Dagblaðið Vísir - DV - 23.03.2012, Blaðsíða 40

40 Brúðkaup 23.–25. mars 2012 Helgarblað
Verður eins og
álfadrottning í
Dimmuborgum
S
tóri dagurinn verður 16.
júní og athöfnin fer fram í
Dimmuborgum,“ segir Em-
ilía Örlygsdóttir sem mun
giftast Ómari Erni Hauks-
syni í sumar. Emilía og Ómar Örn
hafa verið saman í fimm ár og eiga
þrjú börn sem heita Garpur, Úlfur og
Valva.
Bónorðið var að Emilíu sögn afar
rómantískt. „Við vorum svo sem
nokkurn veginn búin að ákveða að
við ætluðum að gifta okkur næsta
sumar. En svo vorum við niðri í fjöru
á Eyrarbakka í roki og rigningu í
haust þegar ég fékk formlegt bónorð.
Það var mjög fallegt en við vorum að
koma úr jarðarför afa hans Ómars
sem var frá Eyrarbakka og höfðum
því fengið pössun fyrir börnin sem
eru nánast alltaf með okkur annars,“
segir hún og bætir við að þar sem
hann hafi séð um bónorðið fái hún
að sjá að mestu um að skipuleggja
brúðkaupið. „Ég, mamma og
tengdamamma erum á fullu og það
hefur komið mér á óvart hvað mér
finnst þetta gaman. Ég hélt að ég væri
alltof jarðbundin fyrir svona mikið
tilstand. Það er svo margt sem þarf
að huga að og mun meira en ég gerði
mér grein fyrir. En þegar eitthvað
sem ég hef séð fyrir mér hefur ekki
gengið upp er það bara leyst öðruvísi
og hingað til hefur mér alveg tekist
að halda ró minni en kannski verð
ég æstari þegar nær dregur,“ segir
Emilía og hlær.
Emilía er frá Húsavík og þar
verður veislan haldin. Hún segist
halda mikið upp á Dimmuborgir og
því hafi sá staður orðið fyrir valinu
fyrir athöfnina. „Við þurftum samt
að fá leyfi því þær eru friðlýstar. Við
ætlum að vera á Hallarflöt því það
er stutt að ganga þangað og ekki of
erfitt fyrir eldri gestina,“ segir Emilía
og bætir við að Bolli Pétur Bollason
ætli að gifta þau.
Emilía fann kjólinn á netinu en
hann er hvítur og alveg síður en
annars frekar látlaus. Skórnir eru
hins vegar hárauðir. „Mamma færði
mér nokkur brúðarblöð til að skoða
sem mér fannst fyrst mjög fyndið en
svo hef ég alveg fengið hugmyndir
úr þeim. Þar sá ég meðal annars
mynd af konu í rauðum skóm við
svona hvítan kjól og fannst það strax
mjög flott. Tengdamamma ætlar svo
að sauma á mig hvíta skikkju með
stórri hettu svo ég verð örugglega
eins og álfadrottning þarna í
Dimmuborgum. Ég er allavega viss
um að ég verði mjög sæt enda verð
ég að vera það því maðurinn minn
er svo sætur,“ segir hún og bætir við
að Ómar Örn hafi þegar fundið sér
jakkaföt og nýja strigaskó. „Það voru
ekki allir sáttir við strigaskóna til að
byrja með en hann var í Converse-
skóm þegar ég fann hann svo það
kemur ekkert annað til greina en að
hann sé í Converse þegar ég giftist
honum. Þarna verða allir sem okkur
þykir vænst um og þetta verður
örugglega mjög gaman. Ég er líka
svo ofboðslega skotin í manninum
mínum og hlakka svo til að gera þetta
með honum.“
indiana@dv.is
n Emilía valdi sér eldrauða skó við látlausan kjólinn
Rauðu skórnir Emilía
hefur skemmt sér vel í
brúðkaupsundirbúningnum.
Óhefðbundnar kökur
n Ferskar hugmyndir
K
ökur þurfa ekki að vera með
hefðbundnu sniði og brúð-
hjón ættu frekar að huga að
eigin óskum og þörfum. Þung-
ar brúðartertur á þremur hæðum eru
ekki endilega lausnin. Turn úr súkk-
ulaðitrufflum er tilvalinn fyrir algera
matgæðinga og gott að gæða sér á
súkkulaðinu með gæðakampavíni.
Þá er móðins að hafa sneiðar eða
litlar kökur eins og Ásgeir Sandholt
bakari bendir á og hægt að blanda
saman bollakökum og hefðbundinni
tertu. Litirnir þurfa heldur ekki að
vera hvítir eða kremað-
ir og um að gera að leyfa
litagleðinni að njóta sín.
Truffluturn
Girnilegur á að líta og alls ekki gerður til þess að standa úti í sól.
Tilbúnar sneiðar eða pæ Það er góð hugmynd að raða kökusneiðum á bakka svo gestir þurfi ekki að skera sér sneið.
Makkarónur Litríkar og sykursætar
makkarónur eiga alltaf við.
Bollakökukaka Hér er
blandað saman bollakökum
og hefðbundinni brúðartertu.
Fyrir hönnuði og litaglaða
Þessar brúðartertur eru
skemmtilegur leikur að litum.
www.duxiana.is ÁRMÚLa 10 108 Reykjavík s:568 9950