Dagblaðið Vísir - DV - 07.09.2012, Page 12

„Algert uppnám“
n Árborg ályktar um skýrslu KPMG
B
æjarráð Árborgar samþykkti
ályktun á fundi sínum á fimmtu-
dag þar sem hugmyndum um
að hækka virðisaukaskatt á
ferðaþjónustu úr 7 prósentum í 25,5
prósent er mótmælt harðlega. Álykt-
unin var samþykkt með tveimur at-
kvæðum fulltrúa D-lista en fulltrúi
S-lista sat hjá. „Slík fyrirvaralaus, ein-
hliða ákvörðun myndi setja rekstur
greinarinnar í algert uppnám eins og
fram kemur í úttekt KPMG frá 31. ágúst
2012. Bæjarráð skorar á þingmenn að
standa vörð um uppbyggingu eins
helsta vaxtarsprota í atvinnulífinu á Ís-
landi,“ segir í ályktuninni.
Í útreikningum KPMG og skýrslu
sem gerð var um mögulega hækkun
virðisaukaskatts mun ferðaþjónustan
ekki þola áformaða hækkun. Í skýrsl-
unni voru tilteknar þrjár mögulegar
afleiðingar hækkunarinnar: Í fyrsta
lagi að ferðaþjónustuaðilar tækju hana
alla á sig, í öðru lagi yrði henni velt út
í verðlag og í þriðja lagi að henni yrði
skipt á milli þeirra sem kaupa þjón-
ustuna og þeirra sem hana veita.
Breytingin á að skila þremur milljörð-
um til ríkisins.
12 Fréttir 7.–9. september 2012 Helgarblað
Byrjendajóga
Mjúkt jóga
Kundalini Jóga
Hatha Jóga
Meðgöngujóga
Mömmujóga
Karlajóga
Krakkajóga
Yoga Nidra
Kennaranám
Ýmis námskeið
HAUSTÖNNIN
ER HAFIN
Ný og fjölbreytt stundarskrá
L
ítið mál virðist vera að leyna fjár-
hagsupplýsingum fyrirtækja og
komast hjá því að skila ársreikn-
ingum. Lög kveða á um að fyrir-
tæki skili ársreikningi eftir hvert
rekstrarár og eru ársreikningar að-
gengilegir öllum í gegnum Fyrirtækja-
skrá ríkisskattstjóra. Sektirnar við því
að skila ekki ársreikningi eru í einhverj-
um tilfellum lægri en kostnaðurinn
sem fylgir því að láta útbúa ársreikning.
Þegar fyrirtæki skila ekki ársreikn-
ingum hefur það takmörkuð áhrif.
Starf opinberra aðila og eftirlit þeirra
með fyrirtækjunum skerðist ekki.
Það er hins vegar svo að upplýsingar
á borð við ársreikninga eiga að vera
opin berar öllum þeim sem eftir þeim
óska. Sá réttur er tryggður í lögum. Af-
leiðingarnar af því að skila ekki árs-
reikningum felast þannig í því að skapa
leyndarhjúp yfir fjárhagsstöðu fyrir-
tækis gagnvart almenningi og þeim að-
ilum sem ekki sinna opinberu eftirliti
með viðkomandi fyrirtæki.
Tveir ársreikningar á átta árum
Dæmi um slíkt er félagið FAD 1830 ehf.
sem átti allt hlutafé í Olíuverslun Ís-
lands, Olís, en félagið hefur ekki skilað
ársreikningi nema tvisvar á síðustu átta
árum, samkvæmt upplýsingum Fyrir-
tækjaskrár. Hundruð milljóna hafa ver-
ið greiddar út úr Olís og inn í félagið í
formi arðgreiðslna á síðustu árum en
litlar sem engar upplýsingar fást hins-
vegar um hvað hefur síðan orðið um
peningana. Félagið skipti um nafn í
febrúar á þessu ári, á sama tíma og nýtt
félag með gamla nafninu var stofnað.
Þær litlu upplýsingar sem þó eru til um
fjárhagsstöðu fyrirtækisins koma fram
í ársreikningi dótturfélags þess. Í árs-
reikningi Olís fyrir rekstrarárið 2010
kemur fram að staða félagsins sé slæm
og að 1,4 milljarða króna krafa Olís á
dótturfélagið sé ekki örugg.
Fleiri hafa hunsað
B.M. Vallá hf., sem nú er gjaldþrota,
skilaði heldur ekki ársreikningum. Fé-
lagið skilaði í raun ekki einum ein-
asta ársreikningi til Fyrirtækjaskrár á
tímabilinu 1995 til 2010, þegar félag-
ið fór í þrot. Svo virðist sem ákvörðun
hafi verið tekin um að hunsa lög um
ársreikningaskil. Í byrjun þessarar
aldar var mál rekið fyrir dómstólum
gegn fyrirtækinu og stjórnendum þess
vegna vanskilanna en þá var niður-
staða dómarans að félagið hefði ekki
brotið af sér með því að hunsa reglur
um ársreikningaskil. Síðan þá hefur
lögum um fyrirtækjaskrá verið breytt.
Félag Björns Inga Hrafnssonar,
Caramba – hugmyndir og orð, er ann-
að dæmi um félag sem ekki skilaði árs-
reikningum. Fjallað var um félagið í
rannsóknarskýrslu Alþingis í tengslum
við háar lánafyrirgreiðslur til fjölmiðla-
manna. Félagið varð gjaldþrota á síð-
asta ári en þá hafði það ekki skilað árs-
reikningi frá hruni, eftir að hafa staðið
skil á reikningum frá 2001.
Ekki nóg að sekta
Ríkisskattstjóri sektar reglulega fyrir-
tæki sem ekki standa skil á ársreikn-
ingum eins og lög kveða á um. Fyr-
irtæki geta átt von á 250 þúsund
króna eða 500 þúsund króna sekt
fyrir að skila ekki ársreikningi. Rík-
isskattstjóri hefur einnig heimild til
að senda mál fyrirtækja sem ítrekað
brjóta af sér varðandi ársreikninga-
skil áfram til opinberrar rannsóknar.
Slíkt hefur hins vegar ekki verið gert
síðustu ár.
„Í fyrsta lagi er rekið á eftir því
með auglýsingu, bréfi til viðkom-
andi, tilkynningum og óskum um
það að menn standi við þetta. Ef
ekki er orðið við því eru lagðar sekt-
ir á viðkomandi,“ útskýrir Skúli Egg-
ert Þórðarson ríkisskattstjóri. Hann
segir að þrátt fyrir heimild um að
vísa málum fyrirtækja til opinberrar
rannsóknar hafi það ekki verið gert
síðustu ár. „Ekkert mál hefur farið
til dómstólameðferðar,“ segir Skúli
sem segir að þau mál sem send hafa
verið áfram hafi verið látin niður
falla hjá rannsóknaraðilum vegna
tímaleysis.
Ráðherra ekki sammála
Skúli Eggert hefur talað fyrir harðari
aðgerðum gagnvart fyrirtækjum sem
ekki standa skil á ársreikningum. Í
blaðinu Tíund, sem gefið er út reglu-
lega af ríkisskattstjóra, hefur hann
viðrað hugmyndir sínar um að félög-
um sem ítrekað gerast sek um að skila
ekki ársreikningum verði hreinlega
slitið. Þá yrðu eigendur fyrirtækjanna
persónulega ábyrgir fyrir rekstri fyr-
irtækjanna. Hann segir að stjórnvöld
hafi gefið lítið fyrir þær hugmyndir.
„Þessi hugmynd hlaut ekki brautar-
gengi. Ef ég man rétt þá taldi þáverandi
efnahags- og viðskiptaráðherra að
ástæða væri til að leita annarra leiða,“
segir Skúli Eggert. Hann segir sektirnar
hafa mismikil áhrif á viðkomandi fyr-
irtæki og segist hafa orðið var við um-
ræðu um að sektirnar væru kannski
ódýr leið til að leyna upplýsingum.
„Það bítur mismikið í viðkomandi að-
ila. Ef þetta eru litlir aðilar þá munar
þá um þetta en ef þetta eru stórir aðil-
ar þá skiptir þetta ekki máli.“ n
Auðvelt að leyna
fjárhagsstöðu
n Félög hunsa lög um ársreikningaskil n Almenningi haldið í myrkri
„Ekkert
mál hefur
farið til dóm-
stólameðferðar
Skúli Eggert Þórðarson
Aðalsteinn Kjartansson
blaðamaður skrifar adalsteinn@dv.is
Móðurfélagið FAD 1830, sem var móðurfélag Olís, er eitt þeirra fyrirtækja sem ítrekað
hafa hunsað að skila ársreikningi. Mynd HEiða HElGadóTTiR
Vill harðari aðgerðir Skúli Eggert
Þórðarson ríkisskattstjóri hefur talað
fyrir harðari aðgerðum gegn fyrirtækjum
sem ekki standa skil á ársreikningum. Þær
hugmyndir hans hafa ekki hlotið stuðning
ráðherra.
Ræktaði
dóp og seldi
Og meira af kannabisræktun.
Héraðsdómur Reykjavíkur
dæmdi í vikunni karlmann í
30 daga fangelsi fyrir að hafa
í fórum sínum samtals sextán
kannabisplöntur og 360 grömm
af marijúana. Efnin fundust
við leit, annars vegar í septem-
ber 2010 og hins vegar í nóv-
ember 2011, og játaði maður-
inn brot sín. Maðurinn ræktaði
plönturnar sjálfur í íbúð sinni.
Maðurinn sem um ræðir
er fæddur árið 1986 en hann
á að baki þrjá dóma. Auk þess
að sæta fangelsi í 30 daga var
manninum gert að greiða 73
þúsund krónur. Þá voru 293
þúsund krónur gerðar upptækar
en grunur lék á að peningarnir
væru ágóði af fíkniefnasölu.
14 kíló af
kannabis
Lögreglan á höfuðborgarsvæð-
inu stöðvaði kannabisræktun í
húsi á Kjalarnesi fyrr í vikunni.
Við húsleit fundust 65 kanna-
bisplöntur á lokastigi ræktun-
ar en þær vógu um 14 kíló. Stór
hluti hússins var undirlagður
af þessari starfsemi og var bún-
aðurinn eftir því. Þetta kemur
fram í tilkynningu frá lögreglu.
Sem fyrr minnir lögreglan
á fíkniefnasímann 800-5005. Í
hann má hringja nafnlaust til
að koma á framfæri upplýsing-
um um fíkniefnamál. Fíkni-
efnasíminn er samvinnuverk-
efni lögreglu og tollyfirvalda og
er liður í baráttunni við fíkni-
efnavandann.
Slæmar afleiðingar Bæjarráð Árborgar
skorar á þingmenn að standa vörð um
ferðaþjónustuna.