Dagblaðið Vísir - DV - 23.03.2012, Blaðsíða 32

32 Brúðkaup 23.–25. mars 2012 Helgarblað
Ódýr veisla að hætti Ikea
n Hugvit og sköpunargleði skipta meira máli en góð fjárráð
S
ænski stílistinn Lo Bijurulf
notaði einfaldar og ódýrar
vörur frá Ikea og hannað
þrenns konar brúðkaup í
mismunandi þemum. Eitt þemað
var bóhemískt brúðkaup, haldið
í hlöðu eða sveit, annað í anda
Parísar, borgar ástarinnar, og
enn eitt þar sem áherslurnar
einkennast af naumhyggju með
origami-pappírsskrauti og fallegu
postulíni. Lo minnir á að hugvit
og sköpunargleði eru líklegri til
árangurs en óþarfa fjáraustur.
Það má útbúa fallega veislu
sé fegurðarskynið gott. Með
stílbrögðum Lo eru svo birtar
tillögur Leifs Mannerström, frægs
sænsks matgæðings, að matseðli
við hvert þema. Þetta má skoða á
sænskri heimasíðu Ikea.
H
afi einhver áhyggjur af
stóra deginum og þeim
þúsund hlutum sem geta
farið úrskeiðis þegar velja
á maka til að fylgja allt
til enda, er gott að líta til reynslu
annarra. Í þeim tilgangi höfum við
safnað saman nokkrum af verstu
hjónavígslum íbúa Sápulands.
Lesendur geta þannig velt sér upp
úr óförum annarra án samviskubits
þar sem persónurnar sem hér
um ræðir eru ekki til. Forðast skal
fram í rauðan dauðann að segja
allra hörðustu aðdáendum sápa
að persónurnar sem um ræðir séu
skáldaðar.
Martha og Reggie, Days of Our
Lives, árið 1987
Þættirnir hafa ekki verið sýndir
hér á landi en allra klikkuðustu
sápusjúklingar þekkja vel til
þeirra. Þá eru þættirnir íslenskum
sjónvarpsáhorfendum ekki alveg
ókunnir enda fór Friends-persónan
Joey Tribbiani um tíma með stórt
hlutverk í þáttunum. Árið 1987 voru
þau Martha og Reggie gefin saman.
Brúðkaup eru nánast daglegt brauð
í Sápulandi en hjónavígsla þeirra
Mörthu og Reggie var sérstök fyrir
þá sök að bæðu eru þau hundar.
Brúðkaupið var þó meðhöndlað
jafn alvarlega og hver önnur
hjónavígsla með blómastúlku,
presti og brúðkaupssöng.
Alan Quartermaine og Lucy
Coe, General Hospital, árið
1990
Hjónavígslu Alans og Lucy minnast
aðdáendur þáttanna fyrst og fremst
fyrir rauða brúðarkjólinn sem Lucy
klæddist við vígsluna. Persóna Lucy
í þáttunum er þekkt fyrir flest annað
en giftingar í þágu ástarinnar. Að
öðlast peninga og völd er það sem
vakir víst oftast fyrir henni. Það
átti sinn þátt í að Lucy lét rugling í
brúðarkjólaversluninni ekki stöðva
inngöngu sína í Quartermaine-
fjölskylduna og gifti sig því í kjólnum
rauða.
Ridge Forrester og Dr. Taylor
Hayes, Glæstar vonir, árið 1992
Að vanda er það ekki ástin fyrst
og síðast sem ræður hverjir
eru gefnir saman. Íslenskir
sjónvarpsáhorfendur ættu að þekkja
vel til Forrester-fjölskyldunnar
í þáttunum Glæstum vonum.
Óhætt er að fullyrða að til séu þau
fjölskylduveldi sem hafa verið
heppnari þegar kemur að vali á
maka og hjónavígslum. Árið 1992
var eitt þeirra skipta sem Ridge
fór á skeljarnar og bað Taylor um
að giftast sér. Þótt aðstæður væru
rómantískar vakti annað fyrir Ridge,
sem fyrst og fremst vildi tryggja að
Brooke, fyrrverandi eiginkona hans
við fjölmörg tækifæri, skildi ekki við
föður hans, Eric Forrester.
Það varð hjónabandi þeirra
Taylor til falls að þessu sinni að
Brooke stormaði inn í kirkjuna og
ætlaði sér að stöðva hjónavígsluna
en var of sein. Taylor og Rigde voru
vígð hjón. Það er svo kaldhæðni
að hætti Sápulands að barnið sem
Brooke taldi að Ridge ætti var svo
ekki hans.
Kate Sanders og Cord Roberts,
One Life to Live, árið 1987
Fátt drepur stemninguna í brúð-
kaupi jafn hratt og að fyrrverandi
eiginkona brúðgumans sem all-
ir töldu látna birtist á kirkjugólf-
inu með ungbarn – sem eiginkonan
fyrrverandi fullyrðir að sé afkvæmi
brúðgumans. Þótt við sem búum í
raunheimum þekkjum ekki mörg
dæmi um atvik sem þessi eru þau
algengari en margan grunar í Sápu-
landi. Tina, fyrrverandi eiginkona
Cords, var ekki langt frá því að enda
hjónaband Kate og Cords áður en
það hófst. Það var ekki fyrr en í rétt-
arhöldum yfir Tinu, þar sem hún var
sökuð um manndráp, sem karma
skall eins og blaut tuska framan
í Tinu og hið sanna kom í ljós. Í
réttar höldunum lagði saksóknari
fram gögn sem sönnuðu að Tina
hafði logið til um faðerni barnsins.
Sheila Carter og Eric Forrester,
Glæstar vonir, árið 1993
Forrester-fjölskyldan var ekkert
sérstaklega sátt við Sheilu enda
snarbrjáluð hjúkka á flótta undan
löngum armi laganna. Forrester-
fjölskyldan klæddist raunar
svörtu í brúðkaupinu til að sýna
vanþóknun sína á hjónabandinu.
Öll sápuóperuillmenni sem vilja
láta taka sig alvarlega eiga að
sjálfsögðu erkióvin sem fátt annað
hefur við tímann að gera en að
leggja stein í götu þeirra. Sheila er
að sjálfsögðu engin undantekning
á þessari reglu. Á brúðkaupsdaginn
birtist Lauren, refsinorn Sheilu, og
hótaði að fletta ofan af Sheilu hætti
hún ekki við brúðkaupið. Sheila lét
undan þrýstingnum og skildi Eric
eftir í sárum. Hjúkkan klikkaða
virðist þó ekki alveg hjartalaus
enda snéri hún aftur til kirkjunnar
seinna um kvöldið, grátbað Eric um
að fyrirgefa sér og þau hjónakornin
giftu sig með hraði.
Hafi áhorfendur á þessum
tímapunkti ekki verið komnir með
hjartatruflanir af spenningi var
færi á að fylgjast með uppgjöri
Sheilu og Stephanie Forrester,
fyrstu eiginkonu Erics. Stórfenglegt
sjónvarp!
Phillip Spaulding og India von
Halkein, Leiðarljós, árið 1984
Phillip Spauldin er það
sem í raunheimum kallast
hjónabandssafnari, þótt í
sápuheimum væri honum eflaust lýst
sem hefðbundnum íbúa úthverfis
sem aðhylltist traust og gamaldags
gildi. Af hjónabandsbunka Phillips
var tímabilið með Indiu líklega
það allra versta. Hér er mikilvægt
að gleyma ekki að fyrrverandi
eiginkona hans, Blake, skaut hann.
India var staðráðin í að tryggja sér
sneið af auðæfum Phillips. Þrátt
fyrir stórkostlega vöntun á ást í
hjónabandinu er óhætt að segja að
límið hafi verið til staðar. India hafði
nefnilega undir höndum upptöku
þar sem Phillip játaði sinn þátt í
að sprengja upp klúbb í bænum
Springfield.
Svik, sápa, gæludýr
og hjónabandssæla
n Hjónavígsluþjáningar uppskáldaðra persóna
Glæstar vonir Fjölskylda Erics Forrester
klæddist svörtu í brúðkaupi sínu og Sheilu
Carter.
India von Halkein og Phillip Spaulding Af hjónabandsbunka Phillips var tímabilið
með Indiu líklega það allra versta.
1. Rómantískt frí á Ítalíu
Þeir sem hafa horft á myndina Roman
Holiday með Audrey Hepburn í
aðalhlutverki geta gert sér í hugarlund
rómantíkina. Frá sjávarsíðum til innsveita
er Ítalía hið kjörna land að ferðast til.
2. Tahiti
Tahiti fær
fjöldamörg
atkvæði sem
hin mesta
paradís í augum
brúðhjóna sem
njóta hárra
fjalla, kóralrifja
og fagurra
stranda.
3. París
Borg ástarinnar er París,
trufflur, kampavín og
rölt að Eiffelturninum
er ógleymanleg og
hástemmd rómantík.
4. Maui, Hawaii
Þeir allra ævintýragjörnustu vilja
hugsanlega skreppa til Hawaii. Mögnuð
náttúra þar sem enn lifa eldfjöll og hægt
að dansa á ströndinni með kokteil og
blómakransa.
5. Vínsmökkun í
Napa
Nýgift hjón
flykkjast til Napa
í Kaliforníu í
rómantískt frí.
Vínsmökkun virðist
heilla og sólskinið í
Kaliforníu spillir síst fyrir.
6. St. Lucia í
karabíska hafinu
Hitabeltiseyjan St.
Lucia í karabíska hafinu
fær fjölda atkvæða
ástfanginna og nýgiftra.
Hún er álitin paradís
elskenda, þar eru regnskógar,
eldfjall og áhugavert landslag.
7. Fídji-eyjar
Fídji-eyjar í Suður-
Kyrrahafi eru vinsæll
áfangastaður. Kóralrif
og fallegar strendur og
afslappað andrúmsloft
laðar að fjölda hjóna á ári hverju.
Topp sjö
áfangastaðir
brúðhjóna
Brúðhjón mega ekki sleppa því
að fara saman í ævintýralegt frí.
Margir velja að hafa veisluna
minni og ferðalagið stærra og
fagna ástinni með því að upplifa
ævintýri á framandi slóðum.
Lúxusferðaskrifstofan Virtuoso
tekur árlega saman vinsælustu
áfangastaði brúðhjóna og hér er
hluti þess lista.
Borðhald í sveitabrúðkaupi:
Kalt kjötréttaborð: Skinka, salami og pylsur
ásamt góðum ostum og brauði. Kalt kjöt í
úrvali ásamt grænmeti. Bollakökur í hlýlegum
litum sem tóna við skreytingar, bornar
fram með ávaxtasalati með jarðarberjum,
rabarbara, mintu og rifinni sítrónu.
Borðhald í Parísarbrúðkaupi:
Ferskur hvítur aspas með hollandaise-
sósu og dilli. Humarhalar með hvítlauk.
Grilluð kjötspjót með heitu, blönduðu
rótargrænmeti. Kaka með hvítu marsipani
á nokkrum hæðum, skreytt með fallegum
pastellitum.
Borðhald í naumhyggjubrúðkaupi:
Ostrur með rauð- og graslaukssultu. Fiskur
og franskar – steiktur koli með remúlaði,
steinselju og steiktar kartöflur bornar fram
í brúnum pappír. Köld rabarbarasúpa með
melónubitum og ferskum hindberjum.