Dagblaðið Vísir - DV - 23.03.2012, Blaðsíða 52
Hvað er að
gerast?
Laugardagur
Föstudagur
24
mar
23
mar
Hungurleikarnir
Kvikmyndin The Hunger Games
verður frumsýnd í bíóhúsum
landsins en myndin fjallar
um Katniss sem tekur þátt
í Hungurleikunum í rústum
Bandaríkjanna. Leikarnir eru að
hluta til afbrigðileg skemmtun
og að hluta til kúgunartæki
stjórnvalda. Þar er keppendum att
saman þangað til að aðeins einn
þeirra stendur uppi lifandi.
Músíktilraunir 2012
Músíktilraunir hefjast í kvöld
en úrslitakvöldið verður 31.
mars. Sú nýbreytni verður á
undankvöldunum að gestasveitir
spila í
dómarahléi
en þar munu
t.d. Sóley, Sing
Fang og Svavar
Knútur troða
upp. Fyrsta
úrslitakvöldið er
í kvöld í Austurbæ og hefst veislan
klukkan 18.
The Beatles og Do Re Mi
Árlegu þematónleikarnir verða
haldnir í Salnum í Kópavogi. Öll at-
riði tónleikanna eru eftir félagana
í The Beatles og
eru eingöngu
flutt í samspili
af nemendum
Tónskólans Do
Re Mi. Tónlistin
er órafmögnuð
og taka yfir
90 nemendur skólans þátt í tón-
leikunum. Miðaverð er 1.000 krónur
fyrir fullorðna. Fyrri tónleikarnir
eru klukkan 13 og seinni tónleik-
arnir klukkan 14.30.
Útgáfutónleikar Tríó
Glóða
Tríó Glóðir flytur lög af fyrstu
breiðskífu sinni, Bjartar vonir. Lögin
á plötunni eru öll eftir Oddgeir
Kristjánsson frá Vestmannaeyjum
en platan var unnin í tilefni 100 ára
fæðingarafmælis Oddgeirs. Tríó
Glóðir samanstendur af Hafsteini
Þórólfssyni söngvara en hann er
barnabarnabarn Oddgeirs. Jón
Gunnar Biering Margeirsson spilar
á klassískan gítar og Ingólfur
Magnússon spilar á kontrabassa.
Að auki ljær Sigríður Thorlacius
söngkona rödd sína í nokkrum
lögum. Tónleikarnir verða klukkan
18 í Fríkirkjunni í Reykjavík.
Miðaverð er 2.000 krónur.
Glerdýrin
Önnur sýning af Glerdýrunum
eftir Tennessee Williams í
uppsetningu Fátæka leikhússins,
verður í Þjóðleikhúsinu klukkan
15. Miðaverð er 2.000 krónur.
Leikstjóri er Heiðar Sumarliðason.
The Expendables 2
Kvikmyndin The Expendables
2 verður frumsýnd á Íslandi.
Handritið er eftir Sylvester
Stallone og Dave Callaham
en Stallone leikur einnig eitt
aðalhlutverkanna.
52 23.–25. mars 2012 Helgarblað
„Sorinn beint í æð“ „Banvænar brekkur,
flottur leikur“Menning
m e n n i n g @ d v . i s | d v . i s / m e n n i n g
Svartur á leik
Kvikmynd
SSX
Tölvuleikur
Nóg um að vera Það
er nóg að gera hjá hljóm-
sveitinni Retro Stefson.
Unnsteinn segir þetta
vera það skemmtileg-
asta sem hann gæti verið
að gera. myNd sigtryggur ari
„Þýðir ekkert að væla“
M
aður er að gera
það sem margir
myndu helst óska
sér að vera að
gera þannig það
þýðir ekkert að væla. Fyrir
mann eins og mig þá er þetta
það skemmtilegasta sem ég
gæti gert. Margir sem eru
í þessu vilja alltaf vera að
gera eitthvað stærra. Spila á
stærri sviðum og fyrir fleira
fólk, svo þegar það gerist þá
vilja þeir enn stærra svið og
enn fleira fólk og eru aldrei
ánægðir. Þá er betra bara að
njóta sín,“ segir Unnsteinn
Manuel Stefánsson, forsprakki
hljómsveitarinnar Retro
Stefson. Hljómsveitin
er nýkomin heim af
tónlistarhátíðinni South by
Southwest sem haldin var í
Austin í Texas.
Fyrsta skipti í
Bandaríkjunum
„Við fengum mjög fín viðbrögð
en ég veit ekki með tilboð.
Held að það séu allir bara enn
að vakna eftir þessa hátíð,“
segir Unnsteinn. Hátíðin er
stór og margar hljómsveitir
koma fram á henni. Þar eru
líka fjölmargir umboðsmenn
og útsendarar sem eru á
höttunum eftir hæfileikaríku
tónlistarfólki.
Unnsteinn segir Texas-
búa og aðra gesti hátíðarinn-
ar hafa tekið vel í tóna Retro
Stefson. „Þetta var bara mjög
fínt. Ég var að koma til Banda-
ríkjanna í fyrsta skipi en þetta
var náttúrulega Texas og fólk
hefur sagt við mig að ég eigi
ekki að dæma Bandaríkin eftir
Texas. Ég veit ekki hvenær við
spilum aftur í Bandaríkjunum,
það er svo mikil pappírsvinna
sem fylgir því, þarf að sækja
um atvinnuleyfi og alls konar
svona.“
Ekkert djamm í texas
Hljómsveitin leigði sér hús
meðan á hátíðinni stóð.
Ásamt þeim fór íslenska
hljómsveitin Of Monsters
and Men líka út. „Það var
frekar rólegt prógramm hjá
okkur miðað við margar aðrar
hljómsveitir. Við vorum að
spila á einum tónleikum fyrsta
daginn, fengum svo frí í einn
dag og héldum svo þrenna
tónleika. Þetta var frekar langt
ferðalag, tók okkur tvo daga að
komast þangað. Þetta var bara
vinnuferð við vorum ekkert
að djamma þarna eða neitt
þannig,“ segir hann.
Hljómsveitin sótti um í
fyrra að fá að spila á hátíðinni.
„Það getur hvaða hljómsveit
sem er sótt um að spila þarna
en það er mjög dýrt að fara
og ekki allar hljómsveitir sem
fara á endanum.“
Nóg af verkefnum
Það hefur verið nóg um að
vera hjá ungmennunum í
Retro Stefson undanfarin ár.
Mikið vatn hefur runnið til
sjávar síðan þau byrjuðu að
glamra saman á hljóðfæri
í Austurbæjarskólanum
barnung að aldri. Í dag rís
frægðarsól þeirra hratt og
verkefnin eru næg. „Við
höfum verið að spila mikið
úti, erum að fara kannski
svona tvisvar í mánuði
eitthvert út að spila,“ segir
Unnsteinn. Þeirra aðalstarf
í dag er því tónlistin en
Unnsteinn segir þau sum
taka að sér aukavinnu þegar
þau eru heima. „Logi bróðir
er stundum að dj-a og
Haraldur Ari fær stundum að
hjálpa til í leikhúsinu, meðal
annars.“
Bræðurnir rífast
Hljómsveitin hefur ferðast
víða. „Við höfum spilað
mikið í Evrópu. Það er alltaf
skemmtilegast að spila
þar sem við höfum fengið
einhverja útvarpsspilun og
fólk þekkir tónlistina. Við
höfum einu sinni lent í því
að það voru bara 12 manns á
tónleikum hjá okkur. Það var
samt ekkert hræðilegt því að
þetta fólk þekkti allt tónlistina
og var kannski búið að vera
að hlusta á okkur lengi. Þetta
voru eiginlega skemmtilegustu
tónleikarnir í ferðinni.“
Unnsteinn viðurkennir
að hljómsveitarmeðlimir fái
stundum leið hver á öðrum
verandi svona mikið saman.
Þau rífist þó ekki eða sláist,
fyrir utan kannski bræðurna
Unnstein og Loga. „Það rífst
enginn nema ég og Logi, en
það er ekkert nýtt, við höf-
um alltaf rifist,“ segir hann
hlæjandi en Logi er yngstur
„Það tók okkur
þrjú ár að
semja eitt lagið okkar
og svo kemur annað
bara á einum degi.
Fer bara eftir hvort
maður er í stuði eða
ekki.
með dollara Hér eru bræðurnir Logi og Unnsteinn með dollara í nýafstaðinni tónleikaferð.
Kleinuhringir Hljómsveitarmeðlimir nutu alls þess sem Bandaríkin hafa
upp á að bjóða í ferð sinni út.
Hljómsveitin Retro Stefson er á fullri sigl-
ingu þessa dagana og nóg af verkefnum
framundan. Stefnt er á að senda frá sér
plötu í haust en fyrsta lag plötunnar hefur
nú þegar slegið í gegn.