Dagblaðið Vísir - DV - 07.12.2012, Side 50

50 Lífsstíll 7.–9. desember 2012 Helgarblað
Mórall bætir bragð
H
efur þú einhvern tímann
verið í átaki og fundið að
súkkulaðið sem þú stalst
í smakkast enn betur en
vanalega? Líklega vegna þess að
það er satt ef marka má niðurstöður
rannsóknar þar sem fram kemur að
sektarkennd gefur mat betra bragð.
Vísindamenn létu þátttakendur
gefa súkkulaði einkunn. Næst
voru sömu þátttakendur látnir
upplifa sektarkennd áður en þeir
gáfu súkkulaðinu aftur einkunn. Í
seinna skiptið fékk sama nammið
mun hærri einkunn.
Það sama var uppi á teningnum
þegar rannsóknin tengdist ekki
mat.
Vísindamenn segja niðurstöð­
urnar slæmar fyrir fyrir þá sem
reykja og drekka. En menn njóti
fíknigjafans enn betur þegar hann
sé á bannista og hljóti það að auka
líkur á að fólk falli í freistni.
Krabbamein
greint með
öndunarprófi
Vísindamenn telja sig hafa
þróað öndunarpróf sem greinir
nokkuð nákvæmlega krabba­
mein í þörmum.
Prófið greinir eiturefni sem
berast frá krabbameinsæxlinu
og er sagt vera um 76%
nákvæmt, kemur fram í The
British Journal of Surgery. Sér­
fræðingar telja jafnvel að tækið
geti komið í stað annarra tækja
sem hingað til hafa verið notuð
til að greina krabbamein.
Efnaskipti í krabbameins­
vefjum eru öðruvísi en í heil­
brigðum vefjum og gefa frá sér
ákveðin efnasambönd sem virð­
ast vera greinanleg í andardrætti
sjúklinga.
Donato Altomare prófessor,
sem fór fyrir rannsókninni,
segir þessa tækni við að greina
krabbamein mjög einfalda í
notkun en hún sé þó enn ný og
í þróun. Hann segir niðurstöður
rannsóknanna þó sýna fram á
að hægt verði að nota öndunar­
próf í meira mæli í framtíðinni
til að greina sjúkdóma.
Ofurfæði í desember
n Ofurfæðið getur spornað gegn krabbameini og hjartasjúkdómum
N
ú eru jólin á næsta leiti með
tilheyrandi smákökuáti,
eggjapúnsdrykkju og söltu
kjöti sem gerir engum gott.
Til mótvægis við óhollustuna sem
gjarnan fylgir desembermánuði er
gott að skella sér líka á smá ofur­
fæði. Líkaminn mun taka því fagn­
andi. Aðaluppskerutími ýmissa
tegunda af grænmeti er í desember
og því um að gera að ná sér í holl­
metið á meðan það fæst. Þér mun
líða svo miklu betur eftir að hafa
borðað smá ofurfæði og getur leyft
þér að njóta jólaóhollustunnar með
góðri samvisku.
Sveppir
Sveppir eru bragð­
miklir og kaloríu­
snauðir. Margar
tegundir af sveppum
hafa þá eiginleika að
efla ónæmiskerfi fólks.
Sveppir geta jafnframt
lækkað kólesteról líkamans sem og
dregið úr líkum á krabbameini. Þeir
eru uppfullir af andoxunarefnum
sem hafa góð áhrif á hjarta­ og æða­
kerfið og geta þannig einnig dreg­
ið úr líkum á hjartasjúkdómum.
Sveppir eru því frábær valkostur
þegar kemur að grænmeti.
Sveppina er hægt að setja hráa
og ferska beint í salat. Til að bragð­
bæta þá enn frekar, en halda samt
næringarefnunum, má leyfa þeim
að liggja í ólífuolíu og hvítlauk í smá
tíma. Þá er hægt að léttsteikja þá á
pönnu og nota sem álegg á brauð í
anda bruchettu.
Kínakál
Kínakál er ríkt af K­vítamíni sem
styrkir beinin. Þá hafa rannsóknir
sýnt fram á að K­vítamín hefur góð
áhrif í baráttunni við Alz heimers og
geti jafnvel dregið úr eða haldið
niðri einkennum að einhverju
leyti.
Best er að gufusjóða eða
snöggsteikja kínakálið. Varast
skal að ofelda kálið því þá tap­
ar það miklu af næringarefnum
sínum, sem eru ríkust í grænu
blöðunum.
Brokkolí
Brokkolí er eitt það hollasta sem
þú færð og það ættu allir að vita.
Það er hlaðið trefjum og
C­vítamíni, einstaklega
hitaeininga snautt
og magn and­
oxunarefna í mat­
vælum gerist varla
hærra.
Brokkolí er
einnig ríkt af
kalsíum, járni, B­,
E­, og K­vítamín­
um sem talin eru
sporna gegn krabba­
meini, hjartasjúk­
dómum, heilablóð­
falli, augnsjúkdómum
og beinþynningu, svo fátt
eitt sé nefnt.
Brokkolí er vissu­
lega best að borða
hrátt, en einnig er
gott að snöggsteikja
það. Jafnvel útbúa úr
því súpu eða skera nið­
ur í örþunnar sneiðar og
gera brokkolíhrásalat.
Sellerírót
Rótin er meðal annars rík
af trefjum og B6­vítamíni.
Þá hafa verið uppi getgátur
um að sellerírót geti
nýst í baráttunni
við krabbamein,
þá sérstaklega
ristilkrabba­
mein. Aðalupp­
skerutími sell­
erírótarinnar er
í desember og því
er um að gera að njóta
hennar sem ofurfæðis á meðan þú
getur.
Gott er að steikja sellerírótina
með öðru vetrargrænmæti. Blanda
smávegis af ólífuolíu og krydd­
jurtum út í grænmetis­
blönduna til að kalla fram
rétta bragðið. Hægt er að
borða grænmetið sem
hluta af stærri og þyngri
máltíð eða setja út í sal­
atið.
Hvítlaukur
Talið er að þetta bragðmikla
grænmæti geti verndað þig gegn
ákveðnum tegundum krabba­
meins. Þá er hvítlaukurinn einnig
góður í baráttunni við hinar ýmsu
bakteríur og vírusa, enda oft
mælt með honum við kvefi
eða flensu.
Hvítlaukurinn gefur öll­
um mat þetta extra bragð
sem hann þarfnast. Hvít­
laukurinn nýtist því vel sem
krydd út á mat. Hann gagnast
þér hins vegar best þegar þú bítur
beint í hvítlauksrifin, hrá og fersk. n
solrun@dv.is
Hollt í desember
Brokkolí er eitt það
hollasta sem þú færð og
það ættu allir að vita.
Það er hlaðið trefjum og
C-vítamíni, einstaklega
hitaeiningasnautt og
magn andoxunarefna í
matvælum gerist varla
hærra.