Dagblaðið Vísir - DV - 23.03.2012, Blaðsíða 56

56 Lífsstíll 23.–25. mars 2012 Helgarblað
Á
mörgum vinnustöðum er sá
háttur á að starfsmenn taki
sé kaffihlé og setjist niður
með vinnufélögunum. Þetta
er fín leið til að spjalla um
aðra hluti en vinnuna og styrkir
oft böndin á milli starfsmanna.
Áður fyrr fékk fólk sér einungis
kaffi en nú er það æ algengara að
bornar séu á borð kökur eða annað
bakkelsi. Margir eiga þá erfitt með
að neita sér um kökusneiðina og
borða jafnvel alltaf aðeins of mikið
og meira en þeir í raun hafa lyst á.
Það sem gerist á þessum tíma
dags er að blóðsykurinn fellur
og þá á fólk til að leita í sætindi.
Vissulega vita flestir að mun
skynsamlegra er að vera með
hollt nesti í millimál til að komast
hjá þessu en við erum ekki alltaf
eins skynsöm og við ættum að
vera. Hér eru leiðbeiningar til að
forðast sætindin en þær má finna á
politiken.dk.
Þinn líkami – þín ábyrgð
Þú verður að átta þig á því
að það er aðeins ein manneskja
sem ákveður hvað fer ofan í þig og
það neyðir enginn ofan í þig mat.
Það getur verið erfitt að neita sér
um kökuna í kaffitímanum, þar
sem maður vill ekki vera öðruvísi.
Ef þú óttast að vinnufélagi móðgist
ef þú afþakkar sneið þá er gott ráð
að láta vinnufélagana bara vita að
þú sért að reyna að skera niður í
sykrinum.
Í 100 grömmum af vínarbrauði
eru 410 hitaeiningar sem er stór
hluti af þeim hitaeiningum sem
þú þarft yfir daginn.
Taktu frumkvæði
Þú gætir virkað örlítið
ofstækisfull/ur ef þú skellir gulrót
á borðið á meðan hinir gæða sér
á köku eða öðrum sætindum.
Vinnufélagarnir munu þó alveg
skilja það.
Þú gætir einnig reynt að fá þá
til að skapa nýjar venjur svo sem
að hafa sætindi á boðstólum inn á
milli. Taktu frumkvæðið og reyndu
að fá þá með þér í hollara mataræði.
Það er ekki alltaf auðvelt og mun
ekki alltaf vekja lukku en sýndu
ákveðni og reyndu að standa af þér
hæðnisglósur. Þær ganga yfir og á
endanum þegar vinnufélagarnir
sjá þig borða gulrætur eða annað
grænmeti eða ávexti sem millimál
munu þeir jafnvel á endanum fara
að gera slíkt hið sama.
Gulrætur innihalda næstum
engar hitaeiningar en eru mettandi
og tilvalið millimál.
Haltu blóðsykrinum
stöðugum
Maður verður að borða reglulega
til þess að missa ekki alla orku.
Þannig kemur þú líka í veg fyrir
sykurþörfina illræmdu. Það er líka
fljótt að komast í vana að fá sér
sykur um eftirmiðdaginn.
Fáðu þér eina grófa
rúgbrauðssneið eða hrökkbrauð
með mögru áleggi eða fitulitlum
osti á milli mála. Það getur einnig
verið ávöxtur, hnetur, möndlur eða
rúsínur. Það er hægt að kaupa poka
með þurrkuðum ávöxtum í flestum
verslunum, sem er hollari kostur en
sætindi með kaffinu.
Finndu hollari kost
Í staðinn fyrir kökur og önnur
sætindi með kaffinu er mælt með því
að önnur og hollari matvæli séu bor-
in á borð. Ef maður hefur ekki náð að
sannfæra vinnufélagana um að neyta
hollara kaffimeðlætis, verður maður
að koma sjálfur með veitingarnar.
Ef þið ætlið að hafa það huggulegt
í kaffihléinu er gott ráð að koma með
disk fullan af niðurskornum litríkum
ávöxtum. Þeir virka meira spennandi
þannig.
Best væri ef vinnustaðurinn keypti
daglega ávexti fyrir starfsmenn sína.
Þar með er tryggt að starfsmenn fái
uppfyllta þörf fyrir eitthvað sætt en á
sama tíma eru þeir hvattir til þess að
taka upp hollara mataræði. Þetta snýst
oft einungis um það að narta í eitthvað.
Forðastu sætindin
Ef þú heldur þig líkamlega
fjarri sætindunum ertu búin/n að
taka fyrsta skrefið. Ef þú þarft að
standa upp og fara þangað sem sæ-
tindin eru ætti staðfestan að vera
næg til að stoppa þig af. Ef þú ert
staðsettur í opnu rými ásamt starfs-
mönnum sem eru mikið fyrir sæ-
tindin og eru iðulega með eitthvað á
borðinu hjá sér, biddu þá vinsamlega
um að hafa sælgætið á minna áber-
andi stað og jafnvel ofan í skúffu.
Ef þú ert nammigrís er það nánast
tímaspursmál hvenær þú gefst upp
og nærð þér í mola.
Af hverju viltu tileinka þér
hollara mataræði? Hvað
viltu ná fram með því? Hver eru
markmið þín? Hvað hvetur þig
áfram?
Það er mikilvægt að þú vitir svörin
við þessum spurningum, sér í lagi
þegar þú stendur frammi fyrir
freistingum. Gott ráð er að skrifa
þau niður á blað og hengja það
upp við skrifborðið þitt. Jafnvel svo
að vinnufélagarnir sjái það en það
hjálpar þeim að skilja hve mikilvægt
þetta er fyrir þig.
Þó þú náir ekki að breyta
hugarfari allra á vinnustaðnum þá
er mikilvægt að þú haldir sjálfri/
sjálfum þér á réttri braut og frá
sætindunum.
Haltu þig frá sætindum í vinnunni
n Það er freistandi að fá sér sætindi með kaffinu n Taktu hollan millibita með í vinnuna
1
2
3
4
5
6
Eftimiðdagskaffið Það getur verið erfitt að neita sér um kökusneið með
vinnufélögunum.
AUSTURSTRÆTI 8 - 10 • SÍMI 534 0005
OPIÐ ALLA DAGA
Ekta leður skór 10 litir
Strærðir 35-40 Verð 14.800 kr.