„Með skipulaginu er veitt
heimild til þess að byggingarmagn
á lóðinni verði 289 þúsund fer-
metrar. Það er fjórföldun á öllu því
byggingarmagni sem þar er fyrir.
Fulltrúar Sjálfstæðisflokks fallast
ekki á slíka óraunhæfa uppbygg-
ingu á reitnum sem mun verða
yfirþyrmandi og í engu samræmi
við þá byggð sem þar stendur nú,
hvorki á reitnum né í nærliggjandi
hverfum eins og þrívíddarmynd-
ir staðfesta,“ segir meðal annars í
bókun fulltrúa Sjálfstæðisflokks-
ins á fundinum á miðvikudag.
Vilja þeir meina að tækifærið til
að styrkja starfsemi spítalans í sátt
við eldri byggð á svæðinu glatist.
Fulltrúarnir benda á að ekki
liggi fyrir sjálfstætt mat á bygg-
ingarþoli lóðarinnar með tilliti
til framtíðarþróunar, umferðar,
stærðarhlutfalla, umhverfis, yfir-
bragðs og ásýndar. Þá sé heimild-
in sem stefnt er að því að veita til
uppbyggingar óafturkræf og muni
standa um ókomna tíð.
Magnús Skúlason, formað-
ur íbúasamtaka Miðbæjar, hef-
ur einnig gagnrýnt staðsetningu
nýs Landspítala á lóðinni og telur
að byggingarnar komi til með að
troða á sínu nærumhverfi. Í við-
tali í fréttum Ríkis sjónvarpisins í
ágúst síðastliðnum benti hann á
að gatnakerfið í miðbænum gæti
ekki tekið við þeirri umferð sem
kæmi til með að fylgja svo stórum
vinnustað sem Landspítalinn yrði
eftir stækkunina. Þá væri gert
ráð fyrir því í skipulagi að allt að
helmingur starfsfólks kæmi ann-
að hvort hjólandi eða gangandi
í vinnuna eða nýtti sér almenn-
ingssamgöngur.
Um Teton á heimasíðu félagsins
sem nú hefur verið tekin niður:
„Teton ehf er fjárfestingarfélag í eigu
þriggja einstaklinga. Það var upphaflega
stofnað um eignarhlut þeirra í Kögun hf.
en varð að sjálfstæðu fjárfestingarfélagi
eftir að Kögun var seld til Dagsbrúnar
(nú Teymi og 365) árið 2006. Teton
eignaðist þá hlut í Dagsbrún sem var
seldur aftur til þess félags skv. sölurétti
í mars 2007.
Teton fjárfestir aðallega í skuldabréfum,
einkum ríkistryggðum, í gjaldmiðlum
og í afleiðum. Fjárfestingarstefna þess
byggir annars vegar á mati á efnahags-
horfum, á tímabilum frá þremur
mánuðum til 2–3 ára, og hins vegar á að
nýta högnunartækifæri (arbitrage) sem
skapast á markaðnum. Félagið tekur
bæði gnóttar- og skortstöður (long og
short).
Teton tekur þó að jafnaði ekki gnótt-
stöður í hlutabréfum. Þá er félagið
ekki virkt í daglegri stöðutöku (day
trading). Félagið leitast við að lágmarka
skuldara- og gagnaðilaáhættu (credit
and counterparty risk).
Teton á samstarf og viðskipti við flesta
íslenska fjárfestingarbanka og mark-
aðsaðila. Bakvinnsla og úrvinnsla fer
fram hjá Kaupthing Bank Luxembourg
samkvæmt rekstrarsamningi.“
Sérhæfðu sig
í skortstöðum
n Útskýra ekki 600 milljóna arðgreiðslu Teton fyrir hrunárið 2008
„Örn er mikill
snillingur og ég hef
notið góðs af því.
Ingi Freyr Vilhjálmsson
fréttastjóri skrifar ingi@dv.is
Neitar að tjá sig Vilhjálmur Þorsteinsson neitar að tjá sig um fjárfestingar Teton árið 2008.
Félagið skilaði þá rúmlega 1.150 milljóna króna hagnaði. Gunnlaugur Sigmundsson segist ekki
vita almennilega á hverju félagið græddi. Höfuðstöðvar félagsins eru í Hellusundi 6.
Á móti tillögunni Sjálfstæðismenn segja ekki tekið tillit til ábendinga sem hefðu getað
bætt skipulagið.
Ekki er búið að finna út hvers
vegna íslenskur karlmaður endaði
inn á Facebook-notendareikning-
um annarra Íslendinga sem hann
hafði engin tengsl við þegar hann
tengdist við samskiptasíðuna í
gegnum snjallsíma. Grunur bein-
ist að vafra sem maðurinn notar
í símanum og að um villu sé að
ræða þar. Samkvæmt upplýsinga-
fulltrúa Símans, sem maðurinn
skiptir við, segir að tæknimenn
geti ekki komið í veg fyrir villuna
sé hún í vafranum en ekki í þeirra
eigin fjarskiptakerfi.
Minnst eitt annað dæmi er til
um að farsímanotendur komist
óvart inn á Facebook-notenda-
reikninga einstaklinga sem eru
þeim algjörlega ótengdir. Það var
í Bandaríkjunum en niðurstaðan
í því máli var sú að fjarskiptafyrir-
tækinu sem þjónustaði notend-
urna, bandaríska símafyrirtækið
AT&T, bæri ábyrgð á villunni. Það
er alls ekki hægt að fullyrða að
það sama sé uppi á teningnum í
tilfelli mannsins hér á landi, sem
fréttavefurinn mbl.is greindi frá á
þriðjudag.
Hvorki fulltrúar Símans né
Vodafone, sem eru tvö stærstu
fjarskiptafyrirtækin á Íslandi,
könnuðust við að þetta hafi kom-
ið upp áður hér á landi. „Okkur
langar að vita hvað mögulega
getur verið í gangi þarna og í raun-
inni eftir því sem við komumst
næst þá beinast böndin að vafra –
okkur grunar að þar liggi einhver
villa,“ útskýrir upplýsingafulltrúi
Símans. „Þetta er það sem okkar
skoðun kemst næst. Það er ekkert
hérna hjá okkur sem getur valdið
þessu og þess vegna beinist okkar
grunur þangað en það er ekki eitt-
hvað sem við getum staðfest því
við höfum ekkert með vafrann að
gera.“
Grunur starfsmanna Símans
beinist helst að vafra sem mað-
urinn var með uppsettan í snjall-
símtækinu sínu. Það fengust þó
ekki upplýsingar um það hjá upp-
lýsingafulltrúa Símans af hvaða
gerð vafrinn var en nokkrar mis-
munandi tegundir af vöfrum er
að finna í snjallsímum. Flestir
snjallsímanotendur notast við
innbyggða vafra í snjallsímum
sínum en einhverjir notendur hafa
sótt sér vafra frá aðilum sem ekki
tengjast stýrikerfunum sjálfum
eins og Opera Mini.
Ekki liggur fyrir hvernig sú villa
á að hafa komið upp eða í hverju
hún felst nákvæmlega. Það er þó
ljóst að sé rétt að netvafri í snjall-
síma mannsins hafi valdið villunni
er um mjög alvarlegan öryggis-
galla að ræða.
DV hafði samband við íslensk-
an öryggisráðgjafa en hann treysti
sér ekki til að tjá sig opinberlega
um málið þar sem hann hafði ekki
heyrt af dæmum þess að fólk hefði
fengið aðgang að upplýsingum
sem það ætti í öllum tilfellum ekki
að hafa aðgang að í snjalltækjum
sínum.
Komst inn á Facebook annarra
Óvíst hvað
olli villunni