Dagblaðið Vísir - DV - 23.03.2012, Blaðsíða 30

30 Brúðkaup 23.–25. mars 2012 Helgarblað
Brúðkaup og skilnaðir í tölum
n Alls 563 pör fengu lögskilnað árið 2010
H
jónaskilnuðum hefur
farið fjölgandi eftir hrun,
en árið 2010 var metár í
hjónaskilnuðum þegar 563
pör fengu lögskilnað. Árið 2007
skildu 526 hjón.
Á sama tíma gengu færri pör
í hjónaband, en árið 2007 létu
gengu 1.797 pör í hjónaband á
meðan 1.547 pör settu upp hring-
ana 2010.
Færri pör gifta sig í kirkju nú en
árið 2007 þar sem árið 2007 giftu
1.444 pör sig í kirkjulegri athöfn,
en 2010 voru þau 1.201.
Borgaralegar giftingar árið 2007
voru 352 en árið 2010 voru þær
346.
Algengasti aldur brúðguma
árið 2010 var 30 ár. Á sama ári var
algengasti aldur þeirra karlmanna
sem áður höfðu verið giftir og
gengu aftur í hjónaband 51 ár.
Hjá brúðunum var einnig al-
gengast að gifta sig í fyrsta skipti
30 ára en aldur þeirra kvenna sem
voru að gifta sig í annað sinn var
lægri en hjá samsvarandi hópi
brúðguma eða 44 ár.
Af þeim sem hjónum sem fengu
skilnað árið 2010 höfðu 112 pör
verið gift í 20 ár eða lengur. Sama
ár skildu 115 hjón sem höfðu verið
gift í 6 til 9 ár, 58 pör höfðu aðeins
verið gift í 0–2 ár.
2010 var algengasti aldur karla
til að skilja 46 ár en kvenna 31 ár.
Vinsælasta
brúðkaupslagið
Lagið Ást er vinsælasta brúð-
kaupslagið samkvæmt óformlegri
könnun DV. Haft var samband
við presta víðs vegar um landið
og þeir beðnir um að greina frá
hvaða lög verða oftast fyrir valinu
við hjónavígslur í kirkjum. Þar var
lagið Ást hlutskarpast sem Magn-
ús Þór Sigmundsson samdi við
ljóð Sigurðs Norðdal. Söngkonan
Ragnheiður Gröndal gerði það svo
ódauðlegt með flutningi sínum
en hún státar einnig af flutningi á
næstvinsælasta laginu samkvæmt
úttektinni en það er Með þér eftir
Bubba Morthens.
Önnur lög sem komust á blað
voru Þú ert yndið mitt yngsta og
besta, Á brúðkaupsdegi (Amazing
Grace), Ó, þú, Kannski er ástin, Þú
fullkomnar mig og Augun þín.
Þ
að sem ég hef orðið var við
að gerist aftur og aftur er
að fólk hittist og verður ást-
fangið. Það fer að búa, giftir
sig og eignast kannski börn
en svo einhvern veginn líður tíminn
og það gleymir hvort öðru. Ástin og
lífið er ekki eins og í bandarískri bíó-
mynd þar sem allt kemur af sjálfu sér.
Fólk verður að hafa fyrir sambandinu
sínu,“ segir Þórhallur Heimisson,
prestur í Hafnarfjarðarkirkju, sem
hefur veitt hjónabandsráðgjöf í fjöl-
mörg ár.
Kjarnavandamál
Þórhallur bendir á að fólk þroskast
og breytist á löngum tíma í sam-
bandi og það er ósanngjörn krafa að
ætlast til þess að fólk sé alltaf eins.
„Það er frábært þegar fólk þróast
saman, en það er ekki endilega alltaf
þannig. Það þróast í sundur og sum-
um finnst að hinn aðilinn eigi alltaf
að vera eins og að ástin eigi að vera
sjálfsögð. En svo stendur fólkið uppi
með það einn daginn að það þekkir
ekki hinn aðilann lengur,“ segir
hann. „Þetta er oft kjarnavanda-
mál – að láta hlutina líða og rækta
ekki sambandið.“ Hann segir að for-
sendan fyrir því að slík sambönd geti
gróið um heilt sé sú að báðir aðilar
séu tilbúnir til þess að vinna í sam-
bandinu af heilindum. „Þá er yfir-
leitt alltaf hægt að hjálpa fólki.“
Hlutleysið hjálpar
Þórhallur bendir á að í lífinu koma
oft erfiðir álagspunktar og því mikil-
vægt að vera í stakk búinn til þess að
takast á við vandann. „Lífið er svo
breytilegt. Fólk er að eignast börn,
einhverjir deyja í fjölskyldunni, þú
ert að flytja. Það er alltaf allt mögu-
legt í gangi. En á þessum álags-
punktum lífsins er ágætt að setj-
ast niður og athuga hvernig okkur
gengur og hvað við þurfum að gera,“
segir hann, en á námskeið sem hann
heldur geta öll pör leitað, hvort
sem viðkomandi eiga við vandamál
að stríða eða vilja fyrirbyggja slík
vandamál. Í hjónabandsráðgjöf eru
vandamálin hins vegar stærri og þá
er gott að hafa hlutlausan aðila til að
fara yfir málin. „Oft eru það vanda-
mál sem fólk hefur verið að glíma
lengi við, jafnvel þess eðlis að það
þarf þriðja aðila til að setjast niður
með þeim. Hann er þá hlutlaus og
þekkir þau ekki. Hann hlustar á fólk
og þá kannski kemur í ljós að það
sem okkur finnst svo stórt eða óyfir-
stíganlegt er ekki svo stórt og okkur
finnst í raun og veru.“
Ráð handa ungum hjónum
Ráð Þórhalls til ungra hjóna eru
einföld og fjalla einmitt um einfald-
leikann. „Reynið að hafa lífið einfalt
og ekki flækja hlutina um of. Setjið
fjölskylduna og sambandið í forgang
í lífinu. Ef þið viljið setja ykkur ein-
hver markmið sem hjón þá væri það
það. Og gleyma því ekki – það er svo
einfalt að gleyma því. Ef þið gerið
það þá mun þetta yfirleitt blessast,“
segir Þórhallur og bætir við: „Virðið
hvort annað og berið virðingu fyrir
hvort öðru – hlustið á hvort annað.“
n Stærsti vandinn í samböndum er að taka hvort öðru sem sjálfsögðu
Einfaldleikinn mikilvægur
Þórhallur segir að mikilvægt sé að hafa
einfaldleikann í fyrirrúmi og setja fjöl-
skylduna og sambandið í forgang.
„Reynið að hafa
lífið einfalt og
ekki flækja hlutina um
of. Setjið fjölskylduna og
sambandið í forgang í
lífinu.
Gerðu
kaupmála
Þó svo flestir sem eru í hjóna-
bandshugleiðingum hugsi um
hjónabandið sem ævilanga skuld-
bindingu en staðreyndin sú að það
gengur ekki alltaf eftir. Það getur
því verið skynsamlegt að hjón eða
hjónaefni geri kaupmála sín á milli,
sérstaklega ef mikill munur er á
eignastöðu og þannig standa vörð
um sínar eignir.
Þegar gengið er í hjónaband
verða allar eignir hjúskapareignir
nema annað sé tilgreint, til dæmis
með kaupmála.
Tilgangur kaupmála er að
búa til séreign en það er eign sem
annað hvort hjóna á og tilheyrir
ekki félagsbúi þeirra. Með kaup-
málanum verður séreignin þá und-
anþegin skiptum ef til skilnaðar
kemur. Meginreglan við lögskilnað
er sú að eignum skal skipt til helm-
inga á milli hjónanna en ef hjónin
hafa gert kaupmála haldast sér-
eignir þeirra, það er þær eignir sem
hvor aðili átti fyrir hjónaband.
Hjónabandssæla Árið 2010
giftu flestir sig um þrítugt.
w w w . l y d u r . i s
B R Ú Ð
K A U P S
M Y N D A
T Ö K U R
Ástin er ekki eins og
bandarísk bíómynd