Dagblaðið Vísir - DV - 07.12.2012, Síða 28

28 Erlent 7.–9. desember 2012 Helgarblað
Beðið eftir aðgerðasinnum
Palestínsk börn bíða í eftirvæntingu eftir því að
aðgerðasinnar úr röðum Fatah-hreyfingarinnar
snúi aftur til Gaza-svæðisins. Aðgerðasinnarnir
áttu í harðvítugum deilum við Hamas-liða
sem hröktu þá yfir landamærin en gáfu svo
út yfirlýsingu um að þeim væri óhætt að snúa
aftur heim. Eins og kunnugt er létu Ísraelsmenn
sprengjum rigna yfir Gaza-svæðið.
Óeirðir á Norður-Írlandi Átök brutust út milli lögreglu
og mótmælenda eftir að borgarráðið í Belfast samþykkti tillögu þess
efnis að breski fáninn yrði aðeins dreginn að húni uppi á ráðhúsinu við
hátíðleg tilefni. Köstuðu mótmælendur golfkúlum og glerflöskum í
óeirðasveit lögreglunnar.
Uppreisnarmenn eignast skriðdreka Hér má sjá hermann
úr andspyrnuhreyfingunni Frjálsa sýrlenska hernum dytta að skriðdreka sem
hreyfingin stal frá stjórnarhernum þar í landi. Myndin er tekin nálægt landamærum
Tyrklands og Sýrlands en blóðug átök hafa geisað í Sýrlandi mánuðum saman.
Prins og bráðum pabbi
Vikan var viðburðarík hjá Vilhjálmi Breta-
prins og eiginkonu hans, Kate Middleton,
hertogaynju af Cambridge. Tilkynnt var
um hertogahjónin ættu von á barni og hér
má sjá Vilhjálm á King Edward-sjúkrahús-
inu í Lundúnum. Þar dvaldist Middleton
vegna alvarlegrar morgunógleði.
Dansað á rústunum New York hefur ekki borið barr sitt eftir að fellibylurinn
Sandy reið yfir borgina. Þrátt fyrir að tugir manna hafi látið lífið í náttúruhamförunum er ekk-
ert því til fyrirstöðu að því sem eftir stendur af brúnni á Rockaway-strönd sé breytt í leiktæki.
Svipmyndir
liðinnar viku
n Brot af því besta úr vikunni utan úr heimi frá ljósmyndurum Reuters-fréttastofunnar