Dagblaðið Vísir - DV - 23.03.2012, Blaðsíða 25

Erlent 25Helgarblað 23.–25. mars 2012
xxxx
n Sue Tollefsen varð ein elsta kona Bretlands til að verað móðir n xxx
x
xxx
xxx
Ísraelar
banna
of mjóar
fyrirsætur
skotinn Í höfuðið
af leyniskyttu
n Fjöldamorðinginn í Frakklandi reyndi að flýja út um baðherbergisglugga
E
ftir 32 klukkustunda
umsátursástand við íbúð hins
23 ára Mohammed Merah í
Toulouse í Frakklandi gerði
sérsveit lögreglunnar árás á
fimmtudag. Merah skiptist á skotum
við sérsveitarmennina og náði hann
að særa minnst tvo þeirra. Þegar
búið var að króa hann af reyndi hann
að flýja út um baðherbergisglugga
íbúðarinnar. Með því gaf hann færi á
sér og var hann á endanum skotinn í
höfuðið af einni af þeim leyniskyttum
sem umkringt höfðu bygginguna.
Morðin hefnd og mótmæli
Merah hafði fullyrt að hann
væri þjálfaður af al-Kaída
hryðjuverkasamtökunum. Hann
hafði gert þrjár skotárásir sem skóku
Frakkland undanfarna daga og
kostuðu sjö manns lífið. Þann 11.
mars var hermaður skotinn til bana
þar sem hann beið eftir manni sem
hann ætlaði selja mótorhjólið sitt.
Nokkrum dögum síðar voru tveir
hermenn til viðbótar skotnir til bana
og sá þriðji særður þar sem þeir stóðu
við hraðbanka. 19. mars fór Merah
að Ozar Hatora-gyðingaskólanum
í Toulouse og myrti þrjú skólabörn
og kennara með því að skjóta þau
af stuttu færi. Ótti og harmur greip
um sig í Frakklandi en fljótlega
tókst að hafa upp á hinum grunaða,
Mohammed Merah.
Hann gaf þær skýringar á
fjöldamorðunum að hann væri
að hefna palestínskra barna og
mótmæla hernaðaraðgerðum
Frakka erlendis. Eftir því sem leið á
fimmtudaginn tók atburðarásin að
skýrast.
Skotinn í höfuðið af skyttu
Saksóknarinn Francois Molinas
staðfesti á blaðamannafundi að
leyniskytta hefði skotið Merah
þegar hann reyndi að flýja út um
baðherbergisglugga á íbúðinni. Hann
var klæddur í skothelt vesti og þá
voru efni til að búa til Mólotovkokteil
á svölum íbúðarinnar. Molinas
sagði að Colt 45-skammbyssa hafði
fundist við lík Merah og er talið að
hann hafi skotið minnst 30 skotum
að sérsveitarmönnum eftir að
þeir lögðu til atlögu inn um dyr og
glugga íbúðarinnar. Sérsveitarmenn
byrjuðu á að kasta handsprengjum
inn í íbúðina og lögðu síðan til
atlögu. Þeir fundu Merah þó hvergi
við fyrstu athugun og snéru þeir sér
því að baðherberginu af varkárni
þar sem þeir óttuðust að hann
kynni að hafa komið fyrir gildrum
í íbúðinni. Þegar þeir voru komnir
að baðherbergishurðinni ruddist
Merah út og hóf að skjóta á mennina
úr tveimur byssum.
Tók myndbönd af morðunum
Molinas staðfesti einnig að Merah
hafði tekið allar árásir sínar og morð
upp á myndband en fréttir höfðu
borist af því að hann ætlaði sér að
birta myndböndin á netinu. Hann
sagði að hald hefði verið lagt á þessi
myndbönd. „Þau eru afskaplega
hrottafengin.“
Nicolas Sarkozy, forseti
Frakklands, sagði að allt hafi verið
reynt til að ná Merah lifandi.
Ákvörðun hafi hins vegar verið
tekin um að ráðast til atlögu þegar
ljóst var að fleiri líf voru í hættu.
Sarkozy boðar hertar aðgerðir gegn
þeim sem heimsækja haturs- og
hryðjuverkaheimasíður á netinu
sem og gegn þeim sem ferðuðust
til útlanda til að mennta sig í
hryðjuverkum.
Forsetinn lýsti því yfir í
sjónvarpsávarpi að nú færi í gang
rannsókn til að komast að því hvort
Merah ætti sér vitorðsmenn.
„Frakkar ættu ekki að leyfa
reiðinni að taka völdin. Múslimavinir
okkar höfðu ekkert með þessar sjúku
aðgerðir þessa hryðjuverkamanns að
gera. Við skulum ekki brennimerkja
tiltekinn hóp út frá þessu,“ sagði
forsetinn.
Sigurður Mikael Jónsson
blaðamaður skrifar mikael@dv.is
„Frakkar ættu ekki
að leyfa reiðinni að
taka völdin.
Myrti sjö Mohammed
Merah var skotinn í
höfuðið af leyniskyttu er
hann reyndi að flýja út
um baðherbergisglugga
íbúðar sinnar.
Sérsveitin Sérsveitarmenn lögðu til atlögu eftir 32 klukkustunda umsátur um íbúð Merah.
Þeir komust í hann krappan þar inni.
Í SAMSTARFI VIÐ:
TÓNLISTARVEISLA
Í HÖRPU
SUMARDAGINN
FYRSTA
MIÐASALA
HEFST Í DAG Á
HARPA.IS